Kurdî  ■  كوردی  ■  عربي
SUN, 8 DEC 2019 18:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جەنگی پیرۆز
| KDP.info


زكری موسا

شەڕی داعش یەكێكە لە گرنگترین قۆناغەكانی مێژووی نوێی گەلی كوردستان. شەڕی پیرۆز بوو، چونكە تەنیا بەرگریكردن لە خاك و كەرامەتی نیشتیمان نەبوو بەڵكو شەڕی بەهاكان و شەڕی دژی جەهل و تاریكی بوو. لەم شەڕە پیرۆزەدا پێشمەرگە سەركەوت. بۆ یەكەمین جار بوو پێشمەرگە بە پلانی تیروتەسەل و لەسەر ئاستی بەرەیەكی بەرفراوان دوژمنێكی دڕندەی شكاند و هەموو خاكی هەرێمی كوردستانی ئازاد كرد. خاكی بابوباپیرانی بە خوێن و شەڕ مەردانە وەرگرتەوە بە بێ ئەوەی یاساكانی شەڕ پێشێل بكات. سەرۆك بارزانی ڕۆڵی سەرەكیی لە فەرماندەییكردنی ئەم شەڕە بەرفراوانە و بنیاتنانی هاوپەیمانێتیی نێودەوڵەتیی لە ڕووبەڕووبوونەوەی تیرۆردا هەبوو، لە ڕاستیدا ئەو خاوەنی ڕاستەقینەی ئەم سەركەوتنە پیرۆزەیە.

بایەخی شەڕی داعش ئەوەندە فرەڕەهەندە چەندی لەسەری بگوترێت هێشتا كەمە. لەم شەڕەدا بوو كە پێشمەرگە گوێی بە ناكۆكییە سیاسییەكانی حزبەكان نەدا و لە یەك سەنگەردا خوێنی دا. ئەم شەڕە بوو بە هۆی دروستبوونی ڕۆحی هاوبەشی نەتەوە و بڕوابەخۆبوونی دروست كردەوە و تەكانی بە میللەتەكەمان دا كە بە دەنگێكی زوڵاڵ ڕیفراندۆم سەر بخەن. بە سەدان ئەفسەری گەنج لەو شەڕەدا بە باشترین شێوە پێ گەییشتن. سەدان داستانی قارەمانێتی تۆمار كرا. شەڕەكە شەڕی حزبەكان و دەستەڵات نەبوو، شەڕی پیرۆز بوو بۆ خاك و وڵات و نەتەوە و چاكەخوازی، لەمەیش بترازێ شەڕ بوو بۆ مرۆڤایەتی. هەر ئەمەیش وای كرد كە نەیارانی كوردستان تەنگاو ببن و پیلانی لەناوبردنی هەرێمی كوردستان دابڕێژن، ئاخر شەڕەكە شەڕی پێكەوەنانی نەتەوە و نیشتیمانیش بوو و دوژمن چاك لەوە تێگەییشتبوو.

ئەمە بەشێكی پڕ لە شانازیی ژیانی میللەتەكەمانە كە پێشمەرگە تێیدا قارەمان و ئەندازیار و تەوەری سەرەكییە. ئەمە دەبێ بە نەمری بمێنێتەوە و جیلەكانی تر بزانن كە چی ڕووی داوە و چۆن ئەهریمەنی تیرۆر لە خاكی كوردستان بە دەستی ڕۆڵە مەزنەكانمان لە خاك گەوزێندرا.

جێگەی داخە كە كەمترخەمییەكی زۆر دەدیترێت لە ئاست زیندووهێشتنەوەی ئەم داستانە و دەستكەوتە پڕ بەهاكانی. ئەركی حزبەكان و حكوومەت و نووسەر و هونەرمەند و سینەماكار و ڕۆشنبیرانە ڕەهەندەكانی سەركەوتنی پێشمەرگە بەسەر داعش زیندوو ڕابگرن. ئەو خوێنەی كە دراوە كەم نییە، ئەو قارەمانێتییەی نوێندراوە كەموێنەیە، ئەم مێژووەی كە لەسەر دەستی پێشمەرگە تۆمار كراوە دەبێ ببێتە هەوێن بۆ خۆشەویستیی نیشتیمان و ببێتە وانەی بەرخودان و خاكپارێزی بۆ هەموومان. گەلی كوردستان خۆڕاگر بوو و سەرۆك و پێشمەرگە ئەفسانەی داعشیان شكاند، دەمێنێتەوە ئێمە كە چۆن بتوانین ئەم سەركەوتنە بە نەمری بهێڵینەوە.




دوایین هەواڵەکان

فارس عیسا: شاندێكی حكوومەتی هەرێم سەردانی بەغدا دەكاتەوە

SUNDAY, 08 DECEMBER 2019 15:12:09

هەولێر -KDP.info- دوای ڕێككەوتنی ھەولێر و بەغدا لەسەر پرسی بودجە و نەوت، بڕیارە پاش گەیشتنی پڕۆژەیاسای بودجە لە حكوومەتەوە بۆ ئەنجومەنی نوێنەران، شاندێكی حكوومەتی ھەرێم سەردانی كوتلە سیاسییەكانی نێو ئەنجومەنی نوێنەرانی عێراق بكەن، سەرۆكی نوێنەرایەتیی حكوومەتی ھەرێمیش لە بەغدا جەخت دەكاتەوە، كە ھەوڵەكانیان بۆ ئەوەیە ڕێككەوتنەكە وەك خۆی جێبەجێ بكرێت.

 

هاونیشتمانیان: حكوومەت ھەنگاوی كرداریی بۆ چاكسازی و نەھێشتنی رۆتین ناوە

SUNDAY, 08 DECEMBER 2019 13:12:24

هەولێر-KDP.info- ئێوارەی دوێنێ، مەسروور بارزانی، سەرۆكوەزیرانی ھەرێمی كوردستان، گوتارێكی بە بۆنەی ١٠٠ رۆژی دەستبەكاربوونی كابینەی حكوومەت پێكەش كرد و، تێیدا جەختی لە بەرەوپێشبردنی ھەرێمی كوردستان لە ھەموو بوارەكاندا كردەوە و گوتیشی: "ئەوەی ھەیە، بەپێی خواستی ئێمە نییە و پێویستە كاری زیاتری بۆ بكەین". هاونیشتمانیانیش بە ئومێدەوە دەڕواننە ھەنگاوەكانی حكوومەت بۆ چاكسازی و باشتركردنی ژیان و گوزەرانیان.

 

"ئەوانەی رووبەری خانووی زێدەڕۆیان كەمە، بە سوودمەند ھەژمار ناكرێن"

SUNDAY, 08 DECEMBER 2019 12:12:24

هەولێر-KDP.info- هەفتەی رابردوو و دوای گه‌ڕاندنه‌وه‌ى لەلایەن سەرۆكی ھەرێمی كوردستانەوە، پەرلەمانی كوردستان جارێكی دیكە یاسای تاپۆكردنی خانووی زێدەڕۆی پەسەند كرد، ئەندامێكی لیژنەی شارەوانییەكانیش دەڵێ، لە كاتی تاپۆكردنی خانووی زێدەڕۆدا، ئەگەر رووبەرەكەی زۆر زیاد نەبێت، خاوەنەكەی بە سوودمەند ھەژمار ناكرێت.

 
عەلی خەلیل بۆ KDP: داعش لەناو مووسڵ سەرقاڵی خۆڕێكخستنەوەیە

SUNDAY, 08 DECEMBER 2019 11:12:52

مووسڵ-KDP.info- دوای ئەوەی لە سنووری خانەقین و كەركووك داعش دەستی بە جموجۆڵ و كردەوەی تیرۆریستی كرد، ئێستا بە شێوەیەكی بەرچاو سەری هەڵداوەتەوە و جووڵەیان زیادی كردووە، بەرپرسی لقی 14ی پارتیش دەڵێ، لە مووسڵیش بە هەمان شێوە داعش سەرقاڵی خۆڕێكخستنەوەیە. دەشڵێ: "خەڵك داوا دەكەن پێشمەرگە بگەڕێتەوە ناوچەكە".

 
حزبەكان پشتیوانیی خۆیان بۆ سەرۆكی حكوومەت دووپات دەكەنەوە

SUNDAY, 08 DECEMBER 2019 10:12:51

سلێمانی-KDP.info- سەرۆكی حكوومەتی هەرێمی كوردستان، لە گوتارێكیدا بە بۆنەی 100 ڕۆژی كاركردنی حكوومەتی هەرێم، رایگەیاند: "حكوومەتی هەرێم هی هەموو هاووڵاتیانە، بە تەنیا هی تاكەكەسێك و یان چەند حیزبێك نییە، بۆیە چاوەڕوانین هەموو لایەنە سیاسییەكانی هەرێم لە بەهێزكردنی ئەم حكوومەتەدا پاڵپشتمان بن". حزبە سیاسییەكانی كوردستانیش، پشتیوانیی خۆیان بۆ سەرۆكی حكوومەت دووپات دەكەنەوە.

 


 
© 2018 Kurdistan Democratic Party, KDP