هه‌ولێر -kdp.info- فه‌رمانده‌یه‌كی پێشمه‌رگه ئاماژه بۆ ئه‌وه ده‌كات: ئاماژه‌ی مه‌ترسیدار ده‌بینرێت، به‌ڵام ده‌بێت كورد هۆشیاربێت و پارتیش به‌كه‌س ناسڕێته‌وه.
جه‌مال مورتكه، فه‌رمانده‌ی پێشمه‌رگه له كاتی به‌ڕێوه‌چوونی بانگه‌شه‌ی لیستی 190ی پارتی له ده‌ڤه‌ری قوشته‌په ڕایگه‌یاند: گوێمان له ئاماژه مه‌ترسیدار ده‌بێت، ڕاسته كاتی هه‌ڵبژاردنه و كێبڕكێ له‌نێوان لایه‌نه‌كان هه‌یه، به‌ڵام خه‌ڵكێك پێشتر ئه‌گه‌ر چاوی سۆر ده‌كرده‌وه ئێستا شان ڕاده‌وه‌شێنێ، پێویسته تاكی كورد و ده‌نگده‌ر هۆشیاربێت له‌و عه‌قلیه‌ته‌ی ئێستا هه‌یه، چونكه پارتی به كه‌س ناسڕێته‌وه.
ئه‌و فه‌رمانده‌یه‌ی پێشمه‌رگه ئاماژه‌ی بۆ ئه‌وه‌كرد: تا ده‌ستكه‌وته‌كانی كورد زامن بێت پێویسته ده‌نگ به لیستی 190ی پارتی دیموكراتی كوردستان بده‌ن.
جه‌مال مورتكه گوتیشی: ئه‌ركی هه‌موومانە له ڕۆژی هه‌ڵبژاردن به‌شداری بكه‌ین و ده‌نگ به پارتی بده‌ین، بۆ ئه‌وەی كورد سه‌ركه‌وێت، ده‌نگ به كاندیدانی پارتی بده‌ن، له‌به‌ر ئه‌وه‌ی سه‌رۆك بارزانی بڕیاری له‌سه‌ر لیستی 190 داوه.
قائید میرۆ