Hewlêr-KDP.info: îro (Şemî, 25ê Cotmeha 2025ê) Bi amadebûna Cîgirê Serokê Partiya Demokrat a Kurdistanê (PDK) Mesrûr Barzanî, ahenga bangeşeya hilbijartinan a Lîsta 275ê ya PDKê ji bo kandîdên Kerkûk û Bexdayê li Hewlêrê hat kirin.

Di gotara xwe de, Mesrûr Barzanî got: "Ez pêşwaziyeke germ li xelkê Kerkûka têkoşer û dilê Kurdistanê dikim. Spas ji bo xweragiriya we, spas ji bo bîhnfirehiya we û spas ji we re ku tevî hemû zilm û stemkariya ku li we hatiye kirin, hîn jî xwîna we zer e û dilê we ji bo Kurdistanê lê dide."

Cîgirê Serokê PDKê amaje jî da:“PDK ne tenê berevaniyê ji Kurdan dike, lê herwesa berevaniyê ji Ereb, Tirkmen û hemî pêkhateyên din ên Iraqê jî dike.”

Herwesa got: "Divê rêya birêvebirinê li Bexdayê bê sererastkirin û mafên hemî pêkhateyên Iraqê bi wekhevî bên dabînkirin."

Mesrûr Barzanî eşkere jî kir: “Mixabin, em dibînin ku şert û mercên jiyana xelkê bajarên Iraqê pir dijwar in. Li Bexdayê wekî pêdivî dahat û çavkaniyên xwezayî nehatine birêvebirin û xizmet bi wekhevî ji welatiyan re nehatine pêşkêşkirin.”

Mesrûr Barzanî di gotara xwe de piştgiriya xwe ji bo daxuyaniya Cîgirê din ê Serokê PDK'ê Nêçîrvan Barzanî, ya ji bo bidestxistina yek milyon dengî nîşan da û got: "Bêguman, wek birayê min ê ezîz Nêçîrvan Barzanî got, em dikarin di hilbijartinên vê carê yên parlamentoya Iraqê de yek milyon dengî bidest bixin."