Kurdî  ■  كوردی  ■  عربي
MON, 16 DEC 2019 09:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا قارەمان: پڕۆژەیەک بۆ ڕێکخستەوەی ھێزەکانی پێشمەرگە ئامادە کراوە
| KDP.info


 

هه‌ولێر-KDP.info- بەرپرسێکی وەزارەتی پێشمەرگە ئاشکرای کرد، پڕۆژەیەک بۆ ڕێکخستنەوەی ھێزەکانی پێشمەرگە ئامادە کراوە و دەشڵێ، یەکەکانی حەفتا و ھەشتا بە میکانزمێک دەخرێنە سەر میلاکی وەزارەتی پێشمەرگە.

 

لیوا قارەمان شێخ کەمال، جێگری سوپاسالاری وەزارەتی پێشمەرگە، بە ماڵپەڕی فەرمیی پارتی دیموکراتی کوردستانی ڕاگەیاند: "ژمارەیەک ھێزی پێشمەرگە ھەن لە دەرەوەی سیستەمی وەزارەتی پێشمەرگەن، وەک ھێزەکانی حەفتا و ھەشتا و چەند ھێزێکی دیکە، ئەو ھێزانە پێویستیان بە ڕێکخستنەوە ھەیە بۆ ئەوەی بخرێنە سەر وەزارەتی پێشمەرگەی حکوومەتی ھەرێمی کوردستان."

 

جێگری سوپاسالاری وەزارەتی پێشمەرگە گوتی: "پڕۆژەیەک ئامادە کراوە بۆ ڕێکخستنەوەی ھێزەکانی پێشمەرگە، بەڵام پێویستی بە کۆبوونەوە لە نێوان ھێزەکان و وەزارەتی پێشمەرگەدا ھەیە، چونکە ڕەشنووسی پڕۆژەکە تەنیا یەک خاڵ نییە و دەبێ لەسەر چۆنیەتیی گواستنەوەیان بۆ سەر وەزارەت بگەنە ڕێککەوتن."

 

لیوا قارەمان شێخ کەمال ئاماژەی بۆ ئەوە کرد: "شتێک لە ھەردوولاوە ئامادەک ڕاوە و بۆچوونەکان لە یەکتر نزیکن بۆ ئەوەی ھەموو ھێزەکانی دەرەوەی وەزارەت یەک بگرن و نیەتێکی باش ھەیە، بەڵام ھێشتاش ماوە بۆ ئەوەی بگەنە قۆناغی کۆتایی، چونکە پێویستە بزانن چۆن دەخرێنە سەر وەزارەت و چ ناوێکیان لێ دەنێن."

 

قائید میرۆ

 




دوایین هەواڵەکان

پارێزگاری هەولێر: دەبێ هاوکاریی هاوبەش هەبێت بۆ ڕێگریکردن لە گەڕانەوەی گرووپە تیرۆریستییەکان

SUNDAY, 15 DECEMBER 2019 19:12:52

هەولێر-KDP.info- پارێزگاری هەولێر لە (دیداری هەولێر - نەجەف) گوتارێکی پێشکەش کرد و ڕایگەیاند، دەبێ هاوکاریی هاوبەش هەبێت بۆ ڕێگریکردن لە گەڕانەوەی گرووپە تیرۆریستییەکان، کە تاوەکو ئێستاش مەترسیی گەوەرەن بۆسەر هەموومان. وەکو چۆن لە ڕێگەی قوربانیدانی ڕۆڵەکانمانەوە بەسەر بەناو دەوڵەتی خەلافەدا سەرکەوتین، دەتوانین بە هاوکاریکردن لەگەڵ یەک بەربەست لەبەردەم هەر مەترسییەک دابنێین، کە لە داهاتوودا ڕووبەڕوومان دەبێتەوە. هاوکات ڕێ لە دەستوەردانی هەرێمی و نێودەوڵەتی لە کاروباری نێوخۆی عێراق بگرین و دوور لە ئەجێندای دەرەکی چارەنووسی خۆمان بە دەستی خۆمان دەستنیشان بکەین.

 

ئەمەریکا دەستی بە نوژەنکردنەوەی پەرستگای لالش کرد

SUNDAY, 15 DECEMBER 2019 18:12:14

شێخان- KDP.info -  ئەندامێکی پرۆژەی نوژەنکردنەوەی پەرستگای لالش ڕایگەیاند، لە چوارچێوەی بەرنامەی وەزارەتی دەرەوەی ئەمەریکا بۆ پاراستنی شوێنەوارەکان، ئەو وڵاتە دەستی بە نوژەنکردنەوەی پەرستگای لالش کرد.

 
"عێراق بەهۆی گوشاری هەرێمییەوە پاشەکشەی لە ئەندامبوون لە دادگای تاوانی نێودەوڵەتیدا کرد"

SUNDAY, 15 DECEMBER 2019 18:12:24

سلێمانی -KDP.info- سەرۆکی لقی هەولێری سەندیکای پارێزەرانی کوردستان ڕایگەیاند، ئەو وڵاتەی ناتوانێ خۆی لە تاوانی دژ بە مرۆڤایەتی ڕابگرێ، نابێتە ئەندامی دادگای تاوانی نێودەوڵەتی بۆ ئەوەی خۆی لە سزا بپارێزێت.

 
سه‌رۆكی هه‌رێمی كوردستان پێشوازى له‌ كونسوڵی ئێران كرد

SUNDAY, 15 DECEMBER 2019 18:12:56

هەولێر-KDP.info-  به‌ڕێز نێچیرڤان بارزانی سه‌رۆكی هه‌رێمی كوردستان پیرۆزباییی ده‌ستبه‌كاربوونى له‌ كونسولی گشتیى كۆماری ئیسلامی ئێران له‌ هه‌ولێر كرد و هیوای سه‌ركه‌وتنی له‌ كار و ئه‌ركه‌كانیدا بۆ خواست.

فارس عیسا: مه‌رجی كورد بۆ پشتگیریكردن له‌ سه‌رۆكوه‌زیرانی نوێ پابه‌ندبوونه‌ به ‌ده‌ستوور

SUNDAY, 15 DECEMBER 2019 16:12:49

به‌غدا-KDP.info- سه‌رۆكی نوێنه‌رایه‌تیی حكوومه‌تی هه‌رێمی كوردستان له ‌به‌غدا گوتی، تا ئێستا سه‌رۆكوه‌زیرانی نوێ یه‌كلایی نه‌بووەته‌وه‌ و هه‌ركاتێك یه‌كلایی بووه‌وە، هه‌ڵویستی خۆمان له‌سه‌ری ڕاده‌گه‌یەنین، به‌ڵام مه‌رجی سه‌ره‌كیی ئێمه‌ ئه‌وه‌یه‌ كه‌ پێویسته‌ پابه‌ندی ده‌ستووور بێت و جێبه‌جێی بكات.

 


 
© 2018 Kurdistan Democratic Party, KDP