Kurdî  ■  كوردی  ■  عربي
SUN, 8 DEC 2019 19:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

چنار سەعد: پارتی كۆنفڕانسێكی زانستی و ئەكادیمی ساز دەكات
| KDP.info


ھەولێر-KDP.info- سەنتەری دیراسات و توێژینەوە و ئەكادیمیای پارتی، كۆنفڕانسێكی زانستی و ئەكادیمی ساز دەكات، بەرپرسی دیراسات و توێژینەوە و ئەكادیمیش دەڵێت، بۆ یەكەمین جارە كۆنفڕانسێكی زانستی لە لایەن پارتێكی سیاسی لە كوردستان ساز بدرێت، كە بە میكانیزمی زانستی و ئەكادیمی گفتوگۆ لەسەر ئەو پرسانە دەكات، كە پەیوەستن بە كاروباری حزبایەتییەوە.

بەرپرسی سەنتەری دیراسات و توێژینەوە و ئەكادیمیی پارتی، چنار سەعد، بە ماڵپەڕی فەرمیی پارتی دیموكراتی كوردستانی ڕاگەیاند: "لە ٥٨ـەمین ساڵیادی شۆڕشی مەزنی ئەیلوول، سەرلەبەیانیی رۆژی یانزەی ئەیلوول سەنتەری دیراسات و توێژینەوەی ئەكادیمیی پارتی دیموكراتی كوردستان ھەڵدەستێت بە سازدانی كۆنفڕانسێكی زانستیی تایبەت، كە كۆمەڵێك تەوەر و بابەتی پەیوەست بە پارتی دیموكراتی كوردستان لە خۆ دەگرێت."

چنار سەعد گوتیشی: "بەشداربووانی كۆنفڕانسەكە بریتین لە نوێنەرانی گشت ئۆرگانەكان و لق و مەكتەبەكان لەگەڵ ژمارەیەك لە كەسانی ئەكادیمی و بەشێك لە نوێنەرانمان لە نێو ئۆرگانەكانی پەرلەمان و حكوومەت و بەشێك لە ئەندامانی سەركردایەتیی پارتی."

بەرپرسی سەنتەری دیراسات و توێژینەوە و ئەكادیمی، دەشڵێت: "گرنگیی كۆنفڕانسەكە لەوەدایە، كە بۆ یەكەمین جارە كۆنفڕانسێكی زانستی لە لایەن پارتێكی سیاسی لە كوردستان بە ڕێگای میكانیزمی زانستی و ئەكادیمی گفتوگۆ لەسەر ئەو پرسانە بكات، كە پەیوەستن بە كاروباری حزبایەتییەوە."  

 

فایزە كۆیی

 




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP