Kurdî  ■  كوردی  ■  عربي
WED, 27 JAN 2021 22:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی پەیامێکی پیرۆزبایی ئاراستەی حزبی شیوعی عێراق کرد
| KDP.info


هەولێر-KDP.INFO-  مەكتەبی سیاسی پارتی دیموكراتی كوردستان پەیامیکی پیرۆزبایی ئاراستەی حزبی شیعوعی عێراق کرد کە ئەمە دەقەکەیەتی:

بەڕێزان سكرتێر و ئەندامانی كۆمیتەی ناوەندی حزبی شیوعی عێراقی و کوردستانی

بەبۆنەی(86)ەمین ساڵیادی دامەزراندنی (حزبی شیوعی عێراقی) گەرمترین پیرۆزبایی لە سەرکردایەتی حزبی شیوعی عێراقی و کوردستانی و كادیر و ئەندام و لایەنگرانی حزبە تێکۆشەرەکانتان دەكەین، ئومێدەوارین هەمیشە لە پێشكەوتن و سەركەوتن و لە خەبات بەردەوام بن لەپێناو بەدیهاتنی گشت ئامانجە رەواكانی گەلانی عێراق و مافەنیشتیمانی و دیموكراسییەكان و بنیادنانی دوارۆژێكی ئارام و بەختەوەر بۆ سەرجەم گەل و نەتەوەكانی عێراق.

حزبی شیوعی یەكێكە لەو حزبە رەسەنانەی بەدرێژایی كاروانی خەباتی سیاسی و مێژوویی خۆی هەردەم داكۆكیكارێكی دڵسۆز بووە لە مافە رەواكانی خەڵك و ستەملێكراوان و شانبەشانی هێز و لایەنە سیاسیەكانی دیكە دژ بە رژێمە سەركوتكارەكان رۆڵی كاریگەر و گرینگی خۆی بینیوە و لەو رێگایەشدا قوربانی و شەهیدی زۆری داوەو تا ئەمڕۆش لەو رەوتە بەخششدارەیدا هەر بەردەوامە، كە مایەی شانازییە بۆ مێژووی خەباتی ئازادیخواز و دیموكراسیخوازانەی عێراق.

ئەمڕۆ عێراق لەبەردەم بارودۆخێكی هەستیار و گرنگدایە بەتایبەتی پێكهێنانی كابینەی نوێ حکومەتی فیدرالی و ھاوکات رووبەڕوبوونەوەی مەترسیەکانی ڤایرۆسی کۆرۆنا، بۆیە پێویستە و ئەركی سەرشانی گشت پارت و لایەنە سیاسیە دڵسۆزەكانە لە هێزە نیشتیمانی و پێشكەوتنخواز و دیموكراسییەكان  هاوهەڵوێست بن لەپێناو چارەسەركردنی كێشە و گیروگرفتەكان و تێپەڕاندنی ئەو رەوشە ناھەموارە، دیارە ئەمەش لەرێگای كاركردن بۆ پتەوتركردنی دامەزراوە دەستوورییەكان و چەسپاندنی بنەماكانی دیموكراسی و بەرقەراربوونی ئاشتەوایی و سەقامگیریی و یەکدەستی ھاوڵاتیان دێتە دی.

جارێكی دیكە بەبۆنەی (86)ەمین ساڵیادی دامەزراندنی حزبە تێکۆشەرەکەتان پیرۆزبایتان لێدەكەین و ئاواتەخوازین ئەو دەرفەتە هەوێنی زیاتری یەكڕیزیی و تەبایی و برایی نێوان حزب و لایەنە سیاسیەكان بێ و، دووبارەش جەخت دەكەینەوە سەر هاوپەیمانیی و دۆستایەتی بەهێز و لەمێژینە و رەگداكوتاوی نێوانمان و سووربوون لەسەر پتەوكردنی پرەنسیپە راست و دروستەكانی خەبات و تێكۆشانی مەدەنیانە و دیموكراسیانە و بەدیهێنانی ئامانجە هاوبەشەكانمان.

سڵاو لە گیانی پاكی شەهیدانی رێگای ئازادی و سەرفرازی..

مەكتەبی سیاسی
پارتی دیموكراتی كوردستان
--
 




دوایین هەواڵەکان

سبه‌ى پەرلەمان لەگەڵ دەزگای ھەڵبژاردنی لایەنە سیاسییەکان کۆ دەبێتەوە

WEDNESDAY, 27 JANUARY 2021 19:01:59

هه‌ولێر-KDP.info- سەرۆکی لیژنەی ناوچە کوردستانییەکانی ده‌ره‌وه‌ى ئیداره‌ى هه‌رێم له‌ په‌رله‌مانى كوردستان دەڵێت، ''وه‌كو ده‌ستپێشخه‌رییه‌كى نیشتمانى و نه‌ته‌وه‌یى بۆ یه‌كده‌نگیى كورد له‌ هه‌ڵبژاردنى ئه‌نجومه‌نى نوێنه‌رانى عێراق، ده‌زگاى هه‌ڵبژاردنى هه‌موو حیزبه‌كانمان بانگهێشت كردووه‌ له‌سه‌ر ئاستى به‌رپرسى یه‌كه‌مى ده‌زگا بۆ ئه‌وه‌ى سبه‌ى پێنجشه‌ممه‌ له‌ په‌رله‌مان كۆ بینه‌وە."

 

پەیامی پیرۆزبایی سەرۆکی هەرێمی کوردستان بەبونەی جەژنی (قەوڵتاس)

WEDNESDAY, 27 JANUARY 2021 18:01:25

جه‌ژنی قه‌ولتاس له‌ ته‌واوی خوشک و برایانی یٔازیزی کاکه‌یی له‌ کوردستان و له‌ هه‌ر کوێیه‌کی‌ جیهان بن، به‌ گه‌رمی پیرۆز ده‌که‌م.

 
پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی سێ شەوەی یاران (قەوڵتاس)

WEDNESDAY, 27 JANUARY 2021 18:01:35

بەبۆنەی جەژنی سێ شەوەی یاران ( قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم . هیوادارم یٔەم جەژنە ، ببێتە مایەی خێر و خۆشی و یٔاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.

 
فەرماندەیەک: پێشمەرگە باڵانسی شەڕی کۆبانیی گۆڕی و گەورەترین سەرکەوتنی تۆمار کرد

WEDNESDAY, 27 JANUARY 2021 17:01:10

ھەولێر-KDP. info-  شەش ساڵ بەسەر ئازاکردنی شاری کۆبانیی ڕۆژئاوای کوردستاندا تێ دەپەڕێت و فەرماندەیەکی بەشدار لە شەڕەکانی کۆبانیدا دەڵێت، بەسەر چەندین ئاستەنگدا تێ پەڕین و پێشمەرگە توانی باڵانسی شەڕ لە کۆبانی بگۆڕێت.

 

" ٣٥٠ خانوو ڕادەستی خانەوادەی شەھیدانی چەمچەماڵ کران"

WEDNESDAY, 27 JANUARY 2021 17:01:32

چەمچەماڵ-KDP.info- لەسەر فەرمانی سەرۆک بارزانی خانوو بۆ خانەوادەی شەھیدانی قەزای چەمچەماڵ دروست کراوە و بەرپرسێکی پارتییش دەڵێت، تەنیا لە سنووری چەمچەماڵ ئەمڕۆ ٣٥٠ خانوو ڕادەستی خانەوادەی سەربەرزی شەھیدان کرا.

 


 
© 2020 Kurdistan Democratic Party, KDP

Contact