Husên Qayidî

Di çarçovê pêşkeftinên teknelojiya serdem da û çax û demê jimaran ku nuke jiyan têda dibort, malperên elektronî jî mil bi milê wan di nava jiyanê da domê diken, her di vê semt û arasteyê da peyama xo ya rasterê di gehîne cemawerî û welatîyan, li demekî li ser astên navxo û nîvdewletî jî bngehînin.

Hebûna malperekê wek yê Partî Dîmokratî Kurdistan dîtina mewdayekê kûrtir yê bercestekrna snorên karakirina rol û pêgehê siyasî û rewşenbirî yê partî diyar diket ku her ji damezrandina xo û ta nuke jî ew bi binemayê berfirehkirina hizra xo ya dûr dîtin diyarkriye.

Her ji damezrandina Partî Dîmokratî Kurdistan li sala 1946ê li ser destê hizrmendê meznê kurd Barzaniyê nemir û ta nuke rolê here berçav yê rojnamevanî û bizava rewşenbirî li gel şorş û bizava rizgarîxwazîya kurdî hatîye pêş û di çarçovê navxo û derve da û gelek caran jî bûye ziman bo bnemayên azadî û dadperwerîya komelayetî û pitirîya caran jî li demê şorşê li gel bayê hêrşan li dijî dîktatorîyetê livîye û her qelemekê li perrek yan rojnameyekê dinivisî daxwaza azadîya kurdan û kurdistana serbexo kriye.

Hebûna malperê Partî Dîmokratî Kurdistan pêngaveka stratîjî û armancgire bo asankrna gehandina zanyariyên hizrî û ecêndayên grêdayî partî bi xo û hevdem baştirkrna berbelavkirna nûyatiyê di nava wê partiyê bi xo da û dîsa jî vedîtin û rengvedanên caddeyê siyasî û hizrî ya partî jî êk ji xalên here serekî yên vî malperî bûye her ji damezrandinê û ta nuke.

Ji gehandina peyamên lasilkîyan û ta nuke bûye jimarên elektronî û teknelojiya serdem û modernyetê, partî herdem xudan dîtneka cuda bûye û ev malpere jî her êk ji wan dîtnan bûye ku şiyaye kar û bizav û ked û xebata xo pê diyar biket.

Zêdebarî diyarkrna kawdanên navxo û derve dergehekê mezin jî li hembirî çavdêr û nivîser û hizrmendan vekriye, dîtnên cuda bi şêweyekê êkser parve bken û her ev yeke bûye binemayê serekî ku cemawer û hem jî ragehındına dî bi zimanhal bo partî li hindek deman bizanît.

Hebûna malperekê bi vî awayî ne tenê  ji rûyê teknîkî ve belku bo dîtna paşerojê û baştirkrna pêngavên azadiyê rolekê serekî di gêrît û pîrozbahiyê li heval û hevkarên xo yên nava vî malperî di kem ku xo bxêzaneka dewlemend û mezin diyarkriye û dê her ew xêzan jî mînît ku em jî pşkekin ji wê.

Şîretkar li serokatîya herêma Kurdistanê