هه‌ولێر-KDP.info- شارەزایەكی پەیوەندییە نێودەوڵەتییەكان دەڵێت، سەرۆكی هەرێمی كوردستان و سەرۆكی حكوومەتی هەرێمی كوردستان، كۆبوونەوەی گرنگیان لەگەڵ سەرۆك و وەزیر و بەرپرسانی باڵای ئەوروپا و ئەمریكا و عەرەب هەبوو دەشڵێ، جیهان لەوە تێگەیشتووە كە دەبێت پرسی كورد چارەسەر بكرێت.
جەلیل ئازادی خواز، شارەزایی پەیوەندییە نێودەوڵەتیەكان، بۆ ماڵپەڕی فەرمیی پارتی دیموكراتی كوردستان گوتی، "كوردستان وەك فاكتەرێكی ئاسایشی ناوچەكە و جیهان سەیردەكرێت، دیپلۆماسییەتی كوردستان ڕۆژ بە ڕۆژ گەشە دەكات، هەوڵدەدات كاریگەری خۆی دابنێت لەسەر ڕوداوە جیهانییەكان و ناوچەیەكان".
ئازادی خواز لەبارەی کۆبوونەوەکانی ئاسایشی میونشن و دوبەی گوتی، "كۆبونەوەی ئاسایشی میونشن و دوبەی، كە لە میونشن سەرۆكی هەرێمی كوردستان لەگەڵ سەركردەی هێزەگەورەكانی جیهان تێڕوانینی تایبەتی خۆی بۆ كوردستان و ڕۆڵ و كاریگەری لە ناوچەكە و جیهان باس كردووە، هاوكات وەزیرانی دەرەوەی ئەمریكا و فەڕەنسا و سكرتێری ناتۆش، لەگەڵ بەشێكی زۆری بەرپرسانی باڵای ئەوروپاش، پرسی كۆبونەوەكان دوو خاڵی گرنگ بوون، خاڵی یەكەم ئاسایشی كوردستان و خاڵی دووەم پرسی كورد، لە كۆبونەوەكانی سەرۆكی هەرێم پشتیوانی دەوڵەتان بۆ بەهێزكردن و پشتیوانی كوردانی قەوارەی دەستووری كوردستان دووپات كراوەتەوە.
ئەو شارەزایەی پێوەندییە نێودەوڵەتیەكان زیاتر گوتی، "فایلی كوردستان لەسەر ئاستی كوردستانی گەورە بەگشتی باسی لێدەكرێت، پرسی سووریا دەوڵەتانی یەكێتیی ئەوروپا بەشداردەبن لە داڕشتنەوەی سیاسەتی تازەی سووریا، دەیانەوێت كورد فاكتەرێكی كاریگەربێت و جێگای تایبەتی خۆی هەبێت، لە كۆبونەوەكانی سەرۆكی هەرێمی كوردستان، داوای كردووە كورد جێگای شیاوی خۆی پێبدرێت".
جیهان هاتووەتە ئەو بڕوایەی بەبێ چارەسەری پرسی كورد لە ڕۆژهەڵاتی ناوەڕاست مومكین نییە قەیرانەكان چارەسەرببن، كە بێگومان كاریگەری لەسەر جیهانیش دەبێت، ئەویش پرسی ئاشتی باكووری كوردستان و پرسی كورد لە سووریای نوێ، جەلیل ئازادی خواز وای گوت."
ئاماژەی بۆ ئەوەشكرد، "كۆبونەوەكانی دوبەی و جیهانی عەرەبیش كاریگەریان دەبێت بەتایبەتی كۆمەڵێك دەوڵەتی عەرەبی كاریگەریان دەبێت لەسەر داڕشتنەوەی سیاسەتی نوێ سووریا، خۆشبەختانە سەرۆك وەزیرانی كوردستان، لە دوبەی دیداری گرنگ و چڕی هەبوو لەگەڵ سەرۆك و وەزیر و بەرپرسانی باڵای عەرەبی، باسی گرنگی هەرێمی كوردستان و كوردستانی سووریا كران، ئەوەش پێمان دەڵێ كە قۆناخێكی نوێی كورد دەستی پێكردووە و هەنگاوێكی گەورە هەڵدەگرین بۆ چارەسەر كردنی كێشەكانمان، سەركردەكانی كوردستانیش ڕۆڵی گرنگ دەبینن لە مێوشن و دوبەی وەك بینییمان".
عەزیز ڕەسووڵ