Kurdî  ■  كوردی  ■  عربي
WED, 11 DEC 2019 13:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزیری بازرگانی: پارەی گه‌نمی جووتیارانی ھەرێم خەرج دەكرێت
| KDP.info


بەغدا-KDP.info- ئەندامێكی لیژنەی كشتوكاڵ لە ئەنجوومەنی نوێنەرانی عێراق گوتی، وەزارەتی بازرگانی بڕیاری خەرجكردنی پارەی گەنمی جووتیارانی ھەرێمی كوردستانی دەركردووە و لە ماوەیەكی نزیكدا پارەكە خەرج دەكرێت.

محەمەد ئەمین فارس، بە ماڵپەڕی فەرمیی پارتی دیموكراتی كوردستانی ڕاگەیاند: "ئەم بەیانییە لەگەڵ وەزیری بازرگانیی حكوومەتی عێراق، محەمەد ھاشم عانی سەبارەت بە خەرجكردنی پارەی جووتیارانی ھەرێمی كوردستان كۆ بووینەوە و ئەویش باسی لەوە كرد كە كاتی خۆی حكوومەتی پێشوو بڕیاری دابوو خەرجكردنی پارەكە رابگیرێت، بۆیە ئێمە پارەكەمان ئامادە كردووە و نووسراومان بۆ ئەنجوومەنی وەزیران كردووە بۆ ئەوەی سەرۆكوەزیران بڕیاری پێشوو ھەڵبوەشێنێتەوە و ئیمزا لەسەر نووسراوی ئێمە بكات، ھەر كاتێكیش نووسراوەكە ئیمزا كرا، دەست بە خەرجكردنی پارەكە دەكرێت".

فارس گوتیشی: "پارەكە ٥٥٧ ملیار دینارە و وەزیری بازرگانییش بەڵێنی دا كە لە ماوەیەكی نزیكدا پارەكە خەرج دەكرێت، چونكە ھەموو رێكارەكان تەواو بوونە  و تەنھا ماوە لە ئەنجوومەنی وەزیران بگەڕێتەوە و خەرج بكرێت".

دەشڵێ: "ئێمە وەكو فراكسیۆنی پارتی دەچینە ئەنجوومەنی وەزیران و بەدواداچوونی زیاتری بۆ دەكەین تاوەكو نووسراوەكە ئیمزا دەكرێت و پارەی جووتیاران خەرج دەكرێت، چونكە لە پڕۆژەیاسای بودجەشدا ئێمە ئەو پارەیەمان جێگیر كردووە، بۆیە حكوومەتی عێراق ھیچ رێگایەكی لە بەردەمدا نییە جگە لەوەی پارەكە خەرج بكات".

 

بڵند ئیبراھیم




دوایین هەواڵەکان

یەکێتی ئافرەتانی کوردستان لە شەست و حەوتەمین ساڵەی دامەزراندنیدا

WEDNESDAY, 11 DECEMBER 2019 13:12:18

د. ڤیان سلێمان

 
جێگری سەرۆکی پارتی دیموکراتی کوردستان، پەیامێک ئاڕاستەی یەکێتی ئافرەتان دەکات

WEDNESDAY, 11 DECEMBER 2019 11:12:46

هەولێر-KDP.info- نێچیرڤان بارزانی جێگری سەرۆکی پارتی دیموکراتی کوردستان، بە بۆنەی ٦٧ەمین ساڵیادی دامەزراندنی رێکخراوەکەیانەوە، پەیامێک ئاڕاستەی یەکێتی ئافرەتانی کوردستان دەکات، و دەڵێ ئەو رێکخراوە خاوەنی مێژوویەکی پڕ سەروەری و تێکۆشانە، ڕۆڵی گرینگ و بەرپرسیارانەی هەبووە لە قۆناغە جیاجیاکانی خەباتی نیشتیمانی و نەتەوەییماندا و، پێشەنگی خەباتی مەدەنی و ڕێکخراوەییە لە کوردستاندا.

 
سارا دڵشاد: پارتی هەمیشە پاڵپشتی پێكهاتەكانە

WEDNESDAY, 11 DECEMBER 2019 11:12:26

هەولێر-KDP.info- پەرلەمانی كوردستان، دوێنێ بە دەنگی ئەندامانی پارتی دیموكراتی كوردستان و كریستیانەكان، خوێندنەوەی یەكەمی بۆ پێشنیازەبڕیارێكی توركمانەكان كرد، پەرلەمانتارێكی كوردستانیش لە فڕاكسیۆنی پارتی گەشەپێدانی توركمان دەڵێت، دەستخۆشی لە پارتی دیموكراتی كوردستان دەكەین، كەوا هەمیشە پاڵپشتی نەتەوەی توركمان و پێكهاتەكانی ترە لە هەرێمی كوردستان.

 
"ئەمڕۆ ئەنجومەنی وەزیران پڕۆژەیاسای چاكسازی و مووچە و دەرماڵە پەسەند دەكات"

WEDNESDAY, 11 DECEMBER 2019 10:12:27

هەولێر-KDP.info- ئەمڕۆ ئەنجومەنی وەزیرانی هەرێمی كوردستان كۆدەبێتەوە و، پڕۆژەیاسای چاكسازی و مووچە و دەرماڵە و بەخشین و ئیمتیازاتەكانی دیكە پەسەند دەكات و رەوانەی پەرلەمانی دەكات، سەرۆكی فراكسیۆنی پارتیش، دەڵێ، هەر كاتێك پڕۆژەكە بگاتە پەرلەمان، رێكارە یاساییەكان دەگرنە بەر.

 
مەیادە نەجاڕ: دەبێ پڕۆژەیاسای بودجەی 2020ی عێراق پێش سەری ساڵ بگاتە پەرلەمان

WEDNESDAY, 11 DECEMBER 2019 10:12:33

بەغدا-KDP.info- پەرلەمانتارێكی كورد لە لیژنەی ئابووری و وەبەرهێنانی ئەنجوومەنی نوێنەرانی عێراق دەڵێ، بۆ ڕەوانەكردنی بودجەی 2020ی عێراق بۆ پەرلەمان، پێویست بە هیچ دەرچەیەكی یاسایی ناكات و كێشەی نییە، دوای پەسەندكردنی پڕۆژەیاسای هەڵبژاردنی ئەنجوومەنی نوێنەرانیش، ڕاستەوخۆ كار لەسەر پڕۆژەیاسای بودجە دەكرێت.

 


 
© 2018 Kurdistan Democratic Party, KDP