Kurdî  ■  كوردی  ■  عربي
SUN, 8 DEC 2019 18:11 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"حەفتەی دابێ گۆڕانکاری لە ئیدارەی ھەولێردا دەکرێت"
| KDP.info


هەولێر-KDP.info- بڕیارە حەفتەی دابێ گۆڕانکاری لە ئیدارەی ھەولێردا بکرێت و، دکتۆر فرسەت سۆفی، کاندیدی پارتییە بۆ پۆستی پارێزگاری ھەولێر و لە لایەن ئەنجومەنی پارێزگاوە متمانەی پێ دەدرێت.

لە سەردەمی نەوزاد هادی پارێزگاری هەولێر، هەولێر بوژانەوەیەکی گەورەی ئاوەدانی بە خۆیەوە دی، کە قەبارەی پێشکەوتنی هەولێر لەڕووی ئاوەدانی نەوەک تەنیا لە ئاست هەرێمی کوردستان، بەڵکوو لە ئاست عێراق و وڵاتانی ناوچەکەیش دەنگی دایەوە و، نزیکەی ١٧ هەزار پڕۆژە تاوەکوو ئێستا لە هەولێر بە ٣٥ ناحیە و قەزاو گوندەکانییەوە جێبەجێ کران. لە چوارچێوەی گۆڕانکارییەکانی پۆستە ئیدارییەکانی هەولێر، بڕیار وایە لە حەفتەی دابێ گۆڕانکارییەکان دەست پێبکەن، سەبارەت بەم پرسە، کەنعان خەیلانی، سەرۆکی فراکسیۆنی پارتی لە ئەنجومەنی پارێزگای ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "دوای پێکھێنانی کابینەی نوێ، حکوومەتی ھەرێمی کوردستان گۆڕانکاری لە پۆستەکانی دیکەی حکوومەتیشدا دەکات و لەو چوارچێوەیەدا گۆڕانکارییەکان دەست پێ دەکەن و بڕیارە لە حەفتەی دابێت لە سنووری ھەولێر گۆڕانکاری لە پارێزگاری ھەولێر بکرێ و ژمارەیەک پۆستی دیکەیش دەگرێتەوە.

لەبارەی پۆستی پارێزگاری ھەولێرەوە، سەرۆکی فراکسیۆنی پارتی دەڵێت: "بەپێی یاسا پۆستی پارێزگار پشکی پارتیمانە و پارێزگارێک لە لایەن پارتییەوە بۆ ھەولێر دیاری دەکرێت، پارتییش بۆ پۆستی پارێزگاری ھەولێر دکتۆر فرسەت سۆفی، ئەندامی پێشووی پەرلەمانی کوردستانی کاندید کردووە."

لەبارەی پڕۆسەی گۆڕینی پارێزگار، خەیلانی ڕوونی کردەوە: "بەپێی یاسای ژمارە ٣ی ھەموارکراو، حزب ناوی کاندیدی پارێزگا بۆ ئێمە دەنێرێت لە فراکسیۆنی پارتی و ئێمەیش بە ڕاپۆرت بۆ سەرۆکایەتیی ئەنجومەنی پارێزگای ھەولێر بەرزی دەکەینەوە و لە کۆبوونەوەی ئەنجومەنی پارێزگادا دەنگ لەسەر پارێزگاری نوێی ھەولێر دەدرێت." کەنعان خەیلانی گوتیشی: "ئەو گۆڕانکارییانە ئاسایین و ھەموو پۆستە ئیدارییەکانی دیکەش دەگرێتەوە و، بەپێی یاسا لە لایەن ئەنجومەنی پارێزگاوە بەڕێوە دەچێت." بەگوێرەی سەرچاوەیەکی ئاگاداریش، نەوزاد هادی، لە ئەرکێکی نوێدا لە سەرۆکایەتیی هەرێمی کوردستان بە پلەی راوێژکار دەستبەکار دەبێت.

قائید میرۆ

 




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP