ھەولێر-KDP.info- سەرۆکی حکوومەتی ھەرێمی کوردستان، ئێوارەی ئەمڕۆ بەشداریی ڕۆژی لەدایکبوونی شا و ڕۆژی نیشتمانیی ھۆڵەندای لە ھەولێر کرد.
ئێوارەی ئەمڕۆ یەکشەممە ٢٧ی نیسانی ٢٠٢٥، مەسروور بارزانی، سەرۆکی حکوومەتی ھەرێمی کوردستان، لە شاری ھەولێر، بەشداریی لە ڕێوڕەسمێکی کونسوڵخانەی گشتیی ھۆڵەندا کرد کە بەبۆنەی ڕۆژی لەدایکبوونی شا و ڕۆژی نیشتمانیی ئەو وڵاتە ڕێکخرا بوو.
سەرۆکی حکوومەت پیرۆزبایی لە ئەدریان ئایسلستین کونسوڵی گشتیی ھۆڵەندا و ستافی کونسوڵخانە کرد و ھیوای سەرکەوتنی لە پێناو زیاتر پەرەپێدانی پەیوەندیی دوولایەنە بۆ خواستن.
