Kurdî  ■  كوردی  ■  عربي
SUN, 8 DEC 2019 18:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قەرەداغی: بارزانی بوو بە گەورەترین ڕەمزی مێژووی نەتەوەیەك
| KDP.info


هەولێرـ KDP.infoـ ئەمڕۆ پەنجاوهەشتەمین ساڵیادی شۆڕشی ئەیلوولە و نووسەر و رووناكبیرێكیش دەڵێت، زۆر بە ڕاشكاوی و خاترجەمییەوە دەڵێم، هەر دەستكەوتێك كە ئێستا لە باشووری كوردستان بەدەست هاتووە، بناغەكەی دەگەڕێتەوە بۆ ئەو شۆڕشە مەزنە.

مەهاباد قەرەداغی، بە ماڵپەڕی فەرمیی پارتی دیموكراتی كوردستانی ڕاگەیاند: "شۆڕشی ئەیلوول بناغەی ڕێبازی كوردایەتیی دانا؛ بۆیە بارزانی بوو بە گەورەترین ڕەمزی مێژووی نەتەوەیەك، تا كورد هەبێت؛ كوردایەتیش برەوی دەبێت؛ بۆیە بارزانی و شەهیدانی شۆڕشی ڕزگاریخوازی كوردستان وەك شانازییە هەرە مەزنەكانمان لە كۆیادی نەتەوەی كورددا دەمێننەوە".

ئەو نووسەر و رووناكبیرە روونیشی كردەوە: "گرنگیی شۆڕشی ئەیلوول لەوەدا بوو، شۆڕشێكی سەرتاسەریی كوردستانی بوو؛ هەموو چین و توێژەكانی كۆمەڵی كوردستان تێیدا بەشدار بوون. ڕۆڵی كاریگەری قوتابیان و لاوان و ئافرەتان لەو شۆڕشەدا جێگەی شانازی و بایەخە. ئەندازیاران و پزیشكان و مامۆستایان و فەرمانبەران و كرێكاران و جووتیاران بەشدار و كارا بوون. چینی ڕۆشنبیران بە نووسەران و هونەرمەندان و ڕۆژنامەنووسانەوە لەناو شۆڕشدا بوون یان لەناو شارەكانەوە پشتگیرییان لە شۆڕش دەكرد؛ بۆیە شۆڕشەكە مەزن و مەزنتر دەبوو و داگیركەرانی كوردستانی هێنابووە سەرچۆك".

قەرەداغی، دەڵێت: "زۆر بە ڕاشكاوی و خاترجەمییەوە دەڵێم، هەر دەستكەوتێك كە ئێستا لە باشووری كوردستان بەدەست هاتووە، بناغەكەی دەگەڕێتەوە بۆ ئەو شۆڕشە مەزنە و بارزانیی نەمر، كە ساڵی ۱۹۷۰ئۆتۆنۆمیی بۆ كورد لە دەستووری عێراقدا چەسپاند و ئەو هەوێنە ئێستا گەیشتۆتە حكوومەتێكی فیدڕاڵی و ئاكامیش دەگاتە سەربەخۆیی و دامەزراندنی دەوڵەتی كوردستان لەسەر دەستی سەرۆك و ڕابەر مەسعوود بارزانی".

 

فایزە كۆیی 

 

 




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP