ھەولێر-KDP.info- سەرۆک بارزانی، پەیامێکی سەرەخۆشیی بۆ کۆچی دوایی ملازم خدر بڵاو کردەوە و دەڵێت: "دۆستی دۆزی ڕەوای گەلی کوردستان بوو و ژیانی خۆی لە پێشمەرگایەتی و خەبات دژی دیکتاتۆریەت تەرخان کرد".
دەقی پەیامی سەرەخۆشیی سەرۆک بارزانی.
بەناوی خودای مەزن و دلۆڤان.
بەداخێکی زۆرەوە ھەواڵی کۆچی دوایی تێکۆشەری ناودار فەریق (نعمان علوان سھیل التمیمی) ناسراو بە (ملازم خدر)ـمان پێگەیشت.
ملازم خدر کەسایەتی و خەباتگێڕێکی حزبی شیوعیی عێراقی و نزیک لە بارزانیی نەمر و دۆستی دۆزی ڕەوای گەلی کوردستان بوو کە ژیانی خۆی لە پێشمەرگایەتی و خەبات دژی دیکتاتۆریەت تەرخان کرد.
پرسە و سەرەخۆشیی خۆم ئاراستەی بنەماڵە و کەسوکار و ھەڤاڵانی خوالێخۆشبوو ملازم خدر و ھەروەھا ھاوڕێیانی لە حزبی شیوعیی عێراقی و تەواوی خەباتگێڕانی عێراق و کوردستان دەکەم و خۆم بە ھاوبەشی خەمیان دەزانم.
لە خودای گەورە داواکارم ڕووحی خوالێخۆشبوو بە بەھەشتی بەرین شاد بکات و سەبر و ئارامی بە ھەموو لایەک ببەخشێت.
انا للە و انا الیە راجعون
مسعود بارزانی
١ی ئابی ٢٠٢٤