ھەولێر-KDP.info- بۆ گەشەدان بە پێگەیاندن و تواناسازیی کادیران، بەشی دیراسات و پێگەیاندنی پارتی دیموکراتی کوردستان، کۆبوونەوەی وەرزیی پێگەیاندنی خۆی لەگەڵ نوێنەرانی لق و مەکتەبەکانی ڕێکخستنی پارێزگاکان ئەنجام دا.
لە کۆبوونەوەکەدا کە ئێوارەی ئەمڕۆ چوارشەممە، ٣١ی تەممووزی ٢٠٢٤ بە ئامادەبوونی نوێنەری گشت مەکتەب ڕێکخستنی پارێزگا و لقەکان بەڕێوەچوو، بەشی دیراسات و پێگەیاندنی پارتی دیموکراتی کوردستان، گفتوگۆی لەسەر چەند پرسێکی ھەنووکەیی کرد.
کۆبوونەوەکە سێ کاتژمێری خایاند و بە چڕی گفتوگۆ لەسەر نەخشە ڕێگاکانی پێگەیاندن و تواناسازی کرا و پلانی کاری داھاتووش لەمەڕ ئەو بابەتە دانرا و بڕیاری پێویستیشی لەسەر درا.
کۆبوونەوەی وەرزانەی بەشی دیراسات و پێگەیاندنی تواناسازیی کادیرانی پارتی، ھەر جار بابەتێکی ھەنووکەیی ھەڵدەبژێرێت کە پێشتر ئامادەسازی بۆ کراوە و لە کاتی کۆبوونەوەکەدا گفتوگۆی چڕ لەسەر بابەتەکە دەکرێت و دواتر بە گەیشتن بە بڕیار کۆتایی پێدێت.
