Rûsya-KDP.info- Bi minasebeta 78mîn saliya damezrandina Partiya Demokrata Kurdistanê û rojbûna Serok Barzanî, endamekî parlamentoya Rûsyayê dibêje, Partiya Demokrata Kurdistanê (PDK) kariye bi awayekî karîgerî pirsgirêka Kurd bigihîne qada navdewletî û bala cîhanê bikşîne ser mafên rewa yên gelê Kurd.
Mîşa Xalidyan, Endamê Parlamentoya Rûsîyê di hevpeyvîneke taybet de ligel malpera fermî ya Partîya Demokrat a Kurdistanê (PDK), pesna rola giring a PDKê di danasîna doza Kurd bo cîhanê dide û dibêje: “Partiya Demokrat a Kurdistanê (PDK) kariye bi awayekî bi bandor pirsgirêka Kurd derxîne qada navneteweyî û bala cîhanê bikşîne ser mafên rewa yên gelê Kurd.”
Parlamenterê Rûsyayê tekezî li ser giringiya stratejîk a Hewlêr û Herêma Kurdistanê li navçeyê dike û dibêje: “Bi saya siyaseta dûrbîn a Partiya Demokrata Kurdistanê (PDK) îro Hewlêr û Kurdistan bûne navendeke girîng a siyasî û aborî li Rojhilata Navîn û ev jî destkefteke mezin e ji bo gelê Kurd.”

Xalidiyan amaje bi peywendiyên navdewletî yên Partiya Demokrata Kurdistanê (PDK) jî kir û got: “PDK kariye peywendiyên dîplomatîk ên bihêz ligel piraniya welatên cîhanê deyne û ev yek jî bûye alîkar ku pêgeha Kurdistanê li ser asta navdewletî bilind bibe.”

Parlamenter Mîşa Xalidyan hêvî xwest ku PDK ji bo bidestxistina mafên gelê Kurd û parastina aştî û aramiya navçeyê berdewam be.