Dihokê-KDP.info: îro (Duşem, 13ê Cotmeha 2025ê)  bi amadebûna Mesrûr Barzanî, li Dihokê, Bangeşeya Partiya Demokrat a Kurdistanê (PDK) ji bo hilbijartinên Parlamentoya Îraqê dest pê kir.

Mesrûr Barzanî , Cîgirê Serokê Partiya Demokrat a Kurdistanê (PDK) di nav ahenga piştgirîkirin û biserxistina lîsta hejmar 275 ya PDKê de got: “Ez gelek dilxweş im ku piştî saleke ji hilbijartinên Parlamentoya Kurdistanê ez dîsa bi we şa dibim, Ez hêvîdar im ku wekî her car lîsta 275ê ya Partiya Demokrat a Kurdistanê (PDK) serkeftineka mezin tomar bike".

Herwesa ragihand: “Bi piştevaniya Xudê bi piştevaniya Pêşmerge û kadroyên rastgo yên PDKê û rêbaza Barzanî, em piştrast in ku em dê vê carê jî bi serbikevin, lê divê em mezintirîn serkeftin li ser asta Iraqê tomar bikin.”

Amaje jî da: “Ew kandîdên ku hatine hilbijartin xûşk û biraêyn we ne. Ez li wê bawerê me ku ew dê bi baştirîn awa berevaniyê ji Mafên xelkê Kurdistanê bikin. Ez hêvîdar im serkeftî bin.”

Herwesa got: “Aliyên din bizavê dikin ku li şûna PDKê biçin Bexdayê û postên girîng ên hikûmetê an Encûmena nûneran werbigirin. Me jî gelek dît ku heke PDKê li cihekî nebe û hin aliyên din biçin wî cihî û nûnerîtoiya xelkî bikin, hingê Mafên xelkê Kurdistanê hatine binpêkirina.”

Di beşeke din a axaftina xwe de, Mesrûr Barzanî bal kişand ser kûrahiya pirsgirêkên bi Bexdayê re û got: "Gelek xalên destûrî hene ku nehatine cîbicîkirin. Pirsgirêka me ne pirsgirêka mûçeyê ye, pirsgirêka me nasnameya neteweyî ye, statuya Kurdistanê ye, mafên gelê Kurdistanê ye û pirsgirêka pêkvejiyanê ye. Em şanaziyê bi wê yekê dikin ku Kurdistan mînaka pêkvejiyana hemû ol û neteweyan e."