ھەولێر-KDP.info- ئەمڕۆ سێشەممە 30-6-2020، مەسروور بارزانی، سەرۆکی حکوومەتی هەرێمی کوردستان بە تەلەفۆن پەیوەندیی بە د. عەلی تەتەر، پارێزگاری نوێی دهۆکەوە کردووە.
عەلی تەتەر رۆژی دووشەممە 29-6-2020، لەبەردەم نێچیرڤان بارزانی، سەرۆکی هەرێمی کوردستان سوێندی یاسایی خوارد و وەک پارێزگاری دهۆک دەست بەکار بوو.
لە پەیوەندییە تەلەفۆنییەکەدا، مەسروور بارزانی جگە لە پیرۆزبایی دەست بەکاربوون، هیوای خواستووە عەلی تەتەر لە ئەرکە تازەکەیدا سەرکەوتوو بێ و بە ھاوکاریی گشت دامودەزگاکانی پارێزگا، خزمەتێکی زیاتر و شایستەی دهۆک بکات.