وەڵامێك بۆ نەسیحەتەكانی م. عەلی باپیر

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 11 FEB 2025 19:06 | KDP.info

بەڕێز م. عەلی باپیر زۆر سوپاس بۆ نەسیحەتەكانت كە لە پۆستێكی فەیسبووكی خۆت لە ئێوارەی 11ی شوباتی 2025ـدا بڵاوت كردووەتەوە. بەڵام دەبوایە هێندەك بە ئینسافەوە بدوێیت، بەڕێزت یەكێك لەوانەی زۆر چاك شارەزای پارتیت و دەزانی پارتی چیی بۆ ئەم وڵاتە كردووە. پارتی هەمیشە لەگەڵ ئەوەدا بووە گەلی كوردستان بە سەربەرزی بژییت و لەو پێناوەدا تێكۆشاوە و خوێنی داوە و مێژوویەكی ڕووناك و دوورودرێژی لە خەبات و تێكۆشان و دەستكەوتی گەورە هەبووە و لە داهاتووشدا دەیبێت. پارتی خۆی بەرپرسیار دەزانێ لە چارەنووسی گەلی كوردستان و لە دەیان وێستگەدا لەپێناو بەرژەوەندییەكانی گەلی كوردستان و لەپێناو تەبایی و ئارامی و پێكەوەییدا لە مافی خۆی خۆش بووە و هەردەم باجی هەڵوێست و بەرپرسیاریێتییەكانی داوە و بووەتە ئامانجی تیری ناحەزانی گەلی كوردستان. پارتی شانازی بەم بەرپرسیارێتییەوە دەكات و لە سەنگەری پێشەوەی پاراستن و بەرگرییكردن بووە لە كوردستان و ئەمەی بە كردەوە سەلماندووە.

باسی ستەملێكراو و مووچەتان كردووە، لە بەڕێزتان دەپرسین ئایا ڕۆژێك لە ڕۆژان پرسیارتان كردووە كێ قووت و مووچەی خەڵكی كوردستانی بڕیوە و بۆچی ڕۆژێك لە ڕۆژان هەڵوێستتان لەبەرانبەر ئەو زوڵم و نانبڕین و دوژمنكارییە نەبووە كە دژی گەلی كوردستان بەڕێوەچووە؟ لەو ستەمەی كە لە خەڵكی كوردستان كراوە نەك تەنیا سلێمانی بەڵكو هەولێر و دهۆك و گەرمیان و بارزان و بادینان و هەڵەبجە و سەرتاسەری كوردستان بەر ئەو ستەمكاری و پێشێلكارییە كەوتوون. نانبڕین و ستەمكارییەكە جگە لە مامۆستا بەڕێزەكان، خانەوادەی شەهیدان و ئەنفالكراوان و بریندار و پێشمەرگە قارەمانەكان و منداڵی ناو بێشكە و سەرجەم چینوتوێژەكانی كوردستان گرتووەتەوە و نەمانبینی ڕۆژێك لە ڕۆژان هەڵوێستتان هەبێ لەسەر ژیانی پێشمەرگە و خانەوادەی شەهیدان كە خۆیان فیدای كورد و كوردستان كردووە. ڕۆژێك لە ڕۆژان نەمانبینی ئینسافتان هەبێت و عادل و بوێر بن و پەنجە لەسەر ڕاستیەكاندا بنێن و بڵێن كێ لە پشتەوەی بڕینی قووت و مووچەی خەڵكی كوردستانە.

خەڵكی كوردستان بە هەموو چینوتوێژەكانەوە مافی خۆیانە داواكارییان هەبێت بەڵام هیچ كات لەگەڵ تێكدان و ئاژاوە نین و لەگەڵ ئەوەش نین هەندێ لایەن یاری بە هەست و سۆزیان و چارەنووسی وڵات بكەن، حەز دەكەین بەڕێزیشت لەوە دڵنیا بن كە پارتی لە هەموو بارودۆخێكدا خۆی بە بەرپرسیار دەزانێت و مومكین نیە ڕێگە بە تێكدان و یاریكردن بە چارەنووسی گەلی كوردستان بدات.

سەرچاوەیەكی ڕۆژنامەوانی لە پارتی دیموكراتی كوردستان

11ی شوباتی 2025

دوایین هەواڵەکان

پارتی هاوخەمیی خۆی بۆ کۆچی دوایی لۆرد جێفری ئارچەر، دۆستی دێرینی گەلی کوردستان ڕادەگەیەنێت

TUESDAY, 06 OCTOBER 2026 21:10:24

هەولێر-KDP.info- مەکتەبی پەیوەندییەکانی دەرەوەی پارتی دیموکراتی کوردستان، پەیامێکی سەرەخۆشی بۆ کۆچی دوایی لۆرد جێفری ئارچەر، نووسەر و پەرلەمانتاری دیاری بەریتانی و دۆستی دێرینی گەلی کورد بڵاو کردەوە و ستایشی ڕۆڵی مێژوویی ناوبراو لە پاڵپشتیکردنی مافەکانی گەلی کوردستاندا دەکات.

مەکتەبا ڕێکخستنا پارتی ل بەھدینان سالیادا دوو بیرەوەریێن مەزن و دیرۆکی ساخکر

TUESDAY, 06 OCTOBER 2026 21:10:00

دهۆک-KDP.info- ئەڤرۆ، ٦ێ چریا ئێکێ ٢٠٢٦، ل بارەگایێ مەکتەبا ڕێکخستنا پارتی دیموکراتی کوردستان ل بەھدینان، ب چالاکیەکا تایبەت، سالیادا ڤەگەڕیانا بارزانیێ نەمر ژ ئێکەتیا سۆڤیەت و ڤەگەڕاندنا ڕوفاتێن پیرۆزێن (بارزانیێ نەمر و کاک ئیدریسێ جانەمەرگ) بۆ ئاخا پیرۆزا کوردستانێ ھاتە ساخکرن. تەوەرێن چالاکیێ

بەرپرسی بەشی ڕۆشنبیری و ڕاگەیاندنی پارتی سەردانی نووسەر و سینەماکار فەرزین کەریمی کرد

TUESDAY, 06 OCTOBER 2026 20:10:00

ھەولێر-KDP.info- د. سالار عوسمان، بەرپرسی بەشی ڕۆشنبیری و ڕاگەیاندنی پارتی دیموکراتی کوردستان، بە یاوەریی ژمارەیەک لە ھەڤاڵانی بەش، سەردانی نووسەر و سینەماکار فەرزین کەریمی کرد.

سەرۆک بارزانی پێشوازی لە وەزیری گەیاندنی عێراق دەکات

TUESDAY, 06 OCTOBER 2026 16:10:29

ھەولێر-KDP.info- ڕۆژی سێشەممە 6ی تشرینی یەکەمی 2026 سەرۆک مەسعود بارزانی لە پیرمام پێشوازی لە بەڕێز مستەفا سەنەد وەزیری گەیاندنی عێراق و شاندی یاوەری کرد.

پسپۆڕێكی مێژوو: گه‌ڕانه‌وه‌ی بارزانیی نه‌مر له‌ یەکێتیی سۆڤیه‌ت چه‌ندین ده‌ستكه‌وتی هه‌بوو

TUESDAY, 06 OCTOBER 2026 16:10:58

هه‌ولێر-KDP.info- له‌ ڕۆژێكی وه‌ك ئه‌مڕۆدا و لە 6ی ئۆكتۆبه‌ری ساڵی 1958، بارزانیی نه‌مر له‌ یه‌كێتیی سۆڤیه‌تی پێشوو گه‌ڕایه‌وه‌ کوردستان، پسپۆڕێكی مێژووی کوردستان و عێراقیش ده‌ڵێ، "گه‌ڕانه‌وه‌ی بارزانیی نه‌مر له‌ سۆڤیه‌تی پێشوو، چه‌ندین ده‌ستكه‌وتی هه‌بوو و بووە مایەی بووژاندنەوەی خەباتی ڕزگاریخوازی گەلی کورد و پەرەپێدانی هەستی نەتەوایەتی".

سەرۆک بارزانی لە چاوپێکەوتنێکی تایبەتدا لەگەڵ کەناڵی (شەرقییە) باس لە کۆمەڵێک پرسی گرنگ و هەستیار دەکات

ھەولێر-KDP.info- سەرۆک مەسعود بارزانی، لە چاوپێکەوتنێکدا لەگەڵ کەناڵی شەرقییە شیکارییەکی قووڵی بۆ دۆخی سیاسی و ئەمنیی عێراق، مافە دەستوورییەکانی گەلی کوردستان، جەنگی ئەمریکا و ئێران و ئاییندەی ناوچەکە خستەڕوو.

پەیامی سەرۆك بارزانی لە ساڵیادی هەڵگیرساندنی شۆڕشی ئەیلوول

هەولێر-KDP.info- بە بۆنەی شەست و پێنجەمین ساڵیادی هەڵگیرسانی شۆڕشی مەزنی ئەیلوول، سەرۆک مەسعود بارزانی پەیامێکی ئاراستەی جەماوەری کوردستان و خەباتکارانی ڕێبازی نیشتمانی کرد و تێیدا جەختی لەوە کردەوە کە شۆڕشی ئەیلوول هەڵقوڵاوی ئیرادە، باوەڕبەخۆبوون و شکۆی مرۆڤی کوردستانی بوو.

پەیامی سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان و عێراق هەیە.