ھەولێر-KDP.info- لە فەرمانێکی ھەرێمیدا کە چوارشەممە ٢٠٢٤/١٠/٣٠ دەرچووە، نێچیرڤان بارزانی، سەرۆکی ھەرێمی کوردستان، بڕیاری ھێنانەکایەی ھەرسێ ناحیەی (شاریا، مسێریک و تەناھی) لە سنووری پارێزگای دھۆک، دەرخست.
ئەم فەرمانەی بەڕێز سەرۆکی ھەرێمی کوردستان، پاڵپشت بە یاسای سەرۆکایەتی و لەبەر ڕۆشناییی نووسراوێکی سەرۆکایەتیی ئەنجوومەنی وەزیران، بەپێی یاسای پارێزگاکانی ھەرێمی کوردستان دەرچووە و لە ڕۆژی ئیمزاکردنییەوە، جێبەجێ دەکرێت.
ھێنانەکایەی ئەو سێ ناحیە تازەیە لە سنووری پارێزگای دھۆک، دەبێتە ھۆی فراوانکردن و برەودانی زیاتر بە خزمەتگوزاریی گشتی و پێشکەشکردنی ئاسانکاریی زیاتری کارگێڕی بۆ ھاووڵاتیانی ئەو سێ ناوچەیە.