ھەولێر-KDP.info- بە نوێنەرایەتی سەرۆک مەسعود بارزانی، هێمن هەورامی بەشداریی ڕۆژی لە دایکبوونی شا و ڕۆژی نیشتمانیی ھۆڵەندای لە ھەولێر کرد.
ئێوارەی ئەمڕۆ یەکشەممە ٢٧ی نیسانی ٢٠٢٥، هێمن هەورامی، ئەندامی مەکتەبی سیاسی پارتی دیموکراتی کوردستان، لە شاری ھەولێر، بە نوێنەرایەتی سەرۆک بارزانی بەشداریی لە ڕێوڕەسمی کونسوڵخانەی گشتیی ھۆڵەندا کرد کە بەبۆنەی ڕۆژی لە دایکبوونی شا ویلیەم ئەلێکساندەر، پادشای ھۆڵەنداو ڕۆژی نیشتمانیی ئەو وڵاتە ڕێکخرا بوو.
لە ڕێوڕەسمەکەدا کە بە ئامادەبوونی مەسروور بارزانی سەرۆکی حکوومەتی ھەرێمی کوردستان بەڕێوەچوو، هێمن هەورامی پیرۆزبایی گەرمی سەرۆک بارزانی بە کونسوڵی گشتی ھۆڵەندا و لە ڕێگای بەڕێزیشانەوە بە گەل و حکوومەتی ھۆڵەندا گەیاند.
