Kurdî  ■  كوردی  ■  عربي
FRI, 22 NOV 2019 23:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فارس عیسا: گفتوگۆكانی هەرێم و بەغدا ده‌كه‌ونه‌ دوای هێور بوونه‌وه‌ی رەوشی عێراق
| KDP.info


بەغدا-KDP.info- سەرۆكی نوێنەرایەتیی هەرێمی كوردستان لە بەغدا، دەڵێ، جارێ رەوشی عێراق هێور نەبووەتەوە، هەر بەو هۆیەشەوە گفتوگۆكانیان وەستاون. دەشڵێ، ئەوان  وەكو هەرێم پشتگیریی حكوومەتەكەی عادل عەبدولمەهدی دەكەن، تا ئەو بارودۆخەی ئێستا تێدەپەڕێنن.

فارس عیسا، لە لێدوانێكیدا بۆ ماڵپەڕی فەرمیی پارتی دیموكراتی كوردستان، راگەیاند، لە ئیستادا ناتوانین بڵێین بارودۆخی عێراق هێور بووەتەوە، بەو پێیەی خۆپیشاندانەكان بەردەوامییان هەیە و لە هەندێ شوێندا كەم بووەتەوە، هەر ئەوەش وای كردووە، كە گفتوگۆكانی هەرێم و بەغدا رابوەستن، بەو پێیەی بارودخەكە كاریگەریی نەرێنیی لەسەر لایەنی سیاسی و ئابووری كردووە.

سەرۆكی نوێنەرایەتیی هەرێمی كوردستان جەخت لەوە دەكاتەوە، كە ئەوان پاڵپشتیی عادل عەبدولمەهدی دەكەن، لە جێبەجێكردنی داخوازییەكانی خۆپیشاندەران هەتا ئەو كاتەی ئەو بارودۆخەی ئێستا لە عێراق هەیە تێدەپەڕێت. ناشیشارێتەوە، هەندێ لایەنی بەشداری ئەم كابینەیەی عێراق، خۆیان لە بەرپرسیارێتی دەدزنەوە و، ئەوەش وای كردووە، كە متمانە لە نێوان لایەنەكاندا نەمێنێت، لە كاتێكدا ناوبراو پێیوایە دەبێ هەموو ئەو لایەنانەی له‌م كابینەیەدا بەشدارن، هاوكاری چارەكردنی دۆخەكە بن، چونكە ئەو كەموكورتییانەی هەن، هی كابینەكانی پێشترن.

فارس عیسا، هۆكاری دەستپێنەكردنەوەی گفتوگۆكانی هەرێم و ناوەند روون دەكاتەوە، بەو پێیەی ئەوانیش كاری لەپێشینەیان چارەكردنی دۆخی ئێستای عێراقە، بەو پێیەی گرژییەكانی ناوەند كاریگەری نەرێنیشی لەسەر هەرێمی كوردستان دەبێت، بۆیە لە هەوڵدان و پشتیوانیی سەرۆكی حكوومەتی عێراق دەكەن، تا بارودۆخەكە كۆنترۆڵ بكرێت، ئەوكات كار بۆ گفتوگۆكان دەكەن.

 

خێڵان بەختیار

 

 

 




دوایین هەواڵەکان

بارەگای بارزانی سەرەخۆشیی خانەوادەی خوالێخۆشبوو زاهیر زیانك باڵەكی و رزگار رەزا بەگ دەلۆ و مام عوسمان كانی مارانی و كامەران شكور چایچی دەكات

FRIDAY, 22 NOVEMBER 2019 13:11:35

 بەناوی خودای بەخشندە و میهرەبان

 
پرسەنامەی سەرۆک بارزانی بەبۆنەی کۆچی دوایی شێخ عوسمانی سیرێ

FRIDAY, 22 NOVEMBER 2019 13:11:25

بەناوی خوای گەورە و میھرەبان

 
"هەولێر بە هێزی نەرم پاراستنی مافە دەستوورییەکانی هەرێمی لە بەغدا گرەنتی کردووە"

THURSDAY, 21 NOVEMBER 2019 18:11:26

سلێمانی-KDP.info- چاودێرێکی سیاسی ده‌ڵێ، هەولێر بە په‌یڕه‌وكردنی سیاسەتێکی جێگیر بووەته‌ براوەی پێشوەختە و ناوەندی بڕیاردان و ڕۆژنامەنووسانیش پێیان وایە، پەیڕەویکردنی سیاسەتێکی بەهێز لە هەولێر وای کردوە، هەمیشە له‌ به‌رژه‌وه‌ندیی كوردستان له‌ كێشه‌ و ململانێكاندا براوه‌ بێت.

لە پۆڵۆنیا سمینارێك دەربارەی عێراق و كوردستان بەڕێوە چوو

THURSDAY, 21 NOVEMBER 2019 17:11:30

وارشۆ-KDP.info-   له‌ كتێبخانه‌یەكی گشتیی وارشۆی پایتەختی پۆڵۆنیا، قوتابییانی بازنەی عەرەبناسان لە بەشی ڕۆژھەڵاتناسیی زانكۆی وارشۆ، لەژێر چاودێریی نوێنەرایەتیی حكوومەتی ھەرێمی كوردستان و باڵیۆزخانەی عێراقدا، سمینارێكیان ڕێك خست دەربارەی مێژوو و شارستانیەتیی عێراق و كوردستان، سه‌رده‌می ئێستا و فرەكەلتووری و پێكه‌وه‌ژیان .

 

به‌رپرسێكی دیكه‌ی پارێزگای هه‌ولێر گۆڕا

THURSDAY, 21 NOVEMBER 2019 16:11:26

هه‌ولێر -KDP.info-  گوته‌بێژی شاره‌وانیی هه‌ولێر گوتی، له‌ چوارچێوه‌ی گۆڕانكارییه‌ ئیدارییه‌كانی هه‌ولێردا، سه‌رۆكێكی نوێ بۆ شاره‌وانیی هه‌ولێر دیاری كرا و ئه‌مڕۆش ده‌ستبه‌كار بوو.

 



 
© 2018 Kurdistan Democratic Party, KDP