Kurdî  ■  كوردی  ■  عربي
WED, 11 DEC 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سەرکردایەتیی پارتی کاندیدانی پارتی بۆ کابینەی نوێ پەسەند دەکات"
| KDP.info


 

هەولێر-KDP.info-  بڕیارە پارتی لەم حەفتەیەدا کاندیدەکانی بۆ کابینەی نوێی حکوومەتی ھەرێمی کوردستان یەکلا بکاتەوە و ڕاوێژکاری مەکتەبی سیاسیش دەڵێ، دەیان کەس سیڤیان پێشکەش بە لیژنەی پەیوەندیدار کردووە و دوای یەکلاکردنەوەیان سەرکردایەتی پەسەندیان دەکات.

 

بۆ ئەوەی بە شێوەیەکی ئەکادیمی و لەسەر بنەمای لێھاتوویی، پۆستەکانی پشکی پارتی لە کابینەی نوێی حکوومەتی ھەرێمی کوردستاندا پڕ بکرێنەوە، پارتی لیژنەیەکی باڵای پێک ھێناوە و دەیەوێ لە ڕێگەی ئەو لیژنەیەوە بابەتی پۆستەکان بۆ کادیرانی پارتی یەکلا بکاتەوە. لەو بارەیەوە، عارف ڕۆشدی، ڕاوێژکاری مەکتەبی سیاسیی پارتی دیموکراتی کوردستان دەڵێت: "دەمێکە لە ڕێگەی ئورگانەکانییەوە پارتی بانگەوازی بۆ ھەموو ئەندام و کادیرانی ناردووە، ئەوانەی دەیانەوێ بەشدار بن و پۆست وەربگرن لە کابینەی نوێدا سیڤییان لێ وەرگیراوە."

 

ڕاوێژکاری مەکتەبی سیاسی بە ماڵپەڕی فەرمیی پارتی دیموکراتی کوردستانی ڕاگەیاند: "لیژنەیەکی باڵا لەنێو پارتیدا ھەڵاوێردی ناوەکان دەکات، چونکە پارتی حزبێکی گەورەیە و دەیان و سەدان کەس داواکارییان پێشکەش کردووە، ئەو لیژنەیە بڕیاری کۆتایی لەسەر سیڤیەکان دەدات."

 

عارف ڕۆشدی ئاماژەی بۆ ئەوە کرد: "دوای یەکلاکردنەوەی ناوەکان، ھەر لە وەزیرەوە بگرە تا ڕاوێژکار و بەڕێوەبەر و بەرپرسی یەکە ئیدارییەکان، ئەو ناوانەی یەکلا دەبنەوە، لە لایەن ئەنجومەنی سەرکردایەتیی پارتییەوە پەسەند دەکرێن."

 

قائید میرۆ




دوایین هەواڵەکان

یەکێتی ئافرەتانی کوردستان لە شەست و حەوتەمین ساڵەی دامەزراندنیدا

WEDNESDAY, 11 DECEMBER 2019 13:12:18

د. ڤیان سلێمان

 
جێگری سەرۆکی پارتی دیموکراتی کوردستان، پەیامێک ئاڕاستەی یەکێتی ئافرەتان دەکات

WEDNESDAY, 11 DECEMBER 2019 11:12:46

هەولێر-KDP.info- نێچیرڤان بارزانی جێگری سەرۆکی پارتی دیموکراتی کوردستان، بە بۆنەی ٦٧ەمین ساڵیادی دامەزراندنی رێکخراوەکەیانەوە، پەیامێک ئاڕاستەی یەکێتی ئافرەتانی کوردستان دەکات، و دەڵێ ئەو رێکخراوە خاوەنی مێژوویەکی پڕ سەروەری و تێکۆشانە، ڕۆڵی گرینگ و بەرپرسیارانەی هەبووە لە قۆناغە جیاجیاکانی خەباتی نیشتیمانی و نەتەوەییماندا و، پێشەنگی خەباتی مەدەنی و ڕێکخراوەییە لە کوردستاندا.

 
سارا دڵشاد: پارتی هەمیشە پاڵپشتی پێكهاتەكانە

WEDNESDAY, 11 DECEMBER 2019 11:12:26

هەولێر-KDP.info- پەرلەمانی كوردستان، دوێنێ بە دەنگی ئەندامانی پارتی دیموكراتی كوردستان و كریستیانەكان، خوێندنەوەی یەكەمی بۆ پێشنیازەبڕیارێكی توركمانەكان كرد، پەرلەمانتارێكی كوردستانیش لە فڕاكسیۆنی پارتی گەشەپێدانی توركمان دەڵێت، دەستخۆشی لە پارتی دیموكراتی كوردستان دەكەین، كەوا هەمیشە پاڵپشتی نەتەوەی توركمان و پێكهاتەكانی ترە لە هەرێمی كوردستان.

 
"ئەمڕۆ ئەنجومەنی وەزیران پڕۆژەیاسای چاكسازی و مووچە و دەرماڵە پەسەند دەكات"

WEDNESDAY, 11 DECEMBER 2019 10:12:27

هەولێر-KDP.info- ئەمڕۆ ئەنجومەنی وەزیرانی هەرێمی كوردستان كۆدەبێتەوە و، پڕۆژەیاسای چاكسازی و مووچە و دەرماڵە و بەخشین و ئیمتیازاتەكانی دیكە پەسەند دەكات و رەوانەی پەرلەمانی دەكات، سەرۆكی فراكسیۆنی پارتیش، دەڵێ، هەر كاتێك پڕۆژەكە بگاتە پەرلەمان، رێكارە یاساییەكان دەگرنە بەر.

 
مەیادە نەجاڕ: دەبێ پڕۆژەیاسای بودجەی 2020ی عێراق پێش سەری ساڵ بگاتە پەرلەمان

WEDNESDAY, 11 DECEMBER 2019 10:12:33

بەغدا-KDP.info- پەرلەمانتارێكی كورد لە لیژنەی ئابووری و وەبەرهێنانی ئەنجوومەنی نوێنەرانی عێراق دەڵێ، بۆ ڕەوانەكردنی بودجەی 2020ی عێراق بۆ پەرلەمان، پێویست بە هیچ دەرچەیەكی یاسایی ناكات و كێشەی نییە، دوای پەسەندكردنی پڕۆژەیاسای هەڵبژاردنی ئەنجوومەنی نوێنەرانیش، ڕاستەوخۆ كار لەسەر پڕۆژەیاسای بودجە دەكرێت.

 


 
© 2018 Kurdistan Democratic Party, KDP