Kurdî  ■  كوردی  ■  عربي
SUN, 8 DEC 2019 19:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نەوەد ملیار و هەزاران ملیار
| KDP.info


زکری موسا
 
شۆڤینیزم بێ بەزەیی و بێشەرم و خۆبەحەقزانە. لە بەرانبەریدا لۆژیك و بەڵگە و ماف و وێژدان نایخوات. ئەگەر بەڕوویدا نەوەستینەوە و پاشەكشە بكەین و بنووزێینەوە بێگومان دڕتر و بەهێزتری دەكەین.
 
لە سەدساڵی ڕابردوودا شۆڤینیزم بە قەومی و دینی و نادینییەوە لە هەر چوار پارچەدا كوردستانی ئازار داوە و هەوڵی تواندنەوەی گەلی كوردی داوە. بەداخەوە هەناسەی شۆڤینیزم و نەژادپەرستی و ئینكار لە ناوچەكەماندا ئەبەدیە و كۆتایی نایەت.
 
لە عێراقدا لەدوای ماوەیەك پشوودان، هەمدیسان دەنگی تەپڵی شۆڤێنییەكان لە دژی خەڵكی كوردستان دەبیسترێت. عادل عەبدولمەهدی كە پیاوێكی تێكۆشەر و ڕۆشنبیرە بەوە تۆمەتبار دەكرێت كە لەبەرانبەر مافەكانی كوردستاندا كراوەیە. لە هەر كوچەو كۆڵان و شاشەیەكدا قسە لەسەر ئەوەیە كە كورد بە پارەی عێراق قەڵەو و قەبە بووە. بە شار و مۆڵ و خۆشگوزەرانی و خوێندن و زمان و دامودەزگەی هەرێم تەنگاون. چاویان بەوە هەڵنایەت میللەتێكی مەزلووم مومارەسەی ژیانی ئاسایی خۆی بكات.
 
هاوتەریب لەگەڵ تەوژمی شۆڤینیزمدا دەستێوەردانی دراوسێكانیش لە بەغدا هەیە كە بە ئاراستەی لاوازكردنی هەرێم گوشار دەخەنە سەر حكوومەتی عێراق. لە تەنیشت ئەوانەیش هەندێ نوێنەری كورد لە بەغدا ئاو دەكەنە ئاشی شۆڤێنییەكان و چرنۆك بە مافەكانی كوردستاندا دەكێشن. لەگەڵ هەر سێ لەمانەیش بەشێكی ئێمە بە نووزانەوە و خۆبەكەمزانین گوشاری شۆڤێنییەكان بە بابەتێكی مەنتقی دەزانین و كوردستان بەوە ئیتیهام دەكەین كە نەوت ڕادەستی بەغدا ناكەن.
ئامارەكان ئەومان پێ ناڵێن كە تەنانەت حكوومەتە باشەكەی ئێستای عێراقیش پابەندی بەڵێنەكانی بووبێت، ئەوە پارەیەی كە نێردراوە كەمترە لە 30%ـی پێویستییەكانی ساڵانەی بوودجەی هەرێم. 
 
مادام نەفەسی شۆڤینیزم هەمیشە خۆی بە حەق دەزانێت و دەستوور و یاسا و ڕێككەوتن و تەوافوقیش بە ئاسانی پێشێل دەكرێن پێویست دەكات نوێنەر و دانوساندنكارانی هەرێم زۆر جددیتر پێداگری لە مافەكانی هەرێمی كوردستان بكەن و بە زمانی داتا و ئامار و حەقخوازی لەگەڵیاندا بدوێن. كەس نازانێ پارەی چوار ساڵی كوردستان كە بە ناحەق بڕدرا چووەتە گیرڤانی كام شۆڤێنی. نازاندرێ بودجە و موستەحەقاتی چواردە ساڵی پێشمەرگە لە بەغدا لای كێ ماوە.
 
بە هەموو حیساباتێك لە 2005ـەوە هەتا ئێستا بەغدا 90 ملیارد دۆلاری كوردستانی خواردووە و نەیداوە. لە شەڕی داعشدا یەك دینار و یەك فیشەكی بە پێشمەرگە نەداوە. یەك دۆلاری هاوكاری كوردستان نەكردووە لە حەواندنەوەی دووملیۆن ئاوارەی عەرەب. قەرەبووی ئەنفال و كیمیاباران و تەعریب و ئاوارەكردن و ئازاری سەد ساڵەی گەلی كوردستانی نەكردووە. ڕاستیتان دەوێ، دەوڵەتی عێراق نە یەك مووچە و دوومووچە بەڵكو بە هەزاران ملیار دۆلار قەرزاری گەلی كوردستانە.



دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP