مەخموور-KDP.info- بەرپرسی لقی ٢٣ی پارتی دیموکراتی کوردستان ڕایگەیاند، دوای ھەوڵ و ماندووبوونێکی زۆری لقەکەمان، بڕیارێک لە بەرژوەندیی جووتیاران دەرکرا کە خزمەتێکی زۆریان دەکات.
سەنگەر کانەبی گەورە، لە لێدوانێکی تایبەتدا بۆ ماڵپەڕی فەرمیی پارتی دیموکراتی کوردستان گوتی: دوای ھەوڵێکی زۆری لقەکەمان (لقی ٢٣ی پارتی دیموکراتی کوردستان) و گەیاندنی داواکاریی جووتیارانی سنوورەکەمان، بەوپەڕی خۆشحاڵییەوە ئەمڕۆ لەپێناو بەرژەوەندیی گشتیی جووتیارانی سنووری پارێزگای ھەولێر، بەڕێوەبەرایەتیی گشتیی کشتوکاڵی ھەولێر، بڕیارێکی گرنگی بۆ خزمەتی جووتیارانی سنووری پارێزگاکە دەرکرد.
لە درێژەی لێدوانەکەیدا سەبارەت بەو خزمەتگوزارییە، بەرپرسی لقی ٢٣ گوتی: بڕیارەکە بۆ ئەو جووتیارانەیە کە زەویی کشتوکاڵییان لە بەردەستە، بەڵام گرێبەستەکەی بەناوی کەسێکی ترەوەیە کە ئەمەش داواکاریی چەندین ساڵەی جووتیارانە و دەستکەوتێکی گەورە و مێژووییە بۆ جووتیاران.
سەنگەر کانەبی گوتیشی: لە ماوەی ڕابردوودا مەسرور بارزانی، سەرۆکی حکوومەتی ھەرێمی کوردستان، زۆرترین خزمەتی بە کەرتی کشتوکاڵی لە ھەرێمی کوردستان کردووە.
بڵند ئیبراھیم