Kurdî  ■  كوردی  ■  عربي
MON, 28 SEP 2020 13:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی پێشوازیی لە شاندی یەکێتیی قوتابیانی کوردستان کرد
| KDP.info


هەولێر - KDP.info - ئەمڕۆ لە بارەگاى مەکتەبى سیاسیى پارتى دیموکراتى کوردستان، بەرێز فازڵ میرانى، سکرتێرى مەکتەبى سیاسى، پێشوازیى لە نێچیرڤان حسێن کەلارى، سکرتێر و مەکتەبى سکرتارییەت و بەرپرسى لقەکانى یەکێتیى قوتابیانى کوردستان کرد.

سەرەتا بە دەقیقەیەک ڕاوەستان بۆ ڕێزگرتن لە گیانى پاکى شەهیدانى ڕێگاى ڕزگاریی کوردستان و سەروەریى شەهیدان، بارزانى نەمر و کاکە ئیدریسى هەمیشە لە یاد و، بە ئامادەبوونى ئەڤین هروورى، ئەندامى سەرکردایەتیى پارتى دیموکراتى کوردستان و بەرپرسى دەستەى ڕێکخراوە جەماوەرى و پیشەییەکانى پارتى و سەڵاح فەیلى، بەرپرسى مەلەفى قوتابیان لە دەستەى ڕێکخراوە جەماوەرى و پیشەییەکان کۆبوونەوە دەستى پێ کرد و فازڵ میرانى وێڕاى بەگەرمى بەخێرهێنانى شاندى میوان، پیرۆزباییى سەرکردایەتیی پارتى دیموکراتى کوردستانى پێشکەش کرد، بە بۆنەى یادى 67 ساڵەى دامەزراندنیان و هیواى سەرکەوتنى بۆ خواستن.

لەم کۆبوونەوەیەدا، فازڵ میرانى ڕۆڵى گرنگى قوتابیانى لە خەباتى نهێنى و پارتایەتى لە کاتى شۆڕش تا ئەمڕۆ بە بەرچاو و دیار و بەرز نرخاند و گوتی: وەکو بارزانى نەمر کە فەرمووى. ''قوتابی سەرى ڕمى شۆڕشن'' و مافى خۆتانە شانازى بەم سەروەرییە لە خەبات و قوربانیدان و شەهیدان بکەن. یەکیتیى قوتابیان قوتابخانەى پێگەیاندنى بەشی هەرەزۆرى سەرکردەکانە و هیچ کات ڕۆڵ و قوربانیدانیان لەبیر ناکرێت.

دواتر سکرتێرى مەکتەبى سیاسى ئاماژەى بەوە دا، کە کاریگەریى هێزى قوتابیان لە سەرەتاى هەڵگیرسانى شۆڕشى ئەیلوولەوە هەردەم لە سەنگەردا بوون و بەرگرییان لە شۆڕش دەکرد و پارتى هەمیشە بە ستراتیژى و پلان کارى کردووە لەپێناو زیاتر خزمەتکردنى گەڵى کوردستان و پێشکەوتنى کوردستان لە گشت بوارەکاندا و هەمیشە پارێزەرى ئەم دەستکەوتانەیە و، لە دواییدا گۆڕانکارییەکانى ناوچەکەى شی کردەوە و قوتابیان و لاوان لە کوردستانى بە بەهێزترین چینى هەرێمى کوردستان ناوزەد کرد، بۆ خزمەتکردنى کوردستان و بۆ بەدەستهێنانى زانست و زانیارى و بەرپرسیارەتى لە ئایندەى کوردستاندا.

لە کۆتاییدا سکرتێرى مەکتەبى سیاسى تەئکیدى کرد، کە یەکیتیى قوتابیان ئەو هێزەیە کە خاوەنى مێژوییەک لە تێکۆشان و قوربانیدانن لە بزووتنەوەى ڕزگاریخوازى کوردستان و هەمیشە داکۆکیکەر بوون لە بەدیهێنانى مافە ڕەواکانى گەڵەکەیان.

 




دوایین هەواڵەکان

هێمن هه‌ورامی پێشوازیی له ‌كونسوڵی گشتیی یۆنان له‌هه‌رێمی كوردستان كرد

MONDAY, 28 SEPTEMBER 2020 13:09:42

ھەولێر-KDP.info- ئه‌مڕۆ دووشه‌مه‌ 2020/9/28، هێمن هه‌ورامی جێگرى سه‌رۆكی په‌رله‌مانى كوردستان، پێشوازیی له‌ ئیفۆپیمۆس كۆستۆپۆڵۆس كونسوڵی گشتیی یۆنان له‌هه‌رێمی كوردستان كرد.

لە ھەولێر گۆرانکاری لە پۆستێکی دیکە دەکرێت

MONDAY, 28 SEPTEMBER 2020 12:09:05

ھەولێر-KDP.info- سەرۆکی ئەنجومەنی پارێزگای ھەولێر گوتی، رۆژی چوارشەممە ئەنجومەنی پارێزگا کۆدەبیتەوەو تێیدا دەنگ لەسەر کاندیدی نوێی قایمقامی قەزای سۆران دەدرێت وقایمقامێکی نوێ بۆ ئەو قەزایە  دیاری دەکرێت.

"سێ پڕۆژەی نوێ لە عەنکاوە جێبەجێ دەکرێن"

MONDAY, 28 SEPTEMBER 2020 11:09:29

ھەولێر-KDP.info- ژمارەیەک پڕۆژەی خزمەتگوزاری لە سنوری ناحیەی عەنکاوەی ھەولێر پێشنیار کراون و بەڕێوەبەری شارەدێی عەنکاوەش ئاشکرایکرد، سێ پڕۆژە رەزامەندیان لەسەر دراوە یەکێک لەوانە دروستکردنی پردی نێوان عەنکاوە و کۆرانە.

کۆردۆ ئیحسان: کێشەی سێ پڕۆژەی وەبەرھێنانی دھۆک چارەسەردەکرێت

MONDAY, 28 SEPTEMBER 2020 11:09:31

دھۆک-KDP.info- ژمارەیەک کێشە لە پڕۆژەکانی وەبەرھێنان ھەن و بەڕێوەبەری گشتی وەبەرھێنانی پارێزگای دھۆکیش دەڵێ، کێشەکان چارەسەر دەکەین و مافی ھیچ ھاوڵاتیەکیش نافەوتێت بەپێچەوانەوە قەرەبووش دەکرێنەوە.

وردەکاری دروستکردنی یەکەیەکی ژمێریاری لە وەزارەتی پێشمەرگە

MONDAY, 28 SEPTEMBER 2020 10:09:46

ھەولێر-KDP.info- جێگری سوپاسالاری پێشمەرگە لە وەزارەتی پێشمەرگەی حکومەتی ھەرێمی کوردستان گوتی، دوای بڕیاری وەزارەتی پێشمەرگە لە چوارچێوەی پرۆسەی چاکسازی بۆ دروستکردنی یەکەیەکی ژمێریاری، بڕیارە بە قۆناغ جێبەجێ بکرێت و لە یەکەم قۆناغیش نەسریەی ھەردوو یەکەی ٧٠و٨٠ دەخرێتە سەر وەزارەتی پێشمەرگە و دواتریش قۆناعەکانی دیکە جێبەجێ دەکرێت تا ھەموو ھێزی پێشمەرگە یەک دەخرێت.



 
© 2020 Kurdistan Democratic Party, KDP

Contact