Kurdî  ■  كوردی  ■  عربي
SUN, 8 DEC 2019 18:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەركی سەرشانی ھەموومانە رێبازی بارزانی بكەینە ئامرازێك بۆ گەیشتن بە ئامانجەكانمان
| KDP.info


هەولێر-KDP.info- لە ساڵیادی ھەڵگیرسانی شۆڕشی مەزنی ئەیلوولدا، نووسەر و چاودێرانی سیاسی كوردستان دەڵێن، ئەو شۆڕشانەی ھەڵگیرساون، بۆ ئایندەی ئێمە بووە و شۆڕشی ئەیلوولیش، شۆڕشێكی رەوای كورد بووە. پێیشیان وایە، گەورەترین شۆڕشە لەسەر ئاستی ناوچەكە و ڕۆژھەڵاتی نێوەڕاستدا.

پەنجاوھەشت ساڵ بەر لە ئەمڕۆ، لە ١١ی ئەیلوولی ساڵی ١٩٦١ شۆڕشی مەزنی ئەیلوول بە ڕابەرایەتیی (بارزانیی نەمر) ھەڵگیرسا، بۆ ئەم مەبەستە، ماڵپەڕی فەرمیی پارتی دیموكراتی كوردستان ڕا و بۆچوونی نووسەر و چاودێرانی سیاسی له‌باره‌ی شۆڕشی مەزنی ئەیلوول ده‌خاته‌ ڕوو.

خەباتی میللەتان چەند قۆناغێكە

ھۆشیار عەزیز، نووسەر و رۆژنامەنووس، لە لێدوانێكدا بۆ ماڵپەڕی فەرمیی پارتی دیموكراتی كوردستان، ئاماژە بەوە دەكات، خەباتی میللەتان چەند قۆناغێكە، سەرەتا خەباتی سیاسییە، دواتر چەكداری، ئەگەر لە خەباتی چەكداری میللەت سەركەوت، دەبێتە میللەتێكی ئازاد، بە پێی میللەتانیش قۆناغەكانی خەبات دەگۆڕێن.

ئەو پێی وایە، دامەزراندنی پارتی بۆ خەباتێكی سیاسیی و فكری و رۆشنبیری بوو، چونكە ئەوكات رێژەی نەخوێندەواری و ئاستی ھۆشیاری لە ناو تاكی كورد نزم بوو، جەختیش دەكاتەوە، خەباتی پارتی، خەباتێكی سەخت بوو، لە پاڵ ھەموو ئەمانەشدا كورد بە سەركردایەتیی (بارزانیی نەمر) ناچار دەبن شۆڕش ھەڵبگیرسێنن و پەنا بۆ شۆڕشی چەكداری بەرن.

ئەو نووسەرە دەڵێت، ھیچ میللەتێك، ئەگەر ناچار نەكرێت، پەنا بۆ خەباتی چەكداری نابات، چونكە خەباتی چەكداری كۆمەڵگا و میللەت لەناو دەبات و قوربانییەكی زۆری لێ دەكەوێتەوە، ھەر بۆیەش شۆڕشی ئەیلوول لە ناچاری بووە و شۆڕشێكی رەوا بووە، ئەوانەی لەو شۆڕشەدا بەشدارییان كردووە، خەڵكانی دڵسۆز و تێكۆشەرانی ئەم وڵاتە بوون، كه‌ بە ھەموو چینوتوێژەكان بەشدارییان لەو شۆڕشەدا كرد.

ئه‌و نووسه‌ره‌ روونیشی دەكاتەوە، كە كورد لە راپەڕینی ١٩٩١ـدا ئازادییەكی بەدەست ھێنا، ئێستاش ئێمە لە قۆناغی بنیاتنانین، قۆناغی چەسپاندنی مافەكان و بنیاتنانە بەرەو باشتر، لەم قۆناغەدا پێویستە گەنجان ھەمیشە سەیری مێژوو بكەن و رابردووی ئەم میللەتە و تێكۆشەرانی ئەم میللەتەیان لەبیر بێت.

ھۆشیار عه‌زیز جەخت لەوە دەكاتەوە، ئەوەی پۆستێك وەردەگرێت، دەبێت بەئەخلاق و بە كوردانە و نیشتمانپەروەرانە سەیری رابردووی میللەتەكەی بكات.

شۆڕشێكی رۆشنبیری بووە!

عزەت جەعفەر سادق چاودێری سیاسی، بۆ ماڵپه‌ڕی فه‌رمیی پارتی دیموكراتی كوردستان گوتی: "شۆڕشی مەزنی ئەیلوول، جگە لەوەی شۆڕشێكی چەكداری بووە، گەورەترین شۆڕش بووە لەسەر ئاستی ناوچەكە و رۆژھەڵاتی نێوەڕاست، شۆڕشێكی رۆشنبیری بووە، ھەر بۆیە دەبینین لە سەردەمی شۆڕشی ئەیلوولدا، یەكێتیی مامۆستایان و زانایان، ھەروەھا رێكخراوە جەماوەرییەكانی پارتی وەك قوتابیان و لاوان و ئافرەتان، لە سەردەمی شۆڕشی ئەیلوولدا دروست بوونە.

ناوبراو جەخت لەوە دەكاتەوە، ئەو شۆڕشە بناغەیەكی زۆر پتەوی بۆ ئێستا و داھاتووشمان داڕشتووە، بە تایبەت لە نێوان ساڵانی ٧٠ تا ٧٤، خەڵكی كوردستان شاھێدی ئەو بەرھەمانەی شۆڕشن.

عزەت رایشیدەگەیەنێت، ھەڵگیرسانی شۆڕشی ئەیلوول دوای بەدواداھاتنی شۆڕشی گوڵان و راپەڕینی ٩١ و دروستكردنی حكوومەتی ھەرێم و پەر‌لەمان بوو، بەڵام ھەوێنی ھەموو ئەو دەسكەوتانەی كە ئێستا ھەن، سەرچاوەكەی دەگەڕێتەوە بۆ شۆڕشی ئەیلوول، چونكە ناسنامەیەكی گرینگی بۆ گەلی كوردستان دروست كرد، بۆیە پێمان وایە، ئەو شۆڕشە كاریگەری لەسەر ھەموومان ھەیە و شانازییەكی گەورەیە بۆ كورد.

دەبێ درێژەپێدەری رێبازی بارزانی بین

ئه‌و چاودێری سیاسیه‌ دەشڵێت، ئەگەر بمانەوێ درێژەپێدەری شۆڕشی ئەیلوول و گوڵان بین، دەبێت درێژەپێدەری رێبازی بارزانی بین، رێبازی بارزانی ئەو رێبازەیە كە عەدالەتی تێدا پەیڕەو كراوە، بارزانیی نەمر فەرھەنگێكی لەناو شۆڕشدا بڵاو كردەوە، كە گەنجێكی خانەقین بێت لە زاخۆ شەھید بێت، هەروەها بە پێچەوانەشەوە، ئەمەش چەترێكی گەورە بوو بۆ كۆكردنەوەی ھەموو خەڵكی كوردستان، كە ئێستاش ئەركی سەرشانی ھەموومانە درێژەپێدەری ئەو خەباتە بین و رێبازی بارزانی بكەینە ئامرازێك بۆ گەیشتن بە ئامانجەكانمان.

ئێستا بەرھەمەكەی دەبینن

دەربارەی ئەو ڕۆژە مێژووییە، كامەران غەریبی نووسه‌ر و ڕۆژنامه‌نووس، به‌  ماڵپەڕی فەرمیی پارتی دیموكراتی كوردستانی ڕاگه‌یاند، باب و باپیرانی ئێمە لە رژێمە یەك لە دوا یەكەكاندا،‌ خەبات و قوربانییان داوە، بۆیە وەك نەوەكانی داھاتووی ئەم نیشتمانە كە ئایندەی ئەم وڵاتە لە دەستی ئێمەدایە، پێویستە وەكو رێزگرتننێك لە خەبات و قوربانیدانیدانیان درێژەپێدەری ئەو روحیەتەی ئەوان بین، گەنجان و لاوانی ئێمە دەبێت بزانن كە ئەو شۆڕشانەی ھەڵگیرساون، بۆ ئایندەی ئێمە بووە، كە ئامانجیان بووە لە كوردستانێكی ئازاد و بە ئاسوودەیی بژین، ئێستاش بەرھەمەكەی دەبینن و دەبێت رێزێكی تایبەتیمان بۆ ئەو خەباتانەی باب و باپیرانمان ھەبێت.

دوژمنان یەك لە دوای یەك لەناو چوون

ناوبراو پێیشی وایە،‌ بە درێژایی ئەو شۆڕشە، رێژەیەكی زۆری گەنجانی كورد، نەك بە تەنھا لە باشووری كوردستان، بەڵكوو لە پارچەكانی ترەوە پاڵپشتی ئەو خەباتە بوون كە سەركردایەتیی حەكیمی شۆڕش بە حەكیمانە بەڕێوەی بردووە و بەرەنگاری رژێمە یەك لە دوا یەكەكانی عێراق بۆتەوە، ئەو شۆڕشە چ وەكو ناو چ وەكو رێباز و درێژەپێدەر مایەوە، بەڵام ئێمە دەبینین ئەو حكوومەتانەی كە دژی ئەو شۆڕشە و بەرخودانەی خەڵكی كوردستان وەستانەوە، یەك لە دوای یەك لەناو چوون، ئەمەش نیشانەی ئەوەیە شۆڕشی مەزنی ئەیلوول رەگی لە ناخی تاك بە تاكی خەڵكی كوردستان داكوتاوە.

 

ھەڵكەوت محەمەد




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP