ھەولێر-KDP.info- دەزگای خێرخوازیی بارزانی پەیامێکی هاوخەمی بۆ قوربانییانی لافاوەکەی چەمچەماڵ بڵاوکردەوە و ڕایدەگەیێنێت، تیمەکانیان لە حاڵەتی ئامادەباشیدان و بە هەماهەنگی لەگەڵ لایەنە پەیوەندیدارەکان، ئامادەن بە هانای لێقەوماوانەوە بچن. 

ھەولێر-KDP.info- ناوەندی هاوبەشی هەماهەنگیی قەیرانەکانی سەر بە وەزارەتی وەزارەتی ناوخۆی هەرێمی کوردستان، دوایین دۆخی زیانەکانی لافاوەکانی 24 کاتژمیری ڕابردوو بڵاوکردەوە و دەڵێت، دوو کەس گیانیان لەدەست داوە و کەسێکیش بێسەروشوێنە.

ھەولێر-KDP.info- ئێوارەی ئەمڕۆ سێشەممە 2025.12.9، ئومێد خۆشناو، پارێزگاری هه‌ولێر لە پەیوەندییەکی تەلەفۆنیدا لەگەڵ هەڤاڵ ئەبوبەكر، پارێزگارى سلێمانی، سەبارەت بە و شەپۆلی بارانبارینەو لافاوەی لە سنووری قەزای چەمچەماڵ و ناحیەکانی دروستبووە لە نیوەڕۆی ئەمڕۆوە، كە بەهۆیەوە جگە لە زیانی مادی، بەداخەوە دوو کەسیش گیانیان لەدەستداوە. وێڕای ھاوخەمی پارێزگا و خەڵکی شارى هەولێر، سەرەخۆشی لە خانەواده‌ و كه‌سوكاری هه‌ردوو قوربانییه‌كه‌ كرد و ئامادەیی پارێزگاى هەولێر و تیمى فەرمانگە پەیوەندیدارەکانى نیشاندا، بۆ ھەرچی پشتیوانی و پێویستى و هاوکارییە بۆ قەزای چەمچەماڵ و سنووری ناحیەکانی و کەمکردنەوەی زیانەکان.

ھەولێر-KDP.info-  پێشنیوه‌ڕۆى ئه‌مڕۆ سێشه‌ممه‌ ٢٠٢٥/١٢/٩ به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازیى له‌ تیمی ده‌زگاى روانگه كرد.