شێخان-KDP.info- بەرپرسێ مەکتەبا رێکخستنا پارێزگەھا دھوکێ سەرا لقا بیست یا پارتی دا و دگەل کادرێن ڤی سنوری کومبوونەک ئەنجام دا و تێدا ڕاگەھاند، سیاسەتا پارتی ھەمی دەما دخزمەتا بەرژەوەندیا دۆزا رەوایا گەلێ کورد دا بوویە.
ئەڤرۆ رۆژا چارشەمبی رێکەفتی ٤-٩-٢٠٢٤، دچوارچوڤێ بەرنامە و پلانا کاری، سەربەست لەزگین، ئەندامێ مەکتەبا سیاسی و بەرپرسێ مەکتەبا رێکخستنا پارتی ل پارێزگەھا دھـوکێ ب یاوەریا شاندەکێ مەکتەبێ سەرەدانا لقا بیست یا پارتی کر ل شێخان، ژلایێ سالح حەیدەر، بەرپرسێ لقێ ھاتنە پێشوازی کرن و ل دویف دا ژی دگەڵ کادرێن سنورێ لقا بیست یا پارتی کومبوونەکا بەرفرەھـ ئەنجام دا."
دڤێ کومبوونێ دا، سەربەست لەزگین، بەحسێ وێستگەھێن خەبات و بەرخۆدنا پارتی کر و راگەھاند، کو ئەف شورەشێن پارتی بەرپاکری ل پێناف دوزا رەوایا گەلێ کورد سەلمێنەرا وان راستیا بوو، کو خواست و ئیرادەیا پارتی ل ھەر پیلانەکێ بھێزترە، چونکی ئایدڵۆژیا و سیاسەتا پارتی ھەمی دەما دخزمەت بەرژەوەندیا دۆزا رەوایا گەلێ کورد دا بوویە."
و ئاماژە ب وێ چەندێ ژی کر، سەرباری دروستکرنا وان ئاستەنگ و ئاریشەیان پارتی شیا بەرسینگێ ھەر پیلانەکێ بگریت و درێژە ب کاروانێ خەباتێ و ئاڤەدانکرنێ بدەت و خزمەتەکا بەرچاڤ پێشکێشی خەلکێ کوردستانێ بکەت."
ھەروەسا ل درێژاھیا پەیڤا خۆ دا، بەحسێ رولێ رێکخستنێن حزبی و کاریگەریا کادری کر ل دەڤەرێ و رولێ کادری ب گرنگ زانی بۆ بەرەڤ پێشڤەبرن و بەرفرەھـ کرنا پێگەھێ جەماوەریی، ب تایبەت د ڤێ قوناغا گرنگ و ھەستیار دا."
