Kurdî  ■  كوردی  ■  عربي
SAT, 6 JUN 2020 08:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی ناوخۆ حەوت بڕیاری بۆ نەهێشتنی دیاردەی چەکداری دەرکرد
| KDP.info


ھەولێر-KDP.info- وەزارەتی ناوخۆی حکوومەتی ھەرێمی کوردستان بۆ نەھێشتنی دیاردەی چەکھەڵگرتن، بەتایبەت چەکی قورس و مامناوەند و ھێشتنەوەی ئەو چەکانە تەنیا لە دەستی چەکدارانی حکوومەتی ھەرێمی کوردستاندا حەوت بڕیاری دەرکرد، لەوانە دەستبەسەرداگرتنی ھەموو جۆرە چەکێک، جگە لە کلاشینکۆف و دەمانچە و دەستیش بەسەر ئەو چەکانەدا دەگرن کە مۆڵەتیان نییە و ڕێکاری یاساییش بەرانبەریان دەگیرێتە بەر."

لە نووسراوێکی وەزارەتی ناوخۆی حکوومەتی ھەرێمی کوردستاندا، کە ئیمزای وەزیری ناوخۆ، کەریم شنگالیی لەسەرە و ئەمڕۆ ١٠/٢/٢٠١٩ دەرکراوە و کۆپیەکی بە دەست ماڵپەڕی فەرمیی پارتی دیموکراتی کوردستان گەیشتووە، ھاتووە: "بە پێی ئەو دەسەڵاتەی پێمان دراوە لە یاسای وەزارەتی ناوخۆ، ژمارە (٦)ی ساڵی ٢٠٠٩ و بە پێی یاسای چەک، ژمارە (١٦)ی ساڵی ١٩٩٣، بە مەبەستی نەھێشتنی دیاردەی چەکداری، بەتایبەت چەکی قورس و مامناوەند و ھێشتنەوەی ئەو چەکانە تەنیا لە دەست ھێزە چەکدارەکانی حکوومەتی ھەرێمی کوردستاندا، بڕیارمان دا."

سەبارەت بە بڕیارەکانیش لە نووسراوەکەدا لە ڕێگەی حەوت خاڵ ڕوون کراوەتەوە، ئەوانیش بریتین لە :

١- داماڵینی گشت چەک و تەقەمەنییەک، جگە لە دەمانچە و کلاشینکۆف.

٢- دەستبەسەرداگرتنی ئەو چەکە بێمۆڵەتانەی کە لە لایەن ھاووڵاتیانەوە ھەڵدەگیرێن و گرتنەبەری ڕێکاری یاسایی بەرامبەریان.

٣- لە سەنتەری ھەر پارێزگا و قەزا و ناحیەیەک لە بەڕێوەبەرایەتییەکانی پۆلیس و ئاسایش بنکەی کۆکردنەوەی ئەو چەکانەی ڕادەست دەکرێن، یان دەستی بەسەردا دەگیرێت کۆ دەکرێنەوە و لە لایەن لیژنەیەکی تایبەتمەندەوە جەرد دەکرێن و ڕادەستی وەزارەتی پێشمەرگە دەکرێن."

٤- لە ڕێگای دەزگاکانی ڕاگەیاندنەوە ئاگاداری گشت ھاووڵاتیان دەکرێت، ئەوانەی دەمانچە و کلاشینکۆفی بێمۆڵەتیان ھەیە لەو بنکانە تۆماری بکەن و ئەو چەکانەی کە لە بڕگەی (١)ی سەرەوە ئاماژەیان پێ کراوە ڕادەستی بکەن.

٥- ئەم بەیانە لە ڕۆژی دەرچوونییەوە کاری پێ دەکرێت بۆ ماوەی ٦ مانگ.

٦- دوای کۆتاییھاتنی ئەو ماوەیەی کە لە بڕگەی (٥)ی سەرەوە دیاری کراوە ھەر چەکێک دەستی بەسەردا بگیرێت خاوەنەکەی بە پێی یاسای چەک ڕەوانەی دادگا دەکرێت.

٧- ئەم بەیانە لە ڕۆژنامەی وقائعی کوردستاندا بڵاو دەکرێتەوە.

بڵند ئیبراھیم

 




دوایین هەواڵەکان

بڵند ئیسماعیل: پارتی لەگەڵ یەکڕیزییە لەسەر پرسە نیشتمانی و ستراتیژییەکان

THURSDAY, 04 JUNE 2020 17:06:10

هەولێر – KDP.info -  بەرپرسێکی پارتی دیموکراتی کوردستان ئاشکرای کرد، پارتی لەگەڵ یەکڕیزیی لایەنە سیاسییەکانە و دەشڵێ، پارتی و یەکێتی لەبارەی پرسە ستراتیژی و نیشتمانییەکان دەگەنە ڕێککەوتن و پارتی ئامادەیە بۆ تەباییی نێوان لایەنەکان لەپێناو بەرەژەوەندیی گشتی.

 

لیوا عه‌بدولخالق ته‌ڵعه‌ت: ئۆپەراسیۆنێكی هاوبه‌شی هاوپه‌یمانان و هێزەکانی عێراق به‌ئاگاداری هێزی پێشمه‌رگه‌ له‌ ناوچه‌كە ده‌ستی پێكردووه‌

THURSDAY, 04 JUNE 2020 15:06:19

به‌غدا-KDP.info-  نوێنه‌ری هه‌ردوو وه‌زاره‌تی پێشمه‌رگه‌ و وه‌زاره‌تی ناوخۆ له‌ فه‌رمانده‌ی ئۆپراسیۆنه‌كانی عێراق گوتی، ئۆپراسیۆنێكی هاوبه‌ش له ‌نێوان هاوپه‌یمانان و هێزه‌ عێراقییه‌كان به‌ ئاگاداریی هێزی پێشمه‌رگه‌ له‌ هه‌موو ناوچه‌كان ده‌ستی پێ كردووه‌ و هێزی پێشمه‌رگه‌ كه‌ به‌شداری نه‌كردووه‌ به‌هۆی ئه‌وه‌ی سنووری هێزی عێراقی بووه‌، به‌ڵام هه‌ماهه‌نگیی باش له‌گه‌ڵ هێزه‌ عێراقییه‌كان هه‌یه‌ و ته‌نها له‌ سنووری قه‌ره‌چوغ هاوپه‌یمانان له‌ كۆی 26 گورز 19 داعشیان كوشتووه‌ و چه‌ندین مۆڵگه‌شیان خاپوور كردووه‌.''

 

خۆشناو: تاكه‌ هۆكاری كۆنه‌بوونه‌وه‌ی پەرلەمان خۆپارێزییه له‌ ڤایرۆسی كۆرۆنا نه‌ك بابه‌تی سیاسی

THURSDAY, 04 JUNE 2020 15:06:27

هەولێر-KDP.info- سەرۆكی فراکسیۆنی پارتی دیموكراتی كوردستان لە پەرلەمان كوردستان ئاشكراى کرد، حه‌فته‌ی داهاتوو كۆبوونه‌وه‌ی سه‌رۆكایه‌تیی په‌رله‌مان و سه‌رۆكفراكسیۆنه‌كانی په‌رله‌مان به‌ڕێوه‌ ده‌چێت و ڕێوشوێنه‌كانی ئه‌نجامدانی كۆبوونه‌وه‌ی پەرلەمانیش ده‌گیرێته‌ به‌ر. ده‌شڵێ: تاكه‌ هۆكاری كۆنه‌بوونه‌وه‌ی پەرلەمان خۆپارێزییه‌ له‌ ڤایرۆسی كۆرۆنا نه‌ك بابه‌تی سیاسی  .

 

شاندی حکوومەتی هه‌رێمی كوردستان دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌

THURSDAY, 04 JUNE 2020 14:06:11

به‌غدا-KDP.info-  سه‌رۆكی نوێنه‌رایه‌تیی حکوومەتی هه‌رێمی كوردستان له ‌به‌غدا گوتی، بڕیاره‌ ڕۆژی شه‌ممه‌ی داهاتوو ده‌نگ له‌سه‌ر ته‌واوكردنی كابینه‌ی نوێی حکوومەتی عێراق بدرێت و دواتر شاندی حکوومەتی هه‌رێمی كوردستان دێته‌ به‌غدا و دوو مه‌له‌ف له‌گه‌ڵ به‌غدا یه‌كلایی ده‌كاته‌وه‌. ئه‌وانیش دارایی و ئه‌وه‌ی دیكه‌ش نه‌وت، چونكه‌ تا ئێستا وه‌زیری نه‌وت نییه، بۆیه‌ چاوه‌ڕێی وه‌زیری نه‌وت ده‌كرا و هه‌ركاتێك دانرا ئه‌وكات شاندی حکوومەتی هه‌رێم ئاماده‌یه‌ بۆ گفتوگۆ و چاوه‌ڕێی حکوومەتی عێراقە.

 

ئەكرەم ساڵح بۆ KDP: سەرەداوی تەقەكردن لە لیژنەی ناوچەی كفری دەست كەوتووە

THURSDAY, 04 JUNE 2020 11:06:24

گەرمیان-KDP.info- بەرپرسی لقی گەرمیانی پارتی دیموكراتی كوردستان، زانیاریی ورد لەبارەی تەقەكردن لە بارەگای لیژنەی ناوچەی پارتی لە سنووری كفری ئاشكرا دەكات و، باس لە هۆكارەكانی ئەو تەقەكردنە دەكات.

 


 
© 2020 Kurdistan Democratic Party, KDP