هەولێر-KDP.info- ئەمڕۆ چوارشەممە، 5ی 2ی 2025، ئەنجوومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی ئەنجوومەنی وەزیران و بە ئامادەبوونی قوباد تاڵەبانی، جێگری سەرۆكی ئەنجوومەنی وەزیران كۆ دەبێتەوە و سێ بڕگە تاوتوێ دەكات.

لە بڕگەی یەکەمی كۆبوونەوەكەدا لە پێنج خاڵدا بارودۆخی دارایی و مووچە تاووتوێ دەكرێت كە بریتین لە:

1- ڕێکخستنەوەی باری دارایی و داهات و خەرجییەکان و میلاک و بواری وەزیفیی گشتیی.

2- پەسەندکردن و پابەندبوون بە میلاکی سەرجەم مووچەخۆرانی حکوومەتی هەرێمی کوردستان (بە ژمارە و پلە و خەرجی) بۆ ساڵی دارایی 2025.

3- پەسەندکردنی ڕێکاری گواستنەوەی خانەنشینانی پێشمەرگە و سەربازی و هێزەکانی ئاسایشی ناوخۆ و شایستەکانی کەسوکاری شەهیدان و ئەنفالکراوان بۆ سەر بەڕێوەبەرایەتیی گشتیی خانەنشینیی وەزارەتی دارایی.

4- پابەندبوون بە سنووری دیاریکراوی خەرجییەکانی بەکاربردن و وەبەرهێنان.

5- بە ئەلیکترۆنیکردنی لیستەکانی مووچە و تەرازووی پێداچوونەوە.

لە بڕگەی دووەمدا ئەنجوومەنی وەزیران پێشوازی دەكات لە پەسەندکردنی ئەنجوومەنی نوێنەران لە یاسای هەمواری ماددەی 12 لە یاسای بودجەی گشتیی فیدڕاڵ تایبەت بە هەناردەکردنەوەی نەوتی هەرێمی کوردستان.

لە بڕگەی سێیەمدا ڕێکخستنەوەی داهاتی ناوخۆ و بەشی وەزارەتەکان لە داهات و ناردنی بەشی گەنجینەی فیدڕاڵ گفتوگۆ دەكرێت.