Hewlêr-KDP.info- Serok Barzanî pêşwaziya Balyozê Brîtanya li Iraqê kir û di wê hevdîtinê de herdu aliyan tekez kirin ku navçe nikare aloziyên zêdetir tehemûl bike û pêwîstî bi aramî û ewlehiyê heye.
Îro Dûşema 05.08.2024 li Selaheddîn Serok Mesûd Barzanî pêşwaziya birêz Stephen Hitchen Balyozê Brîtanya li Iraqê kir.
Di vê hevdîtinê de behsa pêşhat û aloziyên dawî yên navçeyê bi giştî û Rojhilata Navîn bi taybetî kirin, di derbarê pêngavên çareser û aramkirina rewşê de danustandina bîr û ramanan kirin. Herdu aliyan tekez li ser wê yekê kirin ku navçe xwe zêdetir li beramber girjî û aloziyên zêdetir nagre û pêwîstî bi aramî û ewlehiyê heye.
Peywendiyên di navbera Hikumeta Herêma Kurdistanê û Hikumeta Iraqa Federal û encama dawî yên serdana Serok Barzanî bo Bexdayê û hevdîtin û civînên li gel aliyên siyasî yên Iraqê û balyoz û nûnerên welatan li Iraqê mijareke dinî vê hevdîtinê bûn.
Her di vê hevdîtinê de rewşa Şingalê û pêwîstiya asayîkirina rewşa navçeyê û bicîhkirina rêkeftinnameya Şingalê behs kirin, ji aliyê xwe ve Serok Barzanî behsa wan hewl û qurbanîdanê kir ku ji bo azadkirina Şingalê û şikandina terorîstan hatine dan, lê mixabin niha çend hêzekî neyasayî li wirin ku rêgirin li asayîkirina rewşa Şingalê û vegerana xelkê wan navçeyan bo ser mal û warên xwe.
Di dawiya hevdîtinê de behsa encama dawî ya guftûgoyên di navbera Hikûmeta Iraqa Federal û hêzên hevpeymanan yên li ser pirsa hebûna wan ya li Iraq û Herêma Kurdistanê kirin.