Kurdî  ■  كوردی  ■  عربي
SAT, 28 MAR 2020 21:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"نەتەوە یەكگرتووەكان لە كەمبوونەوەی هاوكارانی مرۆیی لە عێراق نیگەرانە"
| KDP.info


بەغدا-KDP.info- بەڕێز خاتوو مارتا ڕویداس، هەماهەنگیكاری مرۆیی نەتەوە یەكگرتووەكان لە عێراق رایگەیاند، نەتەوە یەكگرتووەكان زۆر نیگەرانە لە بارەی كاریگەریی ڕێگرییە ڕۆتینییەكان كە دەبنە هۆی كەمبوونەوەی دەستگەیشتنی هاوكارانی مرۆیی بە ٢.٤ملیۆن عێراقی، كە پێویستیان بە هاوكارییە.

ناوبراو ئەمڕۆ نیگەرانیی خۆیانی دەربڕی سەبارەت بە هەڵپەساردنی پێدانی نووسراوەكانی چوونەژوورەوە بۆ هاوكارانی مرۆیی كە كاروانە زۆر گرنگەكان جێبەجێ دەكەن لە هاوكاریكردنی ئەو عێراقیانەی كە پێویستیان بە هاوكارییە.

ئەم ڕێگەپێدانانە لە ماوەی پێشووتر هەر ٣٠ ڕۆژ جارێك لەلایەن حكوومەتەوە درابوو، هەرچەندە لەو كاتەوەی مانگی تشرینی دووەمی ٢٠١٩ـوە گەیاندنی كۆمەك لە سەرانسەری عێراق بە شێوەیەكی بەرچاو هێواش بووەتەوە، بە هۆی بەردەوامنەبوون لەسەر ڕێوشوێنەكانی چوونەژوورەوە كە پێشووتر ڕێككەوتنیان لەسەر كرابوو و نەبوونی میكانیزمەكانی جێگرەوە بۆ ئەمە، بۆیە تا هاوكاران ڕێگەیان پێ نەدرێت دەستبەجێ دەست بە جووڵانەوەكانیان بكەن بە بێ ڕێگربوون لە كارمەندانیان و كۆمەكییەكانیان، ئۆپەراسیۆنە مرۆییەكان لە ناو عێراق لەوانەیە بە تەواوی ڕاوەستن لە ماوەی چەند هەفتەیەكدا، بە سەدان و هەزاران كەسیش لە سەرانسەری ئەو شوێنانەی كە زۆرترین زیانیان بەركەوتووە بە هۆی ململانێوە دووچاری بەردەوامی نەبوونی خۆراك و دەرمان و ماددەكانی وەرزی زستانە دەبنەوە لە ماوەی ئەم ساڵی مانگە ساردەكاندا.

خاتوو ڕویداس گوتی: "ئۆپەراسیۆنەكانی ئێمە لە مەترسیدان، بەبێ هەبوونی ڕێگەپێدانی چوونەژوورەوەی پێشبینیكراو و بەردەوام، كۆمەكی مرۆیی لە مەترسیدایە لە بەسەرچوونی ڕێككەوتیان لە كۆگاكان، كە ئەمەش ژیانی خەڵك دەخاتە مەترسییەوە و بەفیڕۆدانی ئەو پاڵپشتییە داراییانەیە كە زۆر پێویستن".

بەر لەو بارودۆخەی ئێستا، كۆمەڵگای مرۆیی لە ناو عێراق بۆ ماوەیەكی درێژ بەڕێوە چووبوو لە ڕێگەی ئەو میكانیزمەی چوونەژوورەوە كە ڕێككەوتنی لەسەر كرابوو كە لە ڕێگەیەوە ڕێكخراوە كۆمەكییەكان نووسراوی مانگانەیان پێدەدرا كە ڕێگەی پێ دەدان لە خاڵەكانی پشكنین تێپەڕ بن بەبێ دەستوەردان لەلایەن هاوكارانی ئەمنییەوە، نووسراوەكان بە ڕێكخراوەكان دەدران لە دوای پڕكردنەوەی فۆڕمێكی تێروتەسەل و پڕۆسەی پشكنین، كە بە تەواوی پێیەوە پابەند بوون لەلایەن نەتەوە یەكگرتووەكان و هاوكاران لە ڕێكخراوی ناحكومی لە ناو عێراق. هەروەك لە هەفتەی یەكەمی مانگی كانوونی دووەمی ٢٠٢٠، نووسراوەكانی چوونەژوورەوە بۆ زۆربەی هاوكارانی مرۆیی بەسەر چووبوون و هیچ ڕێگەپێدانێكی تازەیان بۆ دەرنەچووبوو.

جێی باسە، لە ماوەی ساڵی ٢٠١٩، كۆمەڵگای مرۆیی لە ناو عێراق بە بڕی ٧٠٠ $ ملیۆن دۆلاری ئەمەریكی كارەكانی بە ئەنجام گەیاندووە و پلانی ڕێك خستووە كە ئامانجی بریتی بوو لە هاوكاریكردنی ١،٧٥ ملیۆن ئاوارە، ئاوارەی گەڕاوە و كۆمەڵگا خانەخوێیە هەژارەكان كە پێویستیان بە هاوكارییە. هەروەها زیاتر لە ١٠٠ هاوكاریی مرۆیی ئۆپەراسیۆنەكانیان لە زیاتر لە ١٣٠٠ شوێن ئەنجام دا لە سەرانسەری باكوور و ناوەڕاستی عێراق و هەرێمی كوردستان.

هەروەك لە ڕۆژی ٣١ی كانوونی یەكەمی ٢٠١٩، پلانەكە ٩٢ لەسەدای ئەو پاڵپشتییە داراییەی كە داوای كردبوو وەریگرت، كە ئەمەش ئاماژەیە بەوەی كە هاوكاریی كۆمەكبەخشی بەهێز و متمانەپێكراو هەیە، كە دەستی گەیشتووە بە زیاتر لە یەك ملیۆن كەس كە بە ئامانج كراون لە پلانەكەدا، لە ساڵی ٢٠٢٠ـیش كۆمەڵگای مرۆیی داوای ٥٢٠ $ ملیۆن دۆلاری ئەمەریكی دەكات بۆ بەردەوامبوون لە كاری زۆر پێویست و گرنگ.

 خاتوو ڕویداس هەروەها ئاماژەی دا: "ئێمە داوا لە حكوومەتی عێراق دەكەین كە بەرچاوڕوونی بدا لەسەر ڕێوشوێنەكان بۆ دەستكەوتنی ڕێگەپێدانەكانی چوونەژوورەوە بۆ ڕێكخراوە مرۆییەكان و ڕێگەمان پێ بدات تاكو دووبارە دەست بكەینەوە بە گەیاندنی كۆمەك بە شێوەیەكی كاریگەر و كارامە بۆ خەڵكی عێراق."

 




دوایین هەواڵەکان

پشووی فەرمانگەكان بۆ 16ی نیسان درێژكرایەوە

SATURDAY, 28 MARCH 2020 20:03:43

هه‌ولێر-KDP.info- گوته‌بێژی حكوومه‌تی هه‌رێمی كوردستان راگه‌یاندراوێكی‌ له‌باره‌ی‌ كۆتاییهاتنی‌ پشووی‌ فه‌رمانبه‌ران بڵاو كرده‌وه‌ و رایگه‌یاند، تا 16ی‌ نیسان پشووه‌كه‌ درێژكراوه‌ته‌وه‌.

لە ئاکرێ ھیچ حاڵەتێکی ھەڵگری ڤایرۆسەکە تۆمار نەکراوە

SATURDAY, 28 MARCH 2020 19:03:35

ئاکرێ-KDP.info-  قایمقامی شارۆچکەی ئاکرێ دەڵێ، بڕیاری وەزارەتی ناوخۆ دەربارەی قەدەغەی ھاتوچۆی ھاووڵاتیان بۆ خۆپارێزی لەم پەتایە لەجێی خۆیەتی و لە سنووری قەزای ئاکرێ بڕیارەکە جێبەجێ کراوە و بەردەوامە. بەڕێوەبەری ڕاگەیاندنی تەندروستیی ئاکرێش ڕایگەیاند، ھیچ حاڵەتێکی ڤایرۆسی کۆرۆنا لە ئاکرێ تۆمار نەکراوە.

 
د. فازڵ نه‌بی: حكوومه‌تی هه‌رێم سێ ڕێكار بگرێته‌ به‌ر ئه‌م دۆخه‌ی ئێستا به‌ئاسانی تێ ده‌په‌ڕێنێت

SATURDAY, 28 MARCH 2020 16:03:57

هه‌ولێر -KDP.info- بریكاری پێشووی وه‌زاره‌تی داراییی حكوومه‌تی عێراق گوتی، حكوومه‌تی هه‌رێمی كوردستان سێ ڕێكار بگرێته‌ به‌ر تووشی قه‌یرانی دارایی نابێت و ئه‌م دۆخه‌ كاتییەی‌ هاتووەته‌ پێش به‌ئاسانی تێی ده‌پەڕێنێت، له‌وانه‌ مسته‌حه‌قاتی كۆمپانیا نه‌وتیه‌كان دوا بخات و دووه‌م زه‌ویه‌ گرانبه‌هاكان له‌جیاتی ئه‌وه‌ی به‌لاش بداته‌ وه‌به‌رهێنه‌ره‌كان به ‌پاره‌یه‌كی زۆر بیفرۆشێت و خاڵی سێیه‌م هه‌موو داهاتی گومرگه‌كان بگه‌ڕێته‌وه‌ بۆ حكوومه‌ت و ڕێكاره‌كان توندتر بكرێن، چونكه‌ ئه‌و قه‌یرانه‌ی پەیدا بووه‌، كاتییه‌.

 
"زۆربەی تووشبووانی کۆرۆنا لە ھەولێر ڕەوشی تەندروستییان جێگیرە"

SATURDAY, 28 MARCH 2020 16:03:46

هەولێر-KDP.info-  بەڕێوەبەری نەخۆشخانەی ئیماراتی لە ھەولێر، کە تایبەتە بە چارەسەری کۆرۆنا ئاشکرای کرد، ڕەوشی تەندروستیی نەخۆشانی کۆرۆنا جێگیرە و بڕیارە دوو نەخۆشی دیکە بەھۆی باشبوونی ڕەوشی تەندروستیانەوە ڕەوانەی ماڵەوە بکرێنەوە و دەشڵێ، ئەگەر حکوومەتی ھەرێم زوو ھەنگاوی بەرەنگاربوونەوەی نەنابا کارەسات ڕووی دەدا.

 

سەندیکای کرێکاران: مافی کرێکاران نافەوتێت.. حکوومەت لەھەوڵدایە بۆ چارەسەرکردنی

SATURDAY, 28 MARCH 2020 13:03:43

هەولێر-KDP.info- ئەندامێکی مەکتەبی تەنفیزی سەندیکای کرێکاران دەڵێ، بەھۆی قەدەغەی ھاتووچۆوە ژمارەیەکی بەرچاوی کرێکاران ناتوانن بچنە سەرکارەکانیان، بەپێی یاساش تا دوو مانگ ئەرکی خاوەن کارە مووچە و کرێی کرێکاران خەرج بکات.

 


 
© 2020 Kurdistan Democratic Party, KDP