مەخموور  _KDP.info_ بڕیارە کۆلیژی مەخموور لە ھەولێر بگوازرێتەوە بۆ سەنتەری قەزای مەخموور و بەرپرسی لقی قەرەچوغی یەکێتی قوتابیانی کوردستانیش دەڵێ: کۆلیژەکە دیاری سەرۆک بارزانی بوو دوای گەڕانەوەش باڵەخانەیەکی سەردەمیانە بۆ کۆلێژەکە دروست دەکرێت.

سێمێل _KDP.info_  قایمقامی قەزای سێمێل دەڵێت: حکوومەتی ھەرێمی کوردستان گرنگی زۆر باش بە سێمێل دەدات بۆ ئەنجامدانی پڕۆژە، ئێستا بە گوژمەی زیاتر لە ٢٧ملیار دینار پڕۆژە لە بواری جێبەجێکردندان و ڕەزامەندی دراوە ٢٠ پڕۆژەی دیکەش بە گوژمەی ١٠ملیار و ٤٠٠ملیۆنی دیکە ئەنجام بدرێت، بەمەش سێمێل لەڕووی ئەوەدانییەوە گۆڕانکاری تەواوی تێدا دەکرێت و دەچێتە قۆناغێکی تازەوە.

ھەولێر-KDP.info- بەپێی قسەی ئەندامێکی ئەنجوومەنی نوێنەرانی عێراق لە لیژنەی نەوت و گاز، چەند گەورە کۆمپانیایەکی تایبەت بە بواری نەوت لە ئەورووپا و ئەمەریکا و کوردستان نامەیەکیان بۆ سەرۆکی ئەمەریکا نووسیوەو داوای چارەسەریان لە پرسی ھەناردەکردنەوەی نەوت‌ کردووە، ڕاگەیەندراوی کۆشکی سپیش باس لە گرنگی دەستپێکردنەوەی ھەناردەی نەوتی کوردستان دەکات و بڕیارە لە زووترین کاتدا ئەم پرسە یەکلایی بکرێتەوە.

بەغدا _KDP.info_  سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی: سەردانی شاندی عێراق بە بەشداری  شاندی حکوومەتی ھەرێمی کوردستان بۆ ئەمەریکا زۆر گرنگ بوو، گرنگترین مەلەفی سەرەکی سەردانەکەش فراوانکردنی ڕێککەوتنی ستراتیژیی نێوان عێراق و ئەمەریکا بوو.

نیوه‌ڕۆى ئه‌مڕۆ چوارشه‌ممه‌ 2024/4/16 به‌ڕێز نێچیرڤان بارزانى، سه‌رۆكى هه‌رێمى كوردستان له‌گه‌ڵ‌ به‌ڕێز پاتریك دورێل باڵیۆزى فه‌ره‌نسا له‌ عێراق كۆبووه‌وه‌ و ده‌رباره‌ى دۆخى ناوخۆى هه‌رێمى كوردستان، په‌یوه‌ندییه‌كانى فه‌ره‌نسا له‌گه‌ڵ عێراق و هه‌رێمى كوردستان و په‌یوه‌ندییه‌كانى هه‌ولێر ـ به‌غدا، گفتوگۆیان كرد.