ھەولێر-KDP.info- وەزیری دارایی و ئابووری هەرێمی کوردستان، پێشوازی لە شاندێکی هاوبەشی دیوانی چاودێری دارایی عێراق و هەرێمی کوردستان کردوو، نیازپاکی وەزارەتەکەی بەرامبەر لیژنەکانی بەغدا ڕاگەیاند.
ڕۆژی چوارشەممە ١٧ـی تەممووزی ٢٠٢٤، ئاوات شێخ جەناب، وەزیری دارایی و ئابووری حکوومەتی هەرێمی کوردستان پێشوازی لە شاندێکی هاوبەشی دیوانی چاودێی دارایی عێراق و هەرێمی کوردستان کرد.
وه‌ك له ڕاگه‌یه‌ندراوه‌كه‌ی وەزارەتی دارایی هاتووه، له دیدارێكدا گفتوگۆ كرا له‌سه‌ر كاره‌كانی تیمی هاوبه‌شی هه‌ردوو دیوانی چاودێری دارایی له وه‌زاره‌ت و دامووده‌زگاكانی هه‌رێمی كوردستان له‌ماوه‌ی ڕابردوودا، وه‌زیری دارایی پشتیوانی وه‌زاره‌ت و به‌ڕێوەبه‌رایه‌تیه‌كانی بۆ كاری تیمه هاوبه‌شه‌كان دووپات كرده‌وه و ڕایگه‌یاند به‌رده‌وام ده‌رگامان بۆ تیمه‌كانی دیوانی چاودێری دارایی كراوه‌بووه بۆ وردبینی و به‌دواداچوون له‌سه‌ر لیستی مووچه و داهات و خه‌رجیه‌كانی هه‌رێمی كوردستان.
لای خۆیانه‌وه شاندی هاوبه‌شی دیوانی چاودێری دارایی عێراق و هه‌رێمی كوردستان سوپاسی وه‌زیری دارایی و سه‌رجه‌م به‌ڕێوبه‌رایه‌تیه‌كانی وه‌زاره‌تیان كرد له‌پای ئه‌و هاوكاری و هاوئاهه‌نگییانه‌ی بۆ سه‌رخستنی كاره‌كانیان ئه‌نجامیانداوه.