Kurdî  ■  كوردی  ■  عربي
FRI, 5 JUN 2020 02:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لەیلا قاسم
| KDP.info


 
ئاریان فەرەج
 
بێ هەژمارن ئەوانەی لە كاروانی خەباتی پارتی و كوردایەتیدا، گیانیان بەخت كرد، هەموان نەمر و زیندووی نێو دڵی میللەتن، بەڵام شەهید لەیلا قاسم مەلەكشاهیی فەیلی، بوو بە سیمبولێك كە یادكردنەوەی وەك ئەوەیە كۆی شەهیدانی پارتی و كوردایەتی پێكەوە یادبكرێنەوە. 
لەیلای كچە كوردی فەیلیی گەرمەسێر، هەموو مەزڵومیەتی نەتەوەی كوردی تێدا كۆببۆوە، گەرمیانییەكی خاك تەعریبكراوی بەردەم رەشەبای تەرحیل، هەژار و خێرلەخۆ نەدیو، شیعە مەزهەبێكی چەوساوەی دەستی جیاكاریی مەزهەبی، خونچەیەكی هەڵوەریوی بەهاری تەمەن.
حیقد و دڵرەشیی و شێوازی پڕ قەساوەتی ئەشكەنجەدان و دواتر لەسێدارەدانی دڕندانەی، گوزارشت بوو لەوەی لەیلا لە چاوی دوژمنانی كورددا، هەموو خەسڵەتەكانی ئەو جۆرە كوردەی تێدابوو كە بەعسییەكان بە كوشتنی دەیانویست هەموو كورد بكوژن. لە چاوی شۆڤینیزمەكاندا لەیلا وەك ناسنامەی نەتەوەیی و وەك ناسنامەی مەزهەبی و وەك هەواداری سەرسەختی رێبازی بارزانی، تۆمەتبار و شایستەی مەرگ بوو، بۆیە لە ئەشكەنجەدان و كوشتنیدا نەك هەر سڵیان لە ژنێتی و گەنجێتیی نەكردەوە و بەزەییان نەجوڵا، بەڵكو بە كوشتنی بێ رەحمانەی، ئاویان بە ئاگری دەرونی رەش و نەخۆشیاندا كرد. 
لەیلا تەنیا رەمزی ژنێكی كوردی فیداكار نییە، رەمزی تێكۆشەرێكی پڕ باوەڕ و خۆڕاگر بەرامبەر ئەشكەنجەی وەحشییكەری، رەمزی كادر و ئەندامی سەرسەخت و دڵسۆزی پارتی و رێبازی بارزانی، رەمزی كچە فەیلییەكە كە هەموو ئازارەكانی كوردبوون و فەیلی بوون و پارتی بوونی لەخۆیدا كۆكردبۆوە. 
لەیلا دەیخواست خۆش بژی، زانكۆ تەواوكات و لەگەڵ دەستگیرانەكەی ماڵۆچكەی شادی پێكەوە بنێن، دەیویست دایك بێت، دەیویست تەمەن بگوزەرێنێ و تام لە ژیان بكات، بەڵام بۆ كچی میللەتێكی بندەست و مەزڵوم، بۆ كچێك نیشتمانەكەی خۆی لە ژیان خۆشنر بوێت، ئەم ئاواتانە ئەستەم بوون، 
لەیلا كە لە دوایین دیداری كەسوكارەكەیدا، داوای بەرگی بوكێنی كرد و ووتی: دەمەوێت بە جوانترین روخسار و جڵوبەرگمەوە، باوەش بە خاكی نیشتمانەكەمدا بكەم، ئەو پەیامەی گەیاندە هەموومان كە نەتەوەی داگیركراو، تا نەگات بە ئازادی و سەربەخۆیی، تامی ژیان و خۆشییەكانی ناچێژێ.



دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP