Kurdî  ■  كوردی  ■  عربي
WED, 1 APR 2020 21:23 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

موسا ئەحمەد: لە ناکاو هه‌ریری ده‌ركه‌وت.. جانۆ: كۆتا په‌یوه‌ندی له‌گه‌ڵ ئێمه‌ بوو
| KDP.info


هەولێر-KDP.info- کادیرانی ئەوکاتی یەکێتی قوتابیانی کوردستان، باس لە رۆڵ و کاریگەریی شەهید فەرەنسۆ هەریری دەکەن، پێیانوایە کە ئێستاش پێویستیان بە ئامۆژگارییەکانی ناوبراو هەیەدەشڵێن، ھەریری لە ئەزمووندا بەتەمەن بوو، بەڵام لە رۆحییەتدا زۆر گەنج بوو.

موسا ئەحمەد كادیری ئه‌وسای یه‌كێتی قوتابیان و سەرۆکی ئێستای دەزگای خێرخوازی بارزانی، بۆ ماڵپەڕی فەرمیی پارتی دیموکراتی کوردستان، باسی کەسایەتی و رۆڵی شەهید فەرەنسۆ هەریری دەکات و ، بە کەسایەتییەکی کاریگەر ناوی دەبات، بە تایبەت لەو بوارانەی لە رابردوودا کاری تێدا کردوون، هەردوو رێکخراوی قوتابیان و لاوان وەک نموونە دێنێتەوە، ئاماژە بەوەش دەکات، کە کۆتا لێدوانی شەهید فه‌ره‌نسۆ بۆ بەرنامەیەکی راستەوخۆی یەکێتی قوتابیان بووە.

رێناس جانۆش، کە ئەوکات بێژەری تەلەفزیۆنی گوڵان بووە، کۆتا پەیوەندی خۆیی و شەھید فەرەنسۆ ھەریری لە بەرنامەیەکی تەلەفزیۆنی گوڵان، بۆ ماڵپەڕی فەرمیی پارتی دیموکراتی کوردستان دەگێرێتەوە، کە دوایین شەوی ١٧ی شوباتی ٢٠٠١ و كاتژمێر ٩ بووە، بە مەبەستی یادکردنەوەی رۆژی دامەزراندنی یەکێتیی قوتابیانی کوردستان بووە لەسەر شاشەی گوڵان پەخش کراوە، بەرنامەکەش بۆ پیرۆزبایی کردن ئه‌و یاده‌ بوو كه‌ شه‌هید فەرەنسۆ هەریری به‌ په‌یوه‌ندی ته‌له‌فونی به‌شداری به‌رنامه‌كه‌ بوو و بەسەرهاتێکی خۆیی گێڕاوەتەوە، کە  لە کۆنفرانسی ئابی ١٩٨٦ی یەکێتیی قوتابیان، لەوکاتەی برادەرانی لقی دھۆکی یەکێتیی قوتابیانی کوردستان دەگەنە بارەگای لقی ٢ی پارتی،  فەرەنسۆ ھەریری لەسەر فەرمانی سەرۆک مەسعوود بارزانی یاوەریان دەبێ، تا دەچنە کۆنفرانسەکە، کاتێکیش کۆنفرانسەکە تەواو بووە گەڕاونەتەوە، لە رێگادا شەھید فەرەنسۆ تووشی رووداوێک دەبێت و لە شاخێکدا بەردەبێتەوە، کە زۆر بەرز بووە و، ھیچ برادەرێکیش بەتەما نەبووە کە هەریری بژی، بەو پێیەی کەوتنەکەی زۆر خراپ بووە، فەرەنسۆش گوتوویەتی: کە ھەستی کردووە ئەوە کۆتا رۆژی تەمەنییەتی، بۆیە ھەموو کات دەیگوت "لەو کاتەوەی بەربوومەتەوە، لە زیادەوە دەژیم".

سەرۆکی دەزگای خێرخوازی بارزانی نەمر، ئاماژە بەوەش دەکات، کە چەند رۆژێ پێش شەهیدکردنی هەریری، لە هۆڵی شەهید مەئمون دەباغی بارەگای سەرەکی سکرتارییەتی یەکێتی قوتابیانی کوردستان، موسا ئەحمەد بە گێڕانەوەی ئەو یادەوەرییە، یادگارییەکی بیر دێتەوە و دەیگێڕێتەوە، کە هەر دوای تەواوبوونی سیمینارەکەی، لە دەرگای هۆڵەکەدا هەموانی گەڕاندۆتەوە نێو هۆڵەکە و پێیگوتوون، کە بابەتێکی لە یاد کردووە، کاتێ گەڕاونەتەوە بە ئاماده‌بوانی گوتووە، ئەم ١٨ی شوباتە جەنابی سەرۆک بە بۆنەی یادی دامەزراندنی رێکخراوەکەتانەوە، دێت و پیرۆزباییتان لێ دەکات، ئەوەش بۆ ئەوان هەواڵێکی یەجگار خۆش بووە.

١٨ی شوبات بە لای موسا ئەحمەدەوە، تەنیا یادێک نییە، بەڵکو یادێکە تێکەڵ لە خۆشی و ناخۆشی، بەو پێیەی یادی دامەزراندنی یەکێتی قوتابیانە و خۆی لەو سەردەمەدا کادیری ئەو رێکخراوە بووە، لە لایەکی دیکەیش یادێکی کارەساتاوییە، بەو پێیەی سەرکردەیەکی خاکی وەک فەرەنسۆی تێدا شەهید کراوە.

سادەیی و خاکێتی هەریری، هەمیشە جێی سەرنج و دڵخۆشی ئەوان بووە، موسا نموونەیەک دەگێڕێتەوە، کە لە یەکێ لە کۆنفرانسەکانی قوتابیاندا، لە ناکاو فەرەنسۆ هه‌ریری ده‌ركه‌وت و چۆتە لایان و لەگەڵیاندا بەشدار بووە و محازەرەی بۆ داون و نانی لەگەڵدا خواردوون، هەربۆیەشە ئەو خاکییەی هەریری وای کردبوو، ببێتە کەسێکی خۆشەویست، لە نێو چین و توێژەکاندا.

ھەریری  بە لای جانۆوە، لە ئەزموون بەتەمەن بووە، بەڵام لە رۆحییەتدا زۆر گەنج بووە، رۆحییەتی هه‌ریری لەگەڵ ئەوان وەکو قوتابییەک مامەڵەی کردووە، ئەو لێیان تێدەگەیشت، هەرگیز رۆژێک نەبووە، داوایان لێ کردبێت بەشداری لە سیمینار و چالاکییەکیاندا بکات و، رەتی کردبێتەوە.

خێڵان – هه‌ڵكه‌وت




دوایین هەواڵەکان

پارێزگاری هەولێر چۆنیەتی جێبەجێکردنی رێنماییەکانی خستەڕوو

WEDNESDAY, 01 APRIL 2020 19:04:46

ھەولێر- KDP.info -  د. فرسەت سۆفی، پارێزگاری ھەولێر، لە کۆنفرانسێکی ڕۆژنامەوانیدا ڕایگەیاند، ئەمڕۆ لە کۆبوونەوەی ژووری ئۆپەراسیۆنەکانی پارێزگای ھەولێر بۆ چۆنیەتیی جێبەجێکردنی ئەو بڕیارانەی دوێنێ لەلایەن وەزارەتی ناوخۆ ڕاگەیاندران کۆ بووینەوە.

 

ئەمساڵ بەنداوەکان پڕئاوو دەبن و بۆ بوارەکانی دیکەیش سوودی لێوەردەگیرێ

WEDNESDAY, 01 APRIL 2020 19:04:24

هه‌ولێر-KDP.info- بەڕێوەبەری به‌نداوه‌كانی هه‌رێمی كوردستان گوتی، له‌ هه‌رێمی كوردستان 17 به‌نداوی بچووك و گه‌وره‌ هه‌یه‌ و ‌ئێستا ئه‌وانه‌ی بچووكن به‌هۆی بارینی بارانی زۆر و به‌رده‌وامەوە پڕ بوون له ‌ئاو، ئه‌وانه‌ی دیكه‌ش خه‌ریكه‌ پڕ ده‌بن، ئه‌مه‌ش سوودی زۆری بۆ هه‌رێمی كوردستان ده‌بێت له ‌زۆر كه‌رتی وه‌كو كاره‌با و كشتوكاڵ و خواردنه‌وه‌، چونكه‌ كاری ئه‌وانه‌ زۆرینه‌ی پێویستیان به‌ ئاو هه‌یه‌، بۆیه‌ ئه‌مساڵ كێشه‌ی ئاومان نابێت و هێشتا بارانیش هه‌ر به‌رده‌وامه‌.

روونکردنەوەیەک لە نووسینگەی سەرۆکی حکومەتی هەرێمی کوردستانەوە

WEDNESDAY, 01 APRIL 2020 19:04:18

هەولێر-KDP.info-  دوابەدوای ئەوەی لە ناوەوە و دەرەوەی ھەرێم، رێکارەکانی حکومەتی ھەرێم بۆ ڕووبەڕووبوونەوەی پەتای ڤایرۆسی نوێی کۆرۆنا بووە جێگەی دەستخۆشی، کەسانێک ویستیان بۆ شێواندنی ئەم دەسکەوتە خەڵک چەواشە بکەن و بە ھەواڵی ساختە پێگەی سەرۆکی حکومەت بکەنە ئامانج ،لەوانەش سۆران عومەر پەرلەمانتاری سەر بە کۆمەڵی ئیسلامی هەندێ لێدوانی ناڕاست و چەواشەکارانەی داوە کە گوایە، داهاتی حکومەت لە خەرجییەکانی زیاترە و هەروەها باسی لەوە کردووە کە سەرۆکی حکومەت گوایە خاوەنداریی بانکێک و کۆمپانیایەکی گەورە دەکات.

چاكبوویەکی كۆڕۆنا: حکوومەت بە دڵسۆزی چارەسەری کردین

WEDNESDAY, 01 APRIL 2020 18:04:13

هه‌ڵه‌بجه‌ - KDP.info - حكوومه‌تی هه‌رێمی كوردستان له‌ ڕێگه‌ی وه‌زاره‌تی ته‌ندروستییەوە ته‌واوی هه‌وڵه‌كانی خۆی خستووه‌ته‌ گه‌ڕ بۆ كۆنتڕۆڵكردنی ڤایرۆسی كۆرۆنا و چاره‌سه‌ركردنی ئه‌و كه‌سانه‌ی هه‌ڵگری ڤایرۆسه‌كه‌ن، چاكەوەبوویەكی ڤایرۆسی كۆرۆنا ده‌ڵێ، حكوومه‌ت به‌ دڵسۆزییه‌وه‌ كار ده‌كات بۆ چاره‌سه‌ركردنی نه‌خۆشانی كۆرۆنا.

 

دواین زانیاری دەربارەی شارۆچکەی خەلیفان

WEDNESDAY, 01 APRIL 2020 17:04:42

خەلیفان -KDP.info-بەڕێوەبەری ناحیەی خەلیفان دەڵێت، ڕەوشی کەرەنتیەکردنی شارۆچکەی خەلیفان بەردەوامە و ئەمڕۆ سێیەم ڕۆژی تێپەڕاندووە و ھاووڵاتیان بە شێوەیەکی زۆر باش پابەندی ڕێنماییەکانن. ئەو سوپاسی خۆڕاگریی ھاووڵاتیان دەکات و دەربارەی مووچەخۆرانیش دەڵێت، بە ھاوکاریی گەنجینەی سۆران مووچە بە شێوەی دیلێڤەری دابەش دەکرێت.

 



 
© 2020 Kurdistan Democratic Party, KDP