Kurdî  ■  كوردی  ■  عربي
SAT, 30 MAY 2020 07:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"وەزیری ناوخۆ ھەموو مۆڵەتێکی چەکھەڵگرتنی ھەڵوەشاندەوە"
| KDP.info


هەولێر -KDP.info- بە بڕیاری وەزیری ناوخۆی حکوومەتی ھەرێمی کوردستان، ھەموو مۆڵەتێکی چەکھەڵگرتن لە ھەرێمی کوردستان ھەڵوەشێندرایەوە و بەرپرسێکی دەستەی مافی مرۆڤیش دەڵێ، یەک ملیۆن مۆڵەت لە کوردستان ھەبووە.

تاڤگە عومەر، بەڕێوەبەری گشتیی یاسای دەستەی مافی مرۆڤ، بە ماڵپەڕی فەرمیی پارتی دیموکراتی کوردستانی ڕاگەیاند: "یەکێک لەو کێشانەی دەستەی مافی مرۆڤ چەندین ساڵە داوای دەکات چارەسەر بکرێت، کێشەی ھەڵگرتنی چەکە لە ھەرێمی کوردستان، چونکە زۆربەی تاوانەکانی کوشتن بە چەک ئەنجام دەدرێن و چەک ھۆکاری سەرەکیی کێشەکانە."

ئەو بەرپرسەی مافی مرۆڤ دەشڵێت: "لەسەر داواکاریی ئێمە وەزیری ناوخۆ بڕیاری ھەڵوەشاندنەوەی ھەموو جۆرە مۆڵەتێکی چەکھەڵگرتنی دەرکردووە و ئێستا پێداچوونەوەی بۆ دەکرێت، کە مەزەندەی یەک ملیۆن چەک و مۆڵەتی چەکھەڵگرتن دەکرێت لە ھەرێمی کوردستان."

ئەمساڵ ھەڵمەتی ڕاماڵینی چەکی بێمۆڵەت لە ھەرێمی کوردستان بەڕێوە چوو، تێیدا ھێزە ئەمنییەکان دەستیان بەسەر ژمارەیەکی بەرچاوی چەکدا گرت و بەپێی بڕیاری لایەنی پەیوەندیدار چەکەکان ڕادەستی وەزارەتی پێشمەرگە کران."

تاڤگە عومەر جەختی کردەوە: "دوای پێداچوونەوە بە مەرج و ڕێنماییی نوێ، تەنیا مۆڵەتی چەک دەدرێت بەو کەسانەی زۆر پێویستن و پابەندی بڕیاری حکوومەتن، چونکە ناکرێت بەو شێوەیە چەک لە دەستی ھەموو کەسێکدا بێت، بەتایبەتی ئەو چەکانەی دوای دەوامی فەرمیش دەبرێنە نێو ماڵان و تاوانیان پێ دەکرێت و ھەندێک جاریش لە لایەن منداڵانەوە بەکار دەھێندرێن."

قائید میرۆ

 

 




دوایین هەواڵەکان

پەیامێک لە سەرۆکی حکومەتی هەرێمی کوردستانەوە

FRIDAY, 29 MAY 2020 11:05:40

هەولێر-KDP.info- مەسروور بارزانی سەرۆکی حکومەتی هەرێمی کوردستان لە بارەی مەترسیی تەشەنەکردنی زیاتری پەتای کۆرۆنا پەیامێکی بڵاوكردەوە، ئەمەی خوارەوە دەقی پەیامەكەیە:

 
نێچیرڤان بارزانی سه‌ره‌خۆشی له‌ فه‌رهاد عه‌ونی و ساسان عه‌ونی ده‌کات

THURSDAY, 28 MAY 2020 19:05:00

جه‌نابی سه‌رۆک نێچیرڤان بارزانی له‌ په‌یوه‌ندییه‌کی ته‌له‌فۆنیدا پرسه‌ و سه‌ره‌خۆشی له‌ ڕۆژنامه‌نووس و نووسه‌ری دیار به‌ڕێز فه‌رهاد عه‌ونی و وه‌زیری شاره‌وانی به‌ڕێز ساسان عه‌ونی کرد بۆ کۆچی دواییی خوالێخۆشبووی برایان. 

وەزیری کارەبا: دوو حەفتەی دی، وێستگەی کارەبای خەبات تەواو دەکرێ

THURSDAY, 28 MAY 2020 16:05:23

هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.

 

فرسەت سۆفی: رێگەنادەین لەژێر هیچ ناونیشانێک ئارامیی هەولێر تێکبدرێت

THURSDAY, 28 MAY 2020 13:05:09

هەولێر-KDP.info- پارێزگاری هەولێر رایدەگەیێنێت، هەولێر ناوەندێکی سیاسی، ئابووری و بازرگانیی گەورەیە لە عێراق و ناوچەکە، "رێگەش نادەین هیچ کەسێک لەژێر هیچ ناونیشانێک سەقامگیریی ئەم شارە تێکبدات". 

 
دەستەی گشتی گەشتوگوزار ڕوونكردنه‌وه‌یه‌كی بڵاوكرده‌وه‌

THURSDAY, 28 MAY 2020 11:05:43

هەولێر-KDP.info- له‌ روونکردنەوەیەکدا دەستەی گشتی گەشتوگوزاری هه‌رێمی كوردستان له‌ باره‌ی  داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان ڕایگه‌یاند: داخستن و کردنەوەی شوێنەکانی گەشتیاری هەرێمی کوردستان و رێگەدان بە کردنەوەی بازگە و دەروازەکان لە دەسەڵاتی دەستەی گشتی گەشتوگوزار نەبووە و نییە.



 
© 2020 Kurdistan Democratic Party, KDP