Hewlêr-KDP.info- Siyasetmedarê Azerbaycanê û pisporê karûbarên Rojhilata Navîn Zabît Mohamedov bi helkefta jidayikbûna Serok Barzanî û salvegera damezrandina Partiya Demokrata Kurdistanê (PDK) ragihand: “Avakirina Partiya Demokrata Kurdistanê pêşkeftineke mezin û girîng bû di dîroka siyasî ya Kurdistanê de.”

Bi helkefta salvegera jidayikbûna Serok Barzanî û damezrandina Partiya Demokrata Kurdistanê (PDK), hemû hêz û aliyên siyasî yên Kurdistanî li parçeyên din ên Kurdistanê û li ser asta navxweyî û navdewletî pîrozbahiyên xwe pêşkêşî Serok Barzanî û Polîtbîroya PDK û Serkirdatiya PDKê dikin.

Siyasetmedarê Azerbaycanê û pisporê karûbarên Rojhilata Navîn Zabît Mohamedov bi vê helkeftê ji malpera fermî ya Partiya Karkerên Kurdistanê (PDK) re ragihand, PDK roleke mezin di tevgera rizgarîxwaza Kurd û pêşvebirina mafên gelê Kurd li herçar parçeyên Kurdistanê lîstiye. PDK li navçeyê bûye hêzeke yekgirtî û xwedî bandor.”

Siyasetmedarê Azerbaycanê bi berçavgirtina destkeftên PDK li çiya û bajaran, raya giştî ya Kurdistanê piştrast dike ku ev partî dikare roleke girîng di pêşeroja siyasî ya Kurdistan û navçeyê de bilîze. Herwiha daxwaz ji hemû aliyên siyasî yên Kurdistanê kir ku ji bo bidestxistina armancên netewî yên gelê Kurd hevkarî û hemahengiya zêdetir bi PDK re hebin.

Zabît Mihemedov dibêje, PDK roleke girîng di proseya aştiyê li Herêma Kurdistanê û Iraqê de lîstiye û PDK bi siyaseta xwe ya hevseng û dûrbîn karîbû li navçeyê bibe faktora aramiyê.

Bi boneya salvegera PDKê ev siyasetmedar behsa hêza PDKê ya ji bo nasnameya Kurd a li ser asta cîhanê dike û dibêje: “PDK kariye bi gelek welatên cîhanê re têkiliyên dîplomatîk ên xurt deyne û ev yek jî dengê Kurdan li qada navneteweyî bilind kiriye.”

Di dawiya axaftina xwe de, pîrozbahiyê li gelê Kurd dike û hêvî xwest ku PDK têkoşîna xwe ya ji bo bidestxistina mafên rewa yên gelê Kurd û pêşxistina demokrasiyê li Herêma Kurdistanê berdewam bike.