Kurdî  ■  كوردی  ■  عربي
SAT, 6 JUN 2020 07:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی: هه‌رێمی كوردستان وه‌ك فاكته‌رێكی سه‌قامگیری له‌ ناوچه‌كه‌ ده‌مێنێته‌وه‌
| KDP.info


پاریس-KDP.info-هه‌ر له‌ میانه‌ی سه‌ردانه‌كه‌یدا بۆ پاریسی پایته‌ختی فه‌ڕه‌نسا، ئێواره‌ی ئه‌مرۆ پێنجشه‌ممه‌ 11/7/2019 به‌ڕێز نێچیرڤان بارزانی سه‌رۆكی هه‌رێمی كوردستان، دیدارێكی له‌گه‌ڵ ڕه‌وه‌ندی كورد و دۆستانی كورد و كوردستان له‌ پاریس ئه‌نجامدا.

له‌ دیداره‌كه‌دا به‌ڕێز سه‌رۆكی هه‌رێمی كوردستان وته‌یه‌كی پێشكه‌ش كرد كه‌ ئه‌مه‌ ده‌قه‌كه‌یه‌تی:

زۆر سوپاس

هه‌موو لایه‌كتان به‌خێربێن سه‌رچاوان

زۆر خۆشحاڵم كه‌ له‌ چوارچێوه‌ی سه‌ردانماندا بۆ پاریس ئه‌مڕۆ له‌گه‌ڵ ڕه‌وه‌ندی كوردسی له‌ پارێس كۆده‌بمه‌وه‌ و به‌خێربێن سه‌رچاوان، هه‌روه‌ها خۆشحاڵم جگه‌ له‌ ڕه‌وه‌ندی كوردی، دۆستانی ئێمه‌ی فه‌ڕه‌نسی، باڵیۆزی عێراق له‌ پاریس و نوێنه‌رانی ژماره‌یه‌ك بالیۆزخانه‌كانی وڵاتانی دۆست لێره‌ ئاماده‌ن و هه‌موولایه‌كتان به‌خێربێن سه‌رچاوان.

 

سه‌ردانی ئێمه‌ بۆ پاریس له‌سه‌ر بنگهێشتی سه‌رۆكی فه‌ڕه‌نسا به‌ڕێز ئیمانوێل ماكرۆن بوو و دوێنێ له‌ كۆشكی ئه‌لیزێ كۆبوونه‌وه‌یه‌كی باشمان له‌گه‌ڵیدا ئه‌نجامدا. وه‌ك هه‌موو لایه‌كتان ئاگادارن په‌یوه‌ندییه‌كانی هه‌رێمی كوردستان و په‌یوه‌ندییه‌ گشتییه‌كانی هه‌رێمی كوردستان له‌گه‌ڵ فه‌ڕه‌نسا دیرۆكی و مێژوویین. فه‌ڕه‌نسا یه‌كه‌م وڵات بوو بڕیاری دروستكردنی ناوچه‌ی ئارامی له‌ هه‌رێمی كوردستان دا له‌ كاتی خۆیدا بۆ پاراستنی میلله‌ته‌كه‌مان، دوای ئه‌وه‌ش له‌گه‌ل ده‌وڵه‌تی فه‌ڕنسا به‌تایبه‌تی سه‌رۆك میتران ئه‌م په‌یوه‌ندییانه‌ به‌رده‌وام بوون.

 

ساڵێك پێش ڕووداوه‌كانی ڕیفراندۆم، فه‌ڕه‌نسا له‌ لایه‌نی سیاسییه‌وه‌ ڕۆڵێكی زۆر گه‌وره‌ی بینی بۆ دووباره‌ هاوكاریكردنی هه‌رێمی كوردستان و من له‌و باوه‌ڕه‌دام ئه‌گه‌ر ئه‌م رۆڵه‌ی سیاسیی فه‌ڕه‌نسا نه‌بووایه‌ له‌و كاته‌دا كه‌ سه‌ختییه‌كی زیاد له‌ حه‌د بوو، دیار نه‌بوو دۆخی هه‌رێمی كوردستان به‌ره‌و چ ئاراسته‌یه‌ك ده‌چوو.

فه‌ڕه‌نسا ده‌رگای سیاسیی خۆی بۆ گه‌لی ئێمه‌ كرده‌وه‌ و هه‌وڵی جددی دا له‌گه‌ڵ وڵاتانی دیكه‌ی ئه‌ورووپا و له‌گه‌ل به‌غداش به‌ مه‌به‌ستی چاره‌سه‌ركردنی كێشه‌كان.

خۆشحاڵم كه‌ ده‌ڵێم دوای ساڵێك و چه‌ند مانگێك له‌ دیدارمان له‌گه‌ڵ سه‌رۆك ماكرۆن، ئه‌مڕۆ كوردستان كه‌وتۆته‌ قۆناغێكی ته‌واو جیاوازه‌وه‌ له‌گه‌ڵ پێش ئێستا و په‌یوه‌ندییه‌كانمان له‌گه‌ڵ به‌غدا به‌ره‌و باشتر ده‌ڕۆن و هیوادارین له‌سه‌ر بنه‌مای ده‌ستووری عێراق ئه‌و كێشانه‌ چاره‌سه‌ر بكه‌ین كه‌ چه‌ند ساڵه‌ به‌ هه‌ڵواسراوی ماونه‌ته‌وه‌ و باوه‌ڕمان وایه‌ به‌ هاتنی حكوومه‌تی نوێی عێراق به‌ سه‌رۆكایه‌تیی به‌رێز عادل عه‌بدولمه‌هدی ده‌توانین چاره‌سه‌ر بۆ ئه‌و كێشانه‌ بدۆزینه‌وه‌ كه‌ له‌ نێوانماندا هه‌ن.

 

پرسی كورد له‌ ڕۆژهه‌ڵاتی ناوه‌ڕاست پرسێكی جددییه‌ و پێویستی چاره‌سه‌ركردنیشی سیاسی بێت له‌و وڵاتانه‌ی كه‌ كورد تیایاندا ده‌ژین هه‌ریه‌ك به‌گوێره‌ی تایبه‌تمه‌ندیی خۆی.

خۆشحاڵم ڕایبگه‌یه‌نم كه‌ دوێنێ كابینه‌ی نوێی حكوومه‌تی هه‌رێمی كوردستان پێكهێنرا له‌گه‌ل لایه‌نه‌ به‌شداره‌كانی حكوومه‌ت یه‌كێتیی نیشتمانیی كوردستان و بزووتنه‌وه‌ی گۆڕان و پارتی سۆسیالست دیموكراتی كوردستان و لایه‌نه‌ سیاسییه‌كانی توركمان و كرستیانه‌كان.

ئێمه‌ زۆر به‌ گه‌شتبینییه‌وه‌ سه‌یری دۆخی هه‌رێمی كوردستان ده‌كه‌ین و هه‌وڵه‌ جددییه‌كانمان بۆ ئه‌وه‌ن وه‌ك هه‌موو جارێك هه‌رێمی كوردستان وه‌ك فاكته‌رێكی سه‌قامگیری له‌ ده‌ڤه‌ره‌كه‌دا به‌گشتی بمێنێته‌وه‌.

جارێكی دیكه‌ سوپاسی هه‌موولایه‌كتان ده‌كه‌م بۆ هاتن و ته‌شریفهێنانتان‌.

به‌خێربێن سه‌رچاوان

 




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP