Kurdî  ■  كوردی  ■  عربي
SAT, 28 MAR 2020 14:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. دالیا: سێ ملیار دینار و بڕێكی زۆر كەلوپەلی پزیشكی لە بەغداوە رەوانەی ھەرێم دەكرێت
| KDP.info


هەولێر-KDP.info- ئەندامێكی كورد لە لیژنەی تەندروستیی پەرلەمانی عێراق دەڵێ، ھەر ھاوكارییەكی نێودەوڵەتی بۆ بەرەنگاربوونەوەی كۆرۆنا بگاتە عێراق، پشكی ھەرێمی كوردستانی تێدایە و رۆژانی دابێ سێ ملیار دینار و بڕێكی زۆری كەلوپەلی پزیشكی رەوانەی ھەرێم دەكرێت.

د. دالیا فەرھاد، بە ماڵپەڕی فەرمیی پارتی دیموكراتی كوردستانی راگەیاند: "ھەر ھاوكارییەكی نێودەوڵەتی لەلایەن رێكخراوی تەندروستیی جیھانییەوە بۆ عێراق بێت بۆ بەرەنگاربوونەوەی ڤایرۆسی كۆرۆنا، بەشی ھەرێمی كوردستانیشی تێدایە و لەو بودجەیەی حكوومەتی عێراقیش كە بۆ بەرەنگاربوونەوەی كۆرۆنا تەرخانی كردووە، بەشی ھەرێمی كوردستان رەوانە دەكرێت".

ئەو ئەندامەی لیژنەی تەندروستی دەشڵێت: "بڕیارە لە چوارچێوەی پلانی بەرەنگاربوونەوەی ڤایرۆسی كۆرۆنادا، حكوومەتی فیدڕاڵ سێ ملیار دینار بۆ خەرجییەكانی ڤایرۆسی كۆرۆنا رەوانەی ھەرێمی كوردستان بكات و هاوكارییەكانیش بەردەوام دەبن".

د. دالیا فەرھاد ئاماژەی بۆ ئەوەش كرد: "ھەردوو حكوومەتی عێراق و چین رێككەوتن لەسەر ئەوەی وڵاتی چین ھاوكاریی عێراق بكات بۆ بەرەنگاربوونەوەی كۆرۆنا و بڕیارە لە چەند رۆژی داھاتوودا بڕێكی زۆری ھاوكاریی پزیشكی لە چینەوە رەوانەی عێراق بكرێت و لەگەڵ گەیشتنیشدا پشكی ھەرێمی كوردستان رەوانە دەكرێت، ئەمە جگە لەوەی دوێنێ چین ھەندێك ھاوكاریی گەیاندە ھەولێر".

 

قائید میرۆ




دوایین هەواڵەکان

سەندیکای کرێکاران: مافی کرێکاران نافەوتێت.. حکوومەت لەھەوڵدایە بۆ چارەسەرکردنی

SATURDAY, 28 MARCH 2020 13:03:43

هەولێر-KDP.info- ئەندامێکی مەکتەبی تەنفیزی سەندیکای کرێکاران دەڵێ، بەھۆی قەدەغەی ھاتووچۆوە ژمارەیەکی بەرچاوی کرێکاران ناتوانن بچنە سەرکارەکانیان، بەپێی یاساش تا دوو مانگ ئەرکی خاوەن کارە مووچە و کرێی کرێکاران خەرج بکات.

 
د. سامان بۆ KDP: تا ئێستا زیاتر له‌ 50 نه‌خۆشی كۆرۆنا چاكبوونه‌ته‌وه‌

SATURDAY, 28 MARCH 2020 13:03:16

هەولێر-KDP.info- ئه‌و كه‌سانه‌ی له‌ هه‌رێمی كوردستان تووشی نه‌خۆشی كۆرۆنا ده‌بن به‌رده‌وام له‌چاكبوونه‌وه‌ دان و تاوه‌كو ئێستاش 51كه‌س چاكبوونه‌ته‌وه‌، وه‌زیری ته‌ندروستی حكوومه‌تی هه‌رێمی كوردستانیش ده‌ڵێ، دۆخی هه‌رێمی كوردستان له‌كۆنترۆڵدایه‌ و هه‌موو رێكاره‌كانیان گرتۆته‌به‌ر، بۆیه‌ رێنمایه‌كان تاڕاده‌یه‌كی باش جێبه‌جێ ده‌كرێن.

 
جەلال کاکەشین بۆ KDP: مافی قوتابیان نافەوتێت.. خەریکی چارەسەرکردنی خوێندنی ئەمساڵین

SATURDAY, 28 MARCH 2020 13:03:47

هەولێر-KDP.info- وەزارەتی پەروەردە بەھۆی درێژکردنەوەی پشووی ناوەندەکانی خوێندن بەدوای ئالیەتێکدا دەگەڕێت بۆ یەکلاکردنەوەی چارەنووسی خوێندنی ئەمساڵ، بەرپرسێکی وەزارەتەکەش دەڵێ، گرینگ ئەوەیە مافی قوتابیان نافەوتێت.

 
كۆرۆنا ڤایرۆس یا پۆست داعش به‌به‌رگی بایۆ سیاسیی

FRIDAY, 27 MARCH 2020 20:03:01

د.محه‌مه‌د خدر مه‌ولوود 

وەڵامێک لە گوتەبێژی حکومەتی هەرێمی کوردستانەوە بۆ فراکسیۆنی گۆڕان لە بەغدا

FRIDAY, 27 MARCH 2020 19:03:47

هه‌ولێر-KDP.info- جووتیار عادل، گوته‌بێژی حكوومه‌تی هه‌رێمی كوردستان له‌ ڕاگه‌یاندراوێكدا وه‌ڵامی لێدوانێكی فراكسیۆنی بزووتنه‌وه‌ی گۆڕان له‌ په‌رله‌مانی عێراق ده‌داته‌وه‌.



 
© 2020 Kurdistan Democratic Party, KDP