تاران-KDP.info- پارێزگاری ھەولێر بەسەردانێکی فەرمی گەیشتە تارانی پایتەختی ئێران و بڕیارە لەگەڵ ھەریەک لە پارێزگارەکانی تاران، قەزوین، زنجان، ئازربایجانی ڕۆژئاوا - ئورمییە کۆببێتەوە.
ئێوارەی ئەمڕۆ یەکشەممە، ٢٠٢٥.٤.٢٧، ئومێد خۆشناو، پارێزگاری ھەولێر، گەیشتە فڕۆکەخانەی نێودەوڵەتیی ئیمام خومەینی لە تاران و لەلایەن نوێنەری وەزارەتی دەرەوە و نوێنەری وەزارەتی ناوخۆی ئێران و جێگری پارێزگاری تاران و ژمارەیەکی تر لە بەرپرسانی باڵای وڵاتەکە بەگەرمی پێشوازیی لێکرا.
وا بڕیارە پارێزگاری ھەولێر و شاندی یاوەری کە پێکھاتووە لە شاکر حسێن، بەرپرسی پەیوەندییەکانی ھەرێمی کوردستان و کۆماری ئیسلامی ئێران و مەسعود باتلی، بەرپرسی کۆمەڵگای سنووری نێودەوڵەتی حاجی ئۆمەران، لە چوارچێوەی سەردانەکەی بۆ ئێران، جگە لە بەشداریکردنی لە پێشانگای نێودەوڵەتی (ئێران- ئێکسپۆ ٢٠٢٥) بە جیا لەگەڵ ھەریەک لە پارێزگارانی( تاران، قەزوین، زنجان، ئازربایجانی ڕۆژئاوا - ئورمیە) کۆببێتەوە.
