فازڵ میرانی
گەل و حیزبە تێکۆشەرەکەمان و بزووتنەوەکانی دیکەی کوردستان بۆ ئەوە ڕانەپەڕیوین بۆ جێبەجێکردنی پڕۆژەی تێکەڵبوونی نەتەوەیی و ئایدۆلۆژی لە بەرژەوەندیی بیرێکی تەسک و ئاسۆیەکی نزم بۆ دروستکردنی دەوڵەتێک یان ڕژێمێکی بەهێز، بەڵکو زیاتر لە حەوت دەیەیە هەموو کاتێک دژی جەنگ بووین و لەگەڵ ئاشتی و ئاگربەستندا بووین، دڵسۆز و پەرۆش بووین بۆ سەلامەتی هزر و کار و ئەو دەرئەنجامانەی، کە پەرتەوازە بوونی بەدوادا دێت چ بەهۆی سەرهەڵدانی نیازەکانییەوە یان بەهۆی لاوازی بابەتییەوە سەرەڕای هەموو هەوڵەکانی ئەوانەی دەرەوەی کوردستان و بەشێک لەوانەی لەناویدا بوون بۆ گەیاندنمان بە خاڵێکی تراژیدی.
ئێمە بە توندی لەبەردەم تەوژمی گوشارەکان وەستاوین پاش ئەوەی هەموو سازشێکمان کرد و ئامادەییمان بۆ هەمو تێگەیشتنێک دەربڕی بۆ ئەوەی مەسەلەی گەلەکەمان قەبارەی سروشتی خۆی لە دەوڵەت و سیستەم و هاووڵاتیبوون وەربگرێت.
لۆژیکی عەقڵانی نییە داوا لە دەرەوەی کوردستان بکەین گرنگی بە بەرژەوەندییەکانی گەلەکەمان بدەن و پشتیوانی لەو قۆناغانەی بکەن، کە تا ئەمڕۆش بەدەستهاتووە بۆ تەواوکردنی پڕۆژەکەمان لە پتەوکردنی قەوارەیەکی چەسپاو، کە شەرعییەتەکەی جێی مشتومڕ نەبێت. ئەمەش لەکاتێک دایە، کە کارکردن لە ناوخۆ و لایەنە ناسراوەکانەوە بەردەوامە، کە پاڵیان پێوەناوە و پاڵیان پێوە دەنێن بۆ زیانگەیاندن بە یەکڕیزیی کوردستان. کوردستان، کە سەرچاوەی ئەو مافەیە کە پراکتیزەی کاری سیاسی لەسەر خاکەکەی دامەزراوە و مشتومڕی لەسەر ئەوە نییە، کە دەبێت تەنیا کێبڕکێ بکات لەسەر خزمەتگەیاندن بە بەرژەوەندییەکانی کوردستان، بەڵکو بۆ گواستنەوەی عێراقە بۆ دیموکراسی بە کردار نەک بە قسە.
مەسەلەی کورد بە هەموو مێژوو و قەبارە و ڕەهەندەکانییەوە و تۆماری قوربانیانی بۆ ئەوەیە، کە بتوانێت یەکەم پەرلەمانی خۆی دابمەزرێنێ، بێگومان ئەمەش بە خوێن و کەللـەسەر و تەمەنی نەوەکانی بنیاتراوە، واتە مەسەلەکە پەیوەندی بە جەماوەرەوە هەیە، چونکە ماڵ ماڵی خەڵکی کوردستانە و ئەم ماڵ و ئەم مەسەلەیە ڕاست نییە دەستکاری بکرێت، هەروەها ویژدانێکی زیندو قبوڵ ناکات، کە مانای خەبات و تێکۆشان و قوربانیدان و خۆنەویستی و ژیان بەخشین بۆ نەوەکانی داهاتووە و هەڕەشە نییە بۆ سەر هیچ لایەنێک.
ئەگەر هەڵمژینی سیاسی و ئەوانی تر بژاردەیەک بێت، کە بە پێچەوانەکەی پەرە پێنەدان بێت، ئەوا بزووتنەوەکە بەرەوپێش دەبەین و هەڵمژین ڕەتدەکەینەوە هەروەک چۆن دەستکاریکردنی مافەکانمان ڕەتدەکەینەوە و وەک میراتێکی هاوبەش دەیخەینەڕوو لەنێوان کۆمەڵە و گریمانەکاندا.
ئێمە قەوارەیەکی یاسایین لە نێو دەوڵەتێکدا، کە هەوڵمانداوە و هەوڵ دەدەین لەسەر ڕێچکەی جیاواز بین لەگەڵ ئەو ڕژێمانەی بە تاوان تۆمەتبارکراون و لەم قەوارەدا پەرلەمان و حكوومەت لە ژێر بوونی سیاسی و حزبیدا بە مەرجێک هەڕەشە لە بنچینەی مافەکە نەکرێت یان دەستکاری نەکرێت.
ماڵی ئێمە بە بوونی ئێمەوە ماوە و بۆ بوونی نەوەکانی داهاتوو بەرگریمان کردووە و بەردمان هەڵکۆڵیوە بۆ وەرگرتنی مافی گەلەکەمان و ئامادەین ئەوەی لەسەرمان داواکراوە بیکەین بۆ پاراستن و هێشتنەوەی نێو ماڵی کورد بە سەلامەتی.
*بەرپرسی دەستەی کارگێڕیی مەکتەبی سیاسیی پارتی دیموکراتی کوردستان