سەرۆك بارزانی پێشوازی لە باڵیۆزی ئەمەریكا لە عێراق دەكات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

MON, 4 NOV 2024 15:41 | KDP.info

ھەولێر-KDP.info- ڕۆژی دووشەممە 4ی تشرینی دووەمی 2024 لە سەلاحەددین سەرۆك مەسعود بارزانی پێشوازی لە خاتوو ئەلینا ڕۆمانوسكی باڵیۆزی ئەمەریكا لە عێراق كرد.

لە دیدارەكەدا كە بەڕێز ستێڤ بیتنەر كونسوڵی گشتیی ئەمەریكا لە هەولێریش ئامادەی بوو، باڵیۆزی ئەمەریكا لە عێراق پیرۆزبایی سەركەوتنی هەڵبژاردنی بیستی ئۆكتۆبەری ڕابردووی پەرلەمانی كوردستانی لە سەرۆك بارزانی كرد و جەختیشی لەوە كردەوە كە بەڕێوەچوونی هەڵبژاردنی پەرلەمانی كوردستان لە كەشێكی دیموكراسیانە و ئارامدا و لەو بارودۆخە ئاڵۆزەی ناوچەكە پێیدا تێدەپەڕێ، وێنەیەكی شاییستەی هەرێمی كوردستانی پێشانی هەموو لایەك دا.

لای خۆیەوە سەرۆك بارزانی سوپاسی كۆمەڵگەی نێودەوڵەتی و كۆمیسیۆنی باڵای هەڵبژاردنەكان كرد كە سەرباری بوونی كۆمەڵێك كێشەی تەكنیكی بەڵام ڕۆڵی بەرچاویان لە سەركەوتنی هەڵبژاردنی پەرلەمانی كوردستاندا هەبووە. لە بەشێكی تری ئەو دیدارەدا باس لە هەنگاوەكانی پێكهێنانی حكوومەتی تازەی هەرێم و دانوساندنی نێوان لایەنەكان كرا و سەرۆك بارزانی هێمای بەوە دا كە پارتی تیمێكی بۆ گفتوگۆ لەگەڵ لایەنەكان لەسەر پێكهێنانی حكوومەت و ئەجێندای حكوومەتی داهاتوو پێكهێناوە و ڕاشیگەیاند كە پارتی ڤیتۆی لەسەر هیچ لایەنێك نییە.

هەر لەو كۆبوونەوەیەدا ڕۆشنایی خرایە سەر بارودۆخی سیاسی و ئەمنیی ناوچەكە و دوایین پێشهاتەكانی ڕۆژهەڵاتی ناوەڕاست و هەروەها بیروڕا لەبارەی پڕۆسەی سیاسیی عێراق و هەڵبژاردنی سەرۆكی نوێی ئەنجوومەنی نوێنەرانی عێراق ئاڵوگۆڕ كرا.

دوایین هەواڵەکان

سەرۆکی هەرێمی کوردستان سوپاسى کونسوڵی گشتیی ئەڵمانیا دەکات

TUESDAY, 04 AUGUST 2026 17:08:44

ھەولێر-KDP. info- پاشنیوەڕۆی ئەمڕۆ سێشەممە 2026/8/4، بەڕێز نێچیرڤان بارزانی، سەرۆکی هەرێمی کوردستان، بە بۆنەی کۆتاییهاتنی ئەرکەکەیەوە (وەک کونسوڵی گشتیی ئەڵمانیا لە هەرێمی کوردستان، پێشوازیی لە بەڕێز ئالبرێشت فۆن ڤیتکە، کرد.

فراکسیۆنی پارتی لە کەرکووک: سەرۆکایەتیی چەند لیژنەیەک وەردەگرین

TUESDAY, 04 AUGUST 2026 17:08:41

كه‌ركووك -KDP.info- سه‌رۆكی فراكسیۆنی پارتی له‌ ئه‌نجوومه‌نی پارێزگای كه‌ركووك ده‌ڵێ "پلانمان هه‌یه‌ بۆ خزمه‌تكردنی كه‌ركووك و له‌ كۆبوونه‌وه‌ی داهاتووی ئه‌نجوومه‌ن چه‌ند لیژنه‌یه‌ك وه‌رده‌گرین."

هێمن هەورامی و کونسولی بەریتانیا دۆخی سیاسیی هەرێم و عێراقیان تاوتوێ کرد

TUESDAY, 04 AUGUST 2026 16:08:31

پیرمام-KDP.info- ئەمڕۆ سێشەممە ٤ی ئابی ٢٠٢٦، لە پیرمام، دکتۆر هێمن هەورامی، ئەندامی مەکتەبی سیاسی و بەرپرسی بەشی ڕێکخستنی پارتی دیموکراتی کوردستان، پێشوازی لە هۆڵی ڤێر، کونسولی گشتیی نوێی بەریتانیا لە هەرێمی کوردستان کرد

تایبەت بە KDP.info: قه‌یرانی دارایی له‌ عێراق كاتییه‌ و چاره‌سه‌ر ده‌كرێت

TUESDAY, 04 AUGUST 2026 15:08:46

به‌غدا -KDP. info- ڕاوێژكاری ئابووری سه‌رۆكوه‌زیرانی عێراق ده‌ڵێت "هه‌رچه‌نده‌ عێراق قه‌یرانی دارایی هه‌یه‌، به‌ڵام ئه‌و گرفته‌ی مووچه‌ كاتییه‌ و چاره‌سه‌ر ده‌كرێت، هۆكاری ئه‌و قه‌یرانه‌ش بۆ ئەو ئاڵۆزیانە دەگەڕێتەوە کە له‌ ناوچه‌كه‌ هه‌یه‌، چونكه‌ داهاتی عێراق له‌سه‌ر نه‌وته‌ و هه‌ركاتێك هه‌نارده‌ی نه‌وت ڕابگیرێت ئه‌و گرفته‌ دروست ده‌بێت."

سەرۆکی هەرێم لە ساڵیادی دەزگای خێرخوازیی بارزانی: هیوای سەرکەوتن و بەردەوامیتان بۆ دەخوازم

TUESDAY, 04 AUGUST 2026 12:08:45

هەولێر-KDP.info- سەرۆکی هەرێمی کوردستان، نێچیرڤان بارزانی، بەبۆنەی ۲۱ـەمین ساڵیادی دامەزراندنی دەزگای خێرخوازیی بارزانی پەیامێکی پیرۆزبایی ئاراستەی سەرۆک و کارمەندانی دەزگاکە کرد. لە پەیامەکەیدا دەستخۆشی لە هەوڵ و خزمەتەکانیان کرد لە هاوکاریکردنی لێقەوماوان لە ناوخۆ و دەرەوەی هەرێمی کوردستان.

پەیامی سەرۆک بارزانی لە ساڵیادی بۆردومانکردنی قەڵادزێ و زانکۆی سلێمانی

ھەولێر-KDP.info- ڕۆژی هەینی 24ی نیسانی 2026 سەرۆک مەسعود بارزانی لە پەنجا و دووەمین ساڵیادی بۆردومانکردنی قەڵادزێ و زانکۆی سلێمانی لە تۆڕی کۆمەڵایەتی ئێکس پەیامێکی بڵاوکردەوە.

دەقی پەیامی سەرۆک بارزانی؛

پەیامی سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا

ھەولێر-KDP.info- سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا پەیامێکی راگەیاند ئەمە دەقەکەیەتیی:

پەیامێک لە سەرۆک بارزانییەوە

ھەولێر-KDP. info- ڕۆژی هەیینی، 10ی نیسانی 2026، سەرۆک مەسعود بارزانی پەیامێکی لە بارەی پرسی هەڵبژاردنی سەرۆک کۆماری عێراق لە تۆڕی کۆمەڵایەتی ئێکس بڵاوکردەوە.