هەولێر-KDP.info- سەرۆکی هەرێمی کوردستان، سەرەخۆشی لە خانەوادەی حاجی میرخان دۆڵەمەری دەکات کە ئێوارەی ئەمڕۆ بە رووداوی هاتووچۆ گیانی لەدەستدا.
دەقی پرسەنامەی سەرۆکی هەرێمی کوردستان:
پرسه و سه‌ره‌خۆشى له خانه‌واده‌ى که‌سایه‌تیی دیار، پێشمه‌رگه و تێكۆشه‌ر، به‌رپرسی ده‌زگای ئه‌یلوول و گوڵان له سۆران، حاجی میرخان دۆله‌مه‌ری ده‌كه‌م كه به‌داخه‌وه ئه‌مڕۆ به‌هۆی رووداوێكی هاتوچۆوه گیانی له‌ده‌ست دا.
هاوسۆز و هاوخه‌می خانه‌واده‌ی به‌ڕێزیان و كه‌سوكار و هاوڕێیان و هاوكارانى خوالێخۆشبووم، له خواى مه‌زن داواكارم گیانى به به‌زه‌یى و میهره‌بانیى خۆى شاد بكات و ئارامى و دڵنه‌وایى به هه‌مووان ببه‌خشێت.
نێچیرڤان بارزانى
سه‌رۆكى هه‌رێمى كوردستان
23/3/2025