Hewlêr-KDP.info- Serokê Herêma Kurdistanê Nêçîrvan Barzanî bi wesîleya destpêka sala nû ya Koçî peyamek belav kir.
Nêçîrvan Barzanî sala nû ya Koçî pîroz kir û hêvî kir ku sala nû bibe wesîleyê hevqebûlkirin û bihevrejiyanê.
Serokê Herêma Kurdistanê di peyama xwe de hemû Misilman pîroz kirin û got: “Ez di yada 1ê Muheremê û serê sala nû ya 1446an a Koçî de hemû Misilmanên li Îraq, Herêma Kurdistanê û cîhanê pîroz dikim. Ez hêvîdar im ji bo hemû kesî bibe sala serkeftin, xweşî û halxweşiyê û bi xwe re aştî û aramiyê bîne.”
Nêçîrvan Barzanî xwest ku sala nû ya koçî ji bo bihevrejiyan û hevqebûlkirina hemû dîn û neteweyan bibe derfet û teşwîqkar û got: “Werin em hemû bi hev re xizmeteke baştir ji gelê xwe û welatê xwe re bikin. Hemû salên we bi xweşî bin û Xwedayê mezin we biparêze.”