Kurdî  ■  كوردی  ■  عربي
FRI, 22 NOV 2019 23:06 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یەكێتیی لاوان: هەڵمەتی بەرەنگاربوونەوەی ماددەی هۆشبەر لەسەر ئاستی كوردستان بەڕێوە دەچێت
| KDP.info


هەولێر-KDP.info- یەكێتیی لاوانی دیموكراتی كوردستان، هەڵمەتێكی سەرتاسەریی دژ بە بەكارهێنانی ماددەی هۆشبەر بە ناونیشانی (ماددەی هۆشبەر چەكی لاوكوژ) ئەنجام دەدات، بەرپرسێكی ئەو ڕێكخراوەش دەڵێ، دەیانەوێت لاوان لە مەترسیی ماددەی هۆشبەر هۆشیار بكەنەوە.

ڕێبوار كەلاری، كارگێڕی مەكتەبی سكرتاریەتی یەكێتیی لاوانی دیموكراتی كوردستان، بە ماڵپەڕی فەرمیی پارتی دیموكراتی كوردستانی ڕاگەیاند: "ئێمە لە ‌یەكێتیی لاوانی دیموكراتی كوردستان، وەك ئەركێكی سەرشانمان بە پێویستی دەزانین لاوانی ئێمە خاوەن تەندروستییەكی باش بن و دوور بكەونەوە لە ماددە هۆشبەرەكان، چونكە زیانی گیانی و ماددیی گەورەیان پێ دەگەیەنێت".

كەلاری گوتیشی: "لەسەر ئاستی كوردستان لە ڕێگەی 25 ناوەندی باڵا و ماڵی لاوان لە ڕێگەی سیمینار و دیبەیت و كۆڕەوە، هەڵمەتی بەرەنگاربوونەوەی ماددەی هۆشبەر ئەنجام دەدەین، كە لە ژێرناونیشانی "ماددەی هۆشبەر چەكێكی لاوكوژە" بەڕێوە دەچێت، بۆیە ئێمە دەمانەوێت لاوەكانمان هۆشیار بكەینەوە لە زیانی گەورەی تەندروستی و مادییەوە".

ناوبراو زیاتر ڕوونی كردەوە: "ئەركی سەرەكیی ئێمەیە وەك یەكێتیی لاوانی دیموكراتی كوردستان لاوانمان لە ماددە هۆشبەر و زیانبەخشەكان هۆشیار بكەینەوە، تەواوی ناوەندە باڵاكانیشمان سەرپشك كردووە لەوەی هەر ناوەندی باڵایەك لە سنووری ناوەندە باڵاكەی و ناوەندە چالاكییەكانییەوە، چالاكی ئەنجام بدەن بۆ هۆشیاركردنەوەی لاوان لە زیانی گەورەی ماددەی هۆشبەر، تەواوی سیمینار و دیبەیتەكانیشمان، مامۆستایانی زانكۆ و پسپۆڕان و دكتۆر و مامۆستایانی ئایینی بەڕێوەیان دەبەن".

ئەو بەرپرسەی یەكێتیی لاوانی دیموكراتی كوردستان دەشڵێ: "ئێمە پێمان وایە ماددەی هۆشبەر ئێستا یەكێكە لە هۆكار و خەتەرە بەربڵاوەكان لەسەر ئاییندەی لاوی كورد، بۆیە ئەركی ئێمەیە وەك ڕێكخراوێكی تایبەت بە لاوان، لاوانمان لە مەترسیی ماددەی هۆشبەر هۆشیار بكەینەوە و، ڕێگەنەدەین ببنە قوربانیی ئەو ماددە كوشندەیە".

 

عەزیز هەورامی




دوایین هەواڵەکان

بارەگای بارزانی سەرەخۆشیی خانەوادەی خوالێخۆشبوو زاهیر زیانك باڵەكی و رزگار رەزا بەگ دەلۆ و مام عوسمان كانی مارانی و كامەران شكور چایچی دەكات

FRIDAY, 22 NOVEMBER 2019 13:11:35

 بەناوی خودای بەخشندە و میهرەبان

 
پرسەنامەی سەرۆک بارزانی بەبۆنەی کۆچی دوایی شێخ عوسمانی سیرێ

FRIDAY, 22 NOVEMBER 2019 13:11:25

بەناوی خوای گەورە و میھرەبان

 
"هەولێر بە هێزی نەرم پاراستنی مافە دەستوورییەکانی هەرێمی لە بەغدا گرەنتی کردووە"

THURSDAY, 21 NOVEMBER 2019 18:11:26

سلێمانی-KDP.info- چاودێرێکی سیاسی ده‌ڵێ، هەولێر بە په‌یڕه‌وكردنی سیاسەتێکی جێگیر بووەته‌ براوەی پێشوەختە و ناوەندی بڕیاردان و ڕۆژنامەنووسانیش پێیان وایە، پەیڕەویکردنی سیاسەتێکی بەهێز لە هەولێر وای کردوە، هەمیشە له‌ به‌رژه‌وه‌ندیی كوردستان له‌ كێشه‌ و ململانێكاندا براوه‌ بێت.

لە پۆڵۆنیا سمینارێك دەربارەی عێراق و كوردستان بەڕێوە چوو

THURSDAY, 21 NOVEMBER 2019 17:11:30

وارشۆ-KDP.info-   له‌ كتێبخانه‌یەكی گشتیی وارشۆی پایتەختی پۆڵۆنیا، قوتابییانی بازنەی عەرەبناسان لە بەشی ڕۆژھەڵاتناسیی زانكۆی وارشۆ، لەژێر چاودێریی نوێنەرایەتیی حكوومەتی ھەرێمی كوردستان و باڵیۆزخانەی عێراقدا، سمینارێكیان ڕێك خست دەربارەی مێژوو و شارستانیەتیی عێراق و كوردستان، سه‌رده‌می ئێستا و فرەكەلتووری و پێكه‌وه‌ژیان .

 

به‌رپرسێكی دیكه‌ی پارێزگای هه‌ولێر گۆڕا

THURSDAY, 21 NOVEMBER 2019 16:11:26

هه‌ولێر -KDP.info-  گوته‌بێژی شاره‌وانیی هه‌ولێر گوتی، له‌ چوارچێوه‌ی گۆڕانكارییه‌ ئیدارییه‌كانی هه‌ولێردا، سه‌رۆكێكی نوێ بۆ شاره‌وانیی هه‌ولێر دیاری كرا و ئه‌مڕۆش ده‌ستبه‌كار بوو.

 



 
© 2018 Kurdistan Democratic Party, KDP