Hewlêr-KDP.info- Serok Mesûd Barzanî di hevpeyvîneke taybet a li gel kanala Sky News a erebî de ragihand, bi rakêşana Iraqê bo nav şerê naha yê li Rojhilata Navîn dê ziyanên mezin bibîne.
Di hevpeyvîneke taybet a li gel Sky News a erebî de Serok Mesûd Barzanî diyar kir berdewambûna şer bo şer li Rojhilata Navîn heye û daxwaz ji hemû aliyan kir aştiyê hilbijêrin.
Herwaha diyar kir, di berjewendiya kurdan de nîne peywendiyên li gel Îran an jî Tirkiyê aloz bikin. Barzanî got, peywendiyên li gel herdu aliyan jî asayî ye û diyar kir: ‘’Lê em rê nadin ti kesek destwerdanê di karûbarên me de bike.’’
Serok Barzanî amaje bi wê yekê jî kir ku cudayiyên mezin di navbera opozîsyona li Îran û opozîsyona li Tirkiyê heye û got: ‘’Opozîsyona Îranê destwerdanê nake li karûbarên Iraqê û rênîşaniyan cîhbicîh dike. Lê PKK destwerdanê dike û guh nade ti rênîşaniyekî
Derbarê rewşa navxwe de jî Serok Barzanî got, DAIŞ hîn metirsiyekî cîdî ye. ‘’Vekêşandina hêzên hevpeymanan bê ku artêşa Iraqê amade be, pirsgirekekî mezine. Ji ber Iraq dê rastî lewaziyekî rasteqîn bê bi taybet li hêzên esmanî.’’
Serok Barzanî diyar kir: ‘’Peywendiyên navbera Kurdistana Iraq û navend li Bexdayê baş e. Çend pirsgirêk hene heta niha jî gotûbêj li ser tên kirin, bi taybet jî beş û pişka Herêma Kurdistanê ya li petrolê tên gotûbêj kirin.’’