Hewlêr-KDP.info- Polîtbîroya PDKê hewla terorkirina Berpirsê Liqa Germyanê ya PDKê bi tundî şermezar dike û tekez dike, “Armanckirina heval û kadirên me nayê qebûlkirin”.
Îro Sêşema 16.07.2024, Polîtbîroya Partiya Demokrata Kurdistanê (PDK) daxuyaniyek belav kiriye û diyar dike: “Mixabin roja Duşema 15.07.2024ê berpirsê liqa 22 ya Partiya me Ekrem Salih, di dema çûyîna ser erkê rojane yê xwe li bajarê Kelarê, dibe armanc û otomobîla wî tê teqandin, başe ku ziyana canî çênebû ye.”
Herwaha aşkera kiriye: “Em vê kiryara terorîstî bi tundî şermezar dikin, ku hevalên me kirine armanc, daxwaza me ji demûdezgayên wî sînorî ewe ku wê kiryara namirovane û terorîstiyane bi cidî lêkolîn bikin û kesên ew kar encam dane jî ji bo Partiya me û rayagiştî û gelê Kurdistanê aşkera bikin.”
Polîtbîroya PDKê amaje bi wê yekê jî daye: “Ew cure karên têkdaner li ser seqamgirî û asayîşa Herêma kurdistanê bandor dike, armanckirina heval û kadroyên Partiya me ji aliyê her alî û grûpekê ve be, nayê qebûlkirin û em rê nadin ku xerabker bigehêjin armanca xwe, ji ber wê jî, ji bo aramî û asayîşa civakî ya Herêma Kurdistan, pêwîst e aliyên peywendîdar bi erkê xwe rabin û encamderên wî karê terorîstî bigrin û radestî yasayê bikin.”