بهروار نوری
ههرێما كوردستانێ وهك ههر دهڤهرهكا دی ل رۆژههلاتا ناڤین تایبهتی و زوربهیا دهولهتێن جیهانێ توشی نهخوشیا گهندهلیێ بوویه د زۆربهیا سێكتهراندا چ ژ ئهگهرێن سیاسی بن یان كلتوری و ئهخڵاقی و دینی بن، خوشحالی ڤه زۆربهیا بهرپرسێن حزبی و حكومی حاشاتیا گهندهلیێ ناكهن و بهردهوام بهحسا رێك و رێكارێن بكارئینانا دژی گهندهڵیێ دكهن و كابینا نههێ یا حكومهتا ههرێما كوردستانێ كهیسا گهندهلیێ كریه د بهرنامێ كابینێ دا بۆ نههێلان و كێم كرنا گهندهلیێ، پێتڤییه ب توندی رێكاران بگرنه بهر ل بهرامبهری وان ههمی كهس و ئهڤرازیێن رێخوشكهر بۆ گهندهڵیێ و قۆناغ ب قۆناغ ئهڤ پرۆسه بهێته جێبهجێ كرن.
جهێ خۆشحالیێ یه كۆ حكومهتا ههرێما كۆردستانێ قۆناغا ئێكێ یا چاكسازیێ دهستپێكر بۆ نههێلانا گهندهلیێ د مووچه و دهرمالان دا، تایبهت كهسێن نه شایسته و بن دیوار وه پێتڤی یه چاكسازی بهردهوام بیتن.
ئهرێ رێكارێن بارزانیێ نهمر چبوون بۆ نههێلانا گهندهلیێ د شۆرهشێدا، چونكی گهندهلی خیانهته ل مالێ گشتی و بۆ بهێزكرنا گرێدانا تاكێ كورد بهرامبهر دۆزا مللهتێ كورد، چونكی دهستههڵاتهكا شهفاف و راستگو و دیر ژ گهندهلیێ ئینتمایا خهلكی دێ بۆ ئاخ و وهڵاتی بهێزتركهڤیتن.
ل مهها رهمهزانێ من تهماشهی بهرنامهیهكی خارنا فتارێ دكر ل تیڤیهكا كوردستانی ل ماڵا پێشمهرگهیهكێ دێرین بهحسا شورهشێ دكر، پسیار ژ وی پێشمهرگێ دێرین هات كرن سهبارهت ناڤهڕۆكا وێ ناما بارزانیێ نهمر یا بۆ وی پێشمهرگێ دێرین هاتی هنارتن، پێشمهرگێ دێرین هوسا بابهت ڤهگێراند و گوت "سهردهمێ شۆرهشێ دا ههڤال و نیاس مه ههبوون ل خارێ و داخاز ژمن هاته كرن ب كۆژمهكێ پارا بهشداربم دگهل وان بۆ كارهكێ بازرگانی ب ههڤپشكی. ئهز ژی رازیبووم و پارێ هاتی داخازكرن من رادهستی وان كر، رۆژا پاشتر بهرپرسهكێ پارتی دیموكراتی كوردستان هنارته دیف منرا كو ل ماڵا وی ئامادهبم بۆ كارهكێ گرنگ، ئهز ژی چۆم ماڵا وی ب سڵاڤكرن و خێرهاتن ئهم روینشتین و نامهیهك ئینادهر و گۆته من ڤێ نامێ بخینه یا ژدهڤ بارزانیێ نهمر هاتی كا ناڤهرۆكا وێ چ دبێژیتن، پێشمهرگێ دێرین دبێژیتن من نامه وهرگرت و ڤهكر و خواند دبینم هاتیه نڤێسین بۆ بهرێز (ع.ش) بێژنه (ع.گ) بلا ئێكێ ژ دووا ههلبژێریتن چۆنكی ههردوو كار پێكڤه ناهێن كرن و ناڤهڕوكا نامێ دگۆت (یان مقاول یان
مناضل)".
گوت ئێكسهر ئهز چۆم من پارێت خۆ ڤهكێشاندنن و من شۆرهش ههلبژارت ل شوینا بازرگانیێ!!
حكمهتهكا مهزن د گوتنا بارزانیێ نهمردایه بو چهسپاندنا دادوهریێ و نههێلانا گهندهلیێ و پاراستنا تاكێ كۆرد ژ خیانهت و دزیێ، چونكی مرۆڤ زۆرجار دهێنه كرین ب پارهی و خاك و دۆزا خۆ دكهنه قۆربانیا پارهی.
گهلهكا پێدڤیه هێلا باوهریێ بهێته ئاڤاكرن و بهێزكرن دناڤبهڕا خهلكی و دهستههڵاتێ دا بێگومان ئهوژی برێكا یاسا سهروهریێ و شهفافیهتێ دا.