زاخۆ-KDP.info- ئهمڕۆ 55 ساڵ بهسهر كۆمهڵكوژی گوندی سۆریا تێدهپهڕێت، شارهزایهكی جینۆسایدیش دهڵێ: ڕژێمی ئهوكاتی عێراق موسوڵمان و كریستیانهكانی گوندهكهی پێكهوه كۆمهڵكوژ كرد.
عهدالهت عومهر، شارهزای جینۆساید، به ماڵپهڕی فهرمیی پارتی دیموكراتی كوردستانی ڕاگهیاند: له ڕۆژێكی وهك ئهمڕۆ و له ساڵی 1969 كاتێك له نزیك گوندی سۆریای دهڤهری سلێڤانهی سهر به زاخۆ بۆمبێك به ئۆتۆمبێلێكی سهربازیی سوپای ئهوكاتی عێراقدا تهقییەوه فهرمانی جینۆسایدكردنی گوندهكه درا.
ئهو شارهزایهی جینۆساید گوتیشی: له ڕووداوێكی كهموێنهدا ڕژێم هێرشی كرده سهر گوندی سۆریا كه دانیشتوانهكهی موسوڵمان و كریستیان بوون، له ئهنجامدا 39 هاووڵاتیی سڤیل بوونه قوربانی كه 25 شههید كریستیان و 14شیان موسوڵمان بوون، ههروهها 27 هاووڵاتی دیكهش برینداربوون.
حكوومهتی ههرێمی كوردستان له گوندی سۆریا مۆنۆمێنتی شههیدانی بۆ گوندەکه دروست كردووه، ساڵانهش یادی ئهو كارهساته نامرۆڤانهیە دهكرێتهوه.
قائید میرۆ